Mateus 12:2 - Deus Itaumbyry

² Fariseu domodo ewy xina aidyly tientuo ani Jesusram aguelymo: — Egâ âynynonro modo aidyly! Trigu ewily nhasewâdylymo, nhatuguelymo warâ. Tutuzelâ âmâ, kâzewenry eynynâ kokobyzegueho oday kydâsewaniba kydawyly — kelymo.

Mateus 12:2 Iomraidhean Croise

Mateus 12:10

Uguondo âzemapiluguedânrybe ani târâ. Tâlâ pylâ ani kurâdo ewy Jesus izepaom modo. Jesus tiunâguedomoem kulâ aidyly enuagaeni modo. Xunâzelymo: — Tâzekobyzegueho oday Jesus, awâkâ uguondo emary kua nhedyly watay, Moisés inweniby araba aidyly awyly aguykenre. “Deus aiedyseba ato amientai” kykenre — kelymo.

Mateus 12:3

Aituo Jesus aguely: — Enanâguewâdaungâ typynigueba tâituomo, kydamu Davi, eagonro modo warâ aitomobyry, toenzepa tâwindymogue.

Marcos 2:24

Aituo fariseu domodo ewy, akaemo aidyly tientuomo, Jesusram aguelymo: — Egâ âynynonro modo âsewanily! Trigu ewily nhasewâdylymo, nhatuguelymo warâ. Tutuzelâ âmâ, kâzewenry eynynâ kokobyzegueho oday âdy aguiento keba awyly — kelymo.

Lucas 14:3

Tientuo myani Jesus aguely fariseu domodoram, Moisés inweniby wâgâ enomedâni modoram warâ: — Âdaraka Moisés inweniby aguely tâzekobyzegueho oday tâwâneim kua iedyly wâgâ? Tâwâlâ, tâwâlâpa kua iedyly? — kely Jesus.

Lucas 23:56

Tiempygueduo myani tâtyram odopâdylymo. Tyânrânguneim modo, óleo tyânrângueim warâ nhondylymo, âguedy ituwyn-ho onwa, tiampâdomoem. Ohondybyem myani ekobyzeguelymo, judeu domodo ezewenryem mawânrâ tâzekobyzegueho oday ânguy nâsewaniba.

Lucas 6:2

Fariseu domodo ewy, akaemo aidylymo tientuo Jesus eynynonro modoram aguelymo: — Kadasewâdaundâ, kadatuguewâdaundâ warâ awârâ trigu ewily iwerâ. Tutuzelâ âmaemo, kâzewenry eynynâ kokobyzegueho oday kydâsewaniba kydawyly — kelymo.