Lucas 9:52 - Deus Itaumbyry

⁵² Tâtâdaymolâ myani uguondo modo ewy ingonodyly. — Idâwâtaungâ waunroem, kykyho xuize — kely. Idâlymo. Saindylymo âtâ anary Samaria eynynonroram. Saintybyem myani tykyho nhuinlymo.

Lucas 9:52 Iomraidhean Croise

Mateus 10:5

Deus xunâry egatuze ani xina âjigonoholy. Xina idâly iraynâ, Jesus aguely: — Judeu keba modo ety anaxi tâtâzebane itaungâ. Samaria eynynonro modo ety anaxi tâtâzeba itaungâ warâ.

Lucas 10:1

Ilâpygueduo myani Kywymâry setenta e dois lelâ uguondo modo induakewâdyly. Azagâ myarâ, azagâ myarâ, azagâ myarâ warâ ingonodylymo. Eyanmo aguely: — Yraynâ idâwâtaungâ âji udâho modo ara. Xidadâ modoram idâwâtaungâ, poji anakâ kurâdope atoram warâ — kely Jesus.

Lucas 10:33

— Ilâpyryem myani uguondo Samaria donro sakadyly mârâ ânwa ozelâ. Samaria donro modo, judeu domodo warâ âjizetonro keba, eagâmo tâtunâguedylylâ izetonro keba. Alâ olâ, mâkâ Samaria donro judeu âdyâypy tientuo, epagudyly, toenzepa kehoem intyendyly.

Lucas 17:11

Jerusalémram tâtâly ume myani Jesus Samaria, Galiléia warâ ontagâ sakadyly.

Lucas 17:16

Jesus eydâ atoram saintondybyem, enado âzeguhoam itybyem aguely: — Koendonro lelâlâ âmâ. Toenzepa agâ womaru, kua yetaima — kely. Samaria donro lelâlâ wâne, alâ olâ myani Jesusram odopâdyly, kua tyetuo.

Lucas 7:27

Warâ iwenibyem awyly Deus itaumbyry awo wâgâ: “Anra ytaumbyry egatuim. Waunroenlâ ise merâ kâingonodyly, kurâ domodo nhonse Messias saintodâ” kewândymy Deus. Kurâ domodo yaintodâ nhoniem kehobyry mâkâ João — kely Jesus.

João 4:4

Samaria einkâ takadyze Jesus. Awylygue tâinkâ xina sakadyly.

João 4:5

Samaria donro xidadâ Sicar kehoam iwaguepa xina saindyly. Mârâ xidadâ iwaguepa, onro saguhoem lelâlâ kydamu Jacó tymery Joséram nhuduypybe târâ.

João 4:9

Pekodo aguely: — Judeu âmâ, samaritana urâ warâ. Ypemugudo, âpemugudo agâ âjizetonro mâkeba; koendâ oxioni keba warâ. Xina adakuihobyry oday, madakuidyzedo mâkeba âmaemo. Awylygue ywalu etary odano ewy mâenyhoem mâenkaduo, kâseguâdâdyly — kely pekodo. Mâkâ pekodo arâ aguely, judeu domodo, samaritano domodo warâ âjizetonro keba awylymogue. Samaria donro modo adakuihobyry oday nadakuiwâbyra judeu domodo.

João 8:48

Aituo tonlo modo judeu domodo eyam aguelymo: — “Âkealâ enra Samaria donro modo emyenro kulâ âmâ kadopâbeom” xina kely — kelymo.