Mateus 16:18 - Deus Itaumbyry

¹⁸ Âmâ Pedrogue tâzekeim. “Tuhu imâsedo” keze xirâ âze aguely. Amyguehobyry ara Deus Ingonotybylâ wawyly einwânni watay, ynynonrolâ. Âtâ tuhu wâgâ itâdyby wâne alâ kulâ nihugueba myara ise ynynonro modo âda tyeseba awyly. Tâwâlâ wâne iguelymo, idâzemo olâ yam, yagâ aunloenlâ itomoem. Xirâ mâuntudyze wato kuru.

Mateus 16:18 Iomraidhean Croise

Mateus 10:2

Induakeyby modo ezedy xirâ, tywâgâ aguenriem: Waunroeno Simão (Pedro kelygue tâzekeim) André (Simão iukono) Tiago, João warâ (Zebedeu imeombyry) Filipe Bartolomeu Tomé Mateus (Levigue tâzekeim lâpylâ urâ, saguhoem dinheru impostu epywado emakerimbyry) Tiago (Alfeu imerybyry) Tadeu Simão (tâty anary izetonro lelâlâ tawylygue, Roma donrogue tywymâgu izepaom) Judas (Queriote donro, Jesus egamenribyry izepaom modoran-ro warâ) Warâ ani xina doze lelâ, Jesus induakeyby modo.

Mateus 11:23

— Âmaemo Cafarnaum donro modo koendonro, tynreim warâ âmaemo, inanajimo. Deus eydâ atoram mydâlymo warâ wâne, inanajimo. Arâpa olâ. Satanás eydâ atoram ise mâjigonoholymo. Inakai kehoem akâwândy Sodoma donro modo. Deus eon-honru enehonze Cafarnaumdâ awitobyry nhedylymo-ro watay, inakanhe adâidyly tumozemo tâise, Deus tâinwânsemo warâ. Ijidadârymo tainzepa tâise. Deus eon-honrugue awidyly tâense lelâlâ wâne âmaemo. Inakanhe amidylymo mâinmopa olâ âmaemo.

Mateus 18:17

Akaemo aguely tindadyseba watay olâ idânârâ yeinwânni modoram anhetyby modo wâgâ aguewâtaungâ, mâkâ agâ aguehomoem. Turudyly tindadyseba watay olâ, Deus einwântânry modo ewyenlâ mâkâ nidâ; impostu epywado emakewâni modo aralâ etaungâ warâ — kely.

Mateus 4:18

Paru Galiléia emelay tadakobâday myani Jesus azagâ uguondo nhedyly, iwaigoru, iukono warâ; Simão Pedro, André warâ. Âedâgue kanra sawâni myani akaemo, vende tientoem. Âedâ paikaji nhamedaymo myani Jesusram âzeholymo.

Mateus 7:24

Jesus aguely: — Deus itaumbyry indadyly, aguehobyry ara aidyly waunlo uguondo tonomegueim, tuhu wâgâ tâty itânibyry emyenro.

João 1:42

Aituo tywaigoru nhadyly Jesusram. Jesus Simão enipyryem, aguely: — Simão izedy, João imery. Iwerâ olâ ise izedy iwelo Cefas — kely. (Pedro kezelâ gregüem Cefas kely, “tuhu imâsedo” kezelâ.)

Atos 2:47

Deus nhomaendylymo. — Deus koendonro kehoem âmâ xina agâ — kezesedylymo. Jerusalém donro modo myani akaemo ehogueni. Kopaelâgâembaba myani kurâdo Jesus einwânni âtâdyguyly, agui isezedylymo.

Atos 20:28

Âurudylymolâ xirâ-ro warâ, âmaemo Jesus einwânni iwymâry modo. Deus ize ato ara lelâ aitaungâ. Jesus eynynonro modo tâenselâ itaungâ. Akaemo eniem Deus Ispiritury induakeyby âmaemo. Pastor tâguy kaneru koendâ nhedyly wâne myara Jesus einwânni modo etaungâ. Deus xurâ modo akaemo, inakanhe aitomobyry epywaze myani Jesus iguely.

Atos 8:1

Estêvão eguepybyry tuhu imâsedo esagueyby odaji nhetadâdylymo myani akaemo Jesus einwânni modo ewy. Toenzepa myani igueduo eogunrumo. Saulo olâ myani, Estêvão igueypyem awyly tientuo, toenzepa iomaru. Estêvão xyâpygueduolâ myani akaemo Jesus einwântânry modo, Jesus einwânni modo toenzepa enagazedylymo nhaguly. Aituo myani âwientaynlymo Jerusalémdâpa. Judéia yan-yam idâimpe myani. Samaria yan-yam idâimpe lâpylâ myani. Jesus tunâry egaturin-em induakeyby modo olâ myani nâwiempyramo, târâmolâ.

1 Coríntios 15:55

“Tâjiguelyam wakykenre: ‘Saimpyem âmâ! Ielawada ipy etyby ara kulâ âmâ. Âytadaymba xina iwerâ’ kykenre” warâ myakâwândy Deus inwenien-honly, saguhoenlâ.

Gálatas 2:9

Tiago, Pedro, João warâ, Jesus einwânni modo iwymâryem tutuzeim, tutuzemo Deuslâ xirâ iewanu xuduim awyly. Iemary, Barnabé emary warâ nhawâdylymo, Jesus ewanuem xina agâ koendâ lelâ tawyly tienehon-homoem. Yam, Barnabéram warâ aguelymo ani: “Judeu keba modoram ise Jesus xunâry mâengatulymo kuru, xina ise judeu domodoram egatuin-ro warâ” kelymo.

Efésios 3:10

Anju domodo nutuwâbyramo myakâwândy, âdara Deus xunâry awyly kâmakehoem. Judeu domodo, judeu keba modo warâ on-hoam lelâ Cristo nheinwândylymo wâgâ, tokalelâ awyly wâgâ olâ ise nhutulymo kuru, Deus tonomegueim lelâlâ awyly.

Efésios 5:32

Iso, iwydy warâ tokalelâ idyly wâgâ kyam Deus nhutuen-honly, Cristo kieinwântuo, eagâ tokalelâ kidyly awyly kiuntuhoem.

Colossenses 1:18

Cristolâ mawânkâ tynynonro modo nhangahu, iwaunrorumo warâ. Iguewâm wâne, Deus olâ kurâem ietonmâ. Igueypyem mâkâlâ waunroem kuru kurâem itoni, todo âdaunloenlâ nigueompyra itoem. Awylygue pymâ tynrenseinhe lelâlâ awyly.

1 Timóteo 3:15

Tahuleba widyly-ro watay, xirâ kata wâgâlâ ise mâuntuly, âdara Jesus einwânni modo aidyly awyly, Deus adaindânry xurâ modo. Âtâ enu wâneam nihugueba itoem esebydâni, mârâ emyenro kurâ. Jesus einwânni modo kieinwândyly, âkeá lelâlâ Jesus wâgâ aguykely warâ watay, unâ âkealonro kiainhehonwâbyra kurâ.

1 Timóteo 3:5

Tâty odano modolâ koendâ nepyra, nurupyra warâ watay, Jesus einwânni modo eniem, xuruniem warâ nitaymba lâpylâ.

Hebreus 12:28

Aituo, Deusram wakykenre: “Koendonro lelâlâ âmâ, âmâlâma ise xina iwymâry” kykenre. Deus aguehobyry âdaunloenlâ tugukezeim mâkeba. Awylygue tuomare lelâ kine Deus agâ, kyzehoguene warâ, mâkâ ize ato ara. Deus âwankuem kiempyra kine, kydynrene warâ.

Apocalipse 11:15

Ilâpygueduo keankâ anju sete ieto tytrombetary indyly. Deus eydâ ato donro modo ewy aguely kâindadyly. Ago kehoem keankâ aguelymo: — Deus Kywymâry ton-honreim kuru! Idânârâ kurâdo iwymâry ise merâ! Ingonotyby Messias pymâem ise lâpylâ! Typygueba ise pymâem awyly! — kelymo.

Apocalipse 21:14

Doze tuhu imâsedo modo wâgâ keankâ mârâ sahodâdo saunâtybyem awyly. Doze lelâ tuhu mododâ keankâ doze “Kordeiru tunâry egatuze ingonotaymby modo” ezedy iwenibyem awyly lâpylâ.