Mateus 12:48 - Deus Itaumbyry

⁴⁸ Aituo Jesus aguely: — Yze lelâlâ mâkâ pekodo. Konodo lelâlâ akaemo uguondo modo warâ. Tâlâ lâpylâ olâ yze ara lelâ, konodo ara lelâ warâ kâenkyly kuru — kely.

Mateus 12:48 Iomraidhean Croise

Mateus 10:37

— Ynynonroem midyse mataymo, unwânmo, âzemo, âmerymo, ixirymo warâ takaze kehoem ywynedaungâ. Yakadâ âdaunlo kurâdo kulâ mâinwyneguylymo-ro watay, ynynonroemba ise âutulymo.

Mateus 12:47

Aituo Jesusram aguenri aguely: — Âze, âukonodo warâ tarâ kuohomo. Agâ adâkedyzemo — kely.

Mateus 12:49

— Etaungâ ynynonro modo. Asaemo mawânkâ yze ara, konodo ara warâ kâenkyly, kâinwyneguyly warâ.

Lucas 2:49

Aituo myakâwâm Jesus aguely eyanmo: — Uipa midysemo. Pabai ety odaylâ wawyly mutudyzemo — kely.

Lucas 2:52

Jesus ago idyly, enomezely alelâ. Toenzepa kurâ domodo, Deus warâ ize atoem awyly.

2 Coríntios 5:16

Cristo idânârâ tywyneze awyly kiuntuduo, ânguy kiunâguedaymba kurâ, Deus ize ato modo agâ âseinwândânry modo aguehomo ara. Cristo kieinwâmpyra kydatay, âdalâ kulâ ani aguykewâdyly Jesus wâgâ, einwântânry modo agueho ara kulâ. Iwerâ olâ kurâ arâ aguykeba.