Lucas 8:48 - Deus Itaumbyry

⁴⁸ Aituo Jesus eyam aguely: — Kua itybyem âmâ, kua kyetâ wawyly mâinwântobyry wâgâ. Idâ lelâ itynra Tâseguâdâzeba ikâ — kely Jesus.

Lucas 8:48 Iomraidhean Croise

Mateus 12:20

Toenzepa ise kytyendyly. Awylygue ise kurâ domodo âdiempa tâinwânni modo koendâ lelâ nhedyly. Peto nhâseajiom wâne tyânlânehonzeba myara ise âdiempa tâinwânni nitywanânehomba awyly. Inakai modo adain-ho odaxi alâ ise aisezedyly. Kurâ domodo inakanhe tâentuneim modo koendâ lelâ nhedyly, se iwatary âdukagâdyby saseudyly wâne myara.

Mateus 8:13

Jesus aguely sodadu iwymâryam: — Idâ ityam. Agâ tâwaneim kua kânhedyly; meinwântaima. Aituo enra kua kânhedyly — kely. Jesus aguely umelâ myani sodadu iwymâry agâ tâwaneim kua idyly lelâ târâ.

Mateus 9:2

Tonlo modo ewy uguondo adakobâdânry nhadylymo sawo wâgâ, Jesus kua nhetoem. Kua nhedyly tâinwânsemo awyly tiuntuduo myani Jesus aguely tâwâneinra: — Ton-honre ikâ. Idânârâ inakanhe amitobyry modo xygakeagui — kely.

Mateus 9:22

Tâty tywogonro MÂʼ ietuo, Jesus MYRYK idyly. Pekodo nhedyly. Eyam aguely: — Tyanepa ikâ. Kua ietybyem âmâ, kua kyetâ wawyly mâinwântobyry wâgâ — kely. Aguely umelâ kehoem myani pekodo kua idyly lelâlâ.

Marcos 5:34

Aituo Jesus aguely pekodoam: — Kua itybyem âmâ, kua kyetâ wawyly mâinwântobyry wâgâ. Idâ lelâ ityam. Awârâ aunlogue, tâwânepa ise âmâ iweâma — kely.

Lucas 17:19

Aituo myani Jesus aguely uguondo kua itybyram: — Aukâ. Idâ. Koendâ kehoem kua itybyem âmâ, ton-honre wawyly mâinwântobyry wâgâ — kely.

Lucas 18:42

— Etonze lelâ âmâ. Kua âeniem wawyly mâinwântobyry wâgâ — kely Jesus.

Lucas 7:50

Jesus olâ pekodoram aguely: — Yeinwândylygue, enra imakely. Agâlâ ise Deus nheniem — kely.

Lucas 8:47

Mâkâ pekodo myani totoendo nutuba tâituo. Tyanugue, tapâne kehoem Jesus enadoram saindyly. Âzeguhoam idyly, tâinwânse tawylygue. Idânârâ enanaynmo aguely: — Urâ enra MÂʼ âeni, Jesus, kua yeniem mawyly, kâuntuduo. MÂʼ âetuolâ enra koendâ kehoem kua widyly — kely.

Atos 14:9

Mâkâ uguondo myani Paulo, Jesus wâgâ aguely indadyly. Mâkâ uguondo adakobâdânry koendâ kehoem enipyryem myani Paulo tuoday aguely: — Deus kua tyedyly tâinwânse merâ uguondo — kely.

2 Coríntios 6:18

Unwânmo ise urâ. Ymeombyry ise âmaemo warâ” tâkeze Kywymâry Deus ton-honreim, warâ iwenibyem awyly Deus itaumbyry awo wâgâ.

Hebreus 4:2

Akaemo Deus aguehobyry indatobyry ara lâpylâ unâ koendonro tâdâsemagueho kindadyly. Akaemoem olâ Deus aguehobyry indatybymo âdyem nipyra, tindatyby modo neinwâmpyra awylymogue. Deus aguehobyry idadyly kulâ, agueho tâinwânseba warâ watay, âdyem nitaymba kurâem.