Mateus 13:15 - Deus Itaumbyry

¹⁵ Auguely mâindadyseba, yeinwândyseba warâ âmaemo. Mâpaunzebyramo itybyem, âzenuahuymbyem, âjiwantahuybyem waunlo ara lelâ âmaemo, inomedâdomo mâuntuba mawylymogue. Ywâgâ mâuntudyze lelâlâ âmaemo watay, auguely tydase, tâinwânse warâ tâise âmaemo. Tâpaunzeze tâise âmaemo, âjiwantahudânry ara, âzenuahudânry ara warâ. Inakanhe amitomobyry tygakeze tâise urâ, ynynonroem mitomoem’ nygue Deus” kely myakâwândy Isaías inwenily — kely Jesus.

Mateus 13:15 Iomraidhean Croise

Marcos 4:12

Agânhekyly tâensemolâ wâne, nutubamo olâ, nepyramo-ro waunlo ara kulelâ. Auguely tydasemolâ wâne, âdakeze auguely nutubamo olâ ise. Koendâ tiuntuduomo, Deus izepa ato aiedyly tumozemo tâise. Deus tâinwânsemo tâise, inakanhe aitomobyry tygakeze tâise Deus warâ — kely Jesus.

Lucas 19:42

Târâmolâ-ro waunlo ara kehoem eyanmo aguely: — Kaikâ âmaemo-kâ Jerusalém donro modo! Yeinwântuomo lelâ Deus imakelymo awyly, mâuntudyzemo wâne urâ. Mâuntuba olâ âmaemo!

Atos 28:27

‘Unâry mâinwâmpyra âmaemo, mâinwândyseba mawylymoguelâ. Âyanmo auguedyse wato mâindapyra âmaemo, mâindadyseba mawylymogue. Agânhekyly mâuntuba âmaemo, mâuntudyzeba mawylymoguelâ. Mâjiwantahulymo, mâzepâinlymo waunlo ara lelâ. Arâpa watay, augueho tydase tâise âmaemo. Agânhekyly tutuze tâise âmaemo. Ynynonroem tâitonze tâise âmaemo. Imakedâmo tâise urâ-ro warâ’ ” kewândymy Deus, Isaíasram — kely myani Paulo.

Atos 3:19

Âjityendaungâ, inakanhe amitomobyry wâgâ. Deus izepa ato aiedyly imowâdaungâ. Jesus einwântaungâ, inakanhe amitomobyry Deus nhygakehoem.

Atos 7:57

Agueduo myani pymâ domodo toenzepa kehoem iewiâpadaynlymo. Âjiwantahulymo, aguely nidapyra tâitomoem. Toenzepa kehoem adaenkelymo; idânârâ kehoem Estêvão onwa idâlymo myani.

2 Timóteo 4:4

Aituo ise Jesus Cristo wâgâ unâ iozeno nidapyra idylymo. Agaityom modo xunârybyry egatuyby kulâ ise indakylymo, nheinwânkylymo warâ.

Hebreus 5:11

Toenzepalâ auguedyse wato modo, Cristo, Melquisedeque ara tâwaneim awyly wâgâ, xirâ unâ wâgâ idânârâ kâengatuhoem nudupa olâ, ton-honre mawânrâ mâuntuhomoem.

Apocalipse 22:2

Mârâ xidadâ earuary imâsedo tuotagueze keankâ paru sakadyly. Paru taynâ, tâynâ warâ keankâ se modo. Toenzepa mârâ modo ewitunu; doze nunâ ara âkeloem âkeloem warâ ewisely. Mârâ ewily einrim modo niguewâpyramo ise. Aunloenlâ ise Deus agâ awylymo. Saryguelâ ise idânârâ âsewiândylymo, aunloenlâ tâwânepa tâitomoem.