Lucas 7:13 - Deus Itaumbyry

¹³ Isebyry tientuo toenzepa myani Jesus intyendyly. Aituo aguely: — Tuogunrepa ikâ — kely.

Lucas 7:13 Iomraidhean Croise

Marcos 8:2

— Ytynroem enra asaemo kurâdo. Kopaelâgâbygueduolâ keankâ yagâ awylymo. Âdy nheinlymo peba-ro warâ.

Lucas 10:1

Ilâpygueduo myani Kywymâry setenta e dois lelâ uguondo modo induakewâdyly. Azagâ myarâ, azagâ myarâ, azagâ myarâ warâ ingonodylymo. Eyanmo aguely: — Yraynâ idâwâtaungâ âji udâho modo ara. Xidadâ modoram idâwâtaungâ, poji anakâ kurâdope atoram warâ — kely Jesus.

Lucas 11:1

Alâ myani Jesus Deus agâ aguely. Deus agâ aguepygueduo, eynynonro modo ewy eyam aguely: — Deus agâ xina aguehoem, xina enomedâgâ, Pymâ. João Batista tynynonro modo nhenomedâdobyry ara, xina enomedâgâ lâpylâ — kelymo.

Lucas 11:39

Aituo myani Jesus aguely eyam: — Âmaemo fariseu domodoram xirâ auguely. Moisés inweniby ara amidyse mawylymo umelâ, inakanhe kulâ adâiselâ âmaemo tyewiâpazelâ warâ. Tâdâjitoguyly tâkeze minasemo, ize matomo mâenmakehomoem. Tâlâ wâne kopu, prato warâ sagokeim ikaynâ kulâ nhagokely, ioday iwyku netyba waunlo, myara kulâ âmaemo. Deus ize ato ara adâjidyly mâuntuba âmaemo.

Lucas 12:42

Aituo myani Jesus in-hoguly: — Tâwaneim koendonro, eagâ tâwano tânuenze myara ienuendaungâ. Fazenda sodo taypa tâtâly iraynâ, tagâ tâwaneim tonomegueim, koendonroram watâkeze: “Udâly wao ise. Âmâ ise iety, ysejiguy, yagâ tâwanuneim modo warâ eni. Kopaelâgâembaba ise akaemo mâwandyly. Âdy ize atomo âundugâ” tâkeze mâkâ eagâ ewano, tâtâday.

Lucas 13:15

Aituo myani Kywymâry Jesus aguely: — Koendonroem wâne mâdutulymo, koendonro keba olâ âmaemo. Tâdâzekobyzegueho oday tâsewanize lâpylâ âmaemo! Iguymo tapirâ, jumentu warâ paru nhenyhoem tywykâjigueze tâzekobyzegueho odaylâ.

Lucas 17:5

Jesus induakeyby modo aguelymo myani eyam: — Xina âinwândyly imâem iekâ, Pymâ — kelymo.

Lucas 17:6

Aituo myani aguely: — Mostarda ewy imeimbyry aralâ, âdiempa yeinwândylymo watay, toenzepa on-honrumo xuduze urâ. Figueiraram, “Onkegâ. Parutabâ ikaji âzetâda” mygueduomo, aise amyguehomobyry ara — kely Jesus.

Lucas 18:6

Jesus aguely: — Âpaunzedaungâ juiz aguehobyry wâgâ.

Lucas 19:8

Zaqueu tâpague myani Jesus enado, aguely: — Idakâ, Pymâ. Tâlâ wato epajiwâze urâ âdy pebaom modo agâ. Impostu epywadobyry kâenmakely ume, epywado imâem kehoem kâenkadyby watay, dinheru xuduonse urâ eyanmo. Tokalâ moeda kâenmagazedyby watay, quatro moeda ise eyanmo kâunduly. Azagâ moeda kâenmagazedyby watay, oito moeda ise eyanmo kâunduly. Warâ ise awidyly — kely Zaqueu.

Lucas 22:61

Aituo myani Jesus MYK idyly Pedroam. Pedro MYK idyly lâpylâ Jesusram. Pedro âsenanâguely tyam aguehobyry wâgâ: “Auguely xirâ âyam, Simão. Xirâ kopae, aukuma igâtudyly iraynâ, azagâ tokalâ warâ ise ‘Jesus kâuntuwâbyra urâ’ myguely” Jesus kehobyry.

Lucas 24:3

Tâwânsemo myani tâtagueim odaxi. Âwântybyem myani Kywymâry Jesus eguepybyry târâpa awyly nhedylymo.

Lucas 24:34

Akaemo azagâ saintybynra aguelymo myani: — Kywymâry kurâem nitondai lelâlâmy! Igueypyem inkâba. Kurâem nitondaimy! Simão netai — kelymo myani.

Lucas 7:12

Xidadâ odaxi tâdâwânto iwaguepa ataymo, Jesus âguedy epyâdoram sani modo nhodylymo. Pypâ imery tokaleom myani mâkâ âguedy. Toenzepa myani kurâdo mârâ xidadâ odano modo igueypy nhapygue idâlymo.

Lucas 7:14

Agueypyem myani iwaguepa saindyly. Mâkâ igueypy sawo MÂʼ nhedyly, sani modo epagudoem. Aituo myani epagudylymo. Epaguduomo, Jesus aguely igueypyram: — Kurâem itongâ. Aukâ, salokuzenomo — kely.

Lucas 7:19

Aitobyry egary tindatuo myani azagâ tynynonro modo ewy ingâsedyly. Eyanmo aguely: — Jesusram idâwâtaungâ. “ ‘Deus ingonotyby âese’ kehobyrylâka âmâ? Eagonro ise xina inwânwânkyly?” kewâtaunda Jesusram — kely João Batista.

Lucas 8:52

Idânârâ târâ âtâdyguyby modo eogunrunu, itynrunu warâ, âwynsaundo igueduo. Aituo Jesus aguely: — Tuogunrepa itaungâ. Niguewâpyra awâkâ âwynsaundo, xykyly kulâ — kely. {Arâ aguely, kurâem tientondyly tiuntuduo.}

João 11:2

(Mâkâ Maria, Pymâ Jesus ihuru onwa uriza nhapâdyly, tyangahudugue in-hugoguely itybylâ mâkâ.)

João 11:3

Paru Jordão kuynâ Jesus awyly ume, Lázaro eaundudo kurâ ingonodylymo Jesusram: — “Pymâ, toenzepa enra ataen-ho mâinwyneguyly ewânu!” kera.

João 20:13

Anju domodo pekodo nhapâiguelymo: — Âdaituoka ogunru? — kelymo. Aituo pekodo in-hoguly: — Ywymâry eguepybyry nadâmomy. Âdyam nhetomobyry kâuntuba olâ urâ-ro warâ — kely.

João 20:15

Aituo Jesus aguely: — Âdaituoka ogunru? Ânguyka mâwinly? — kely. Mârâ âji enilâ-ro waunlo ara mâkâ enanaji. Awylygue in-hoguly: — Âmâlâ eguepybyry tarâpa etyin-ro watay, âdyam mânhetobyry yam aguekâ. Urâ ise eagonro âjiam sanehoim — kely pekodo.

João 4:1

Jesus nhenomedâdo idani modo aguiom kuru, João aguely idani modo takaze, Jesus agui kurâdo batiza nhenehonly, João batiza nhetyby takaze, kely tydase myani fariseu domodo.

João 6:23

Aguelymo ume, xidadâ Tiberíadesdâpa âetyby modo paru nhekuâdylymo. Tywepiry odaypa âzetywâdylymo, Jesus kurâ domodo tuantoem, “Koendonro lelâlâ âmâ, awylygue xina ipyniry mâunduly” kehobyry iwaguepa. Xuize idâwânmomy, nepyramo olâ myakâwâm.

1 Coríntios 7:30

Âtynrumo umelâ, amânhetomoem Deus aguehobyry aietaungâ; tutuzelâma âmaemo, âtynrumo aunloenlâpa awyly. Omarumo ume, amânhetomoem Deus aguehobyry aietaungâ lâpylâ; tutuzelâ âmaemo, omarumo aunloenlâpa awyly. Âdydo imeom vende mânhedylymo umelâ, amânhetomoem Deus aguehobyry aietaungâ, aunloenlâ nipyra mawânrâ ise âsejiguymo.

1 Tessalonicenses 4:13

Jesus einwânni modo igueduo âdaidylymo awyly xina mâuntudyzemo ato. Awylygue aekuru tytyremba itaungâ, Jesus einwântânry modo araba. Iguewâtyby modo kurâem itonze awyly neinwâmpyramo. Awylygue toenzepa âjityendylymo. Cristo eynynâ ypemugudo, kurâ Jesus einwânni modo olâ arâpa awyly, tutuze kurâ.

Hebreus 2:17

Kâmakezelâ âewyly awyly kiuntuduo, âdaituo Jesus karalâ kurâem idyly awyly tutuze kurâ. Arâ aidyly, Deus aguehobyry ara adâitoem, koendâ kitoem warâ. Jesus ewanu, kurâ domodo xurâem Deus agâ aguely, Deus aguehobyry kurâ domodoram egatuly warâ. Deus ety oday kurâ domodo eynynâ aguewâni modo iwymâry kuru aito ara aidyly. Âwâlâ Jesus âtuly kynynâ tyiguehoem; arâ awylygue mawânkâ Deus idânârâ ekanibyry modo inakanhe aito nhygakely.

Hebreus 4:15

Jesus Deus enado tatay, kytyendâ mâkâ, ton-honremba kydawyly ume, kytynru ume, tugüiguepa kydawyly ume, kyanu ume, kydadahulily ume, kydâsenagazedyly ume warâ. Karalâ mawânkâ Jesus kurâem awyly. Kydâsenagazedo aralâ âsenagazemâ. Jesus, Deus neinwâmpyra itoem aienehonze kewânmy Satanás, Jesus kieinwâmpyra kitoem aienehonze keho ara. Jesus olâ âdaunloenlâ Deus izepa ato aniempyra.