Lucas 6:21 - Deus Itaumbyry

²¹ — Tuomareim kuru âmaemo tâwinzeim modo. Ilâpyryem ise idânârâ ize matomo tâlâ lelâ. — Tuomareim kuru âmaemo tytyruneim modo, tuoguruneim modo warâ. Ilâpyryem olâ ise omarumo, âilumo lelâ warâ.

Lucas 6:21 Iomraidhean Croise

Mateus 5:4

— Tuomareim kuru mâkâ iwerâ âjityeni. Itynru ume, Deuslâ mawânkâ ise iomazeâni.

Mateus 5:6

— Tuomareim kuru mâkâ Deus ize ato modo lelâ adiendyse donro. Kurâ tâwinzeim, tatuanzeim warâ wâne pyni, paru warâ lelâ ize ato, myara lâpylâ Deus ize ato lelâ adiendyse awyly. Idânârâ ize ato xuduze Deus, ton-honre lelâ tâinwântoem.

Lucas 1:53

Âdy pebaom modoram âdy koendonro modo tuduze Deus. Âdypeom modo olâ âdy peba tyese.

Lucas 6:20

Ilâpygueduo myani Jesus tynynonro modoram MYK idyly. Eyanmo aguely: — Tuomareim kuru âmaemo âdy pebaom modo. Deuslâ olâ âwymârymo, nhenimo warâ.

Lucas 6:22

— Tuomareim kuru ise âmaemo. Iwerâ kulelâ mâjiewiâseolymo; ânguy izepa ato modo, tywykeduneim modo, tunâgueduneim modo warâ. Urâ Uguondo Kaynâpa Âetyby xurâem mawylymogue ise mâzenagazeolymo.

Lucas 6:25

— Kaikâ âmaemo iwerâ pyni sodo modo. Âsewinzeze âmaemo. — Kaikâlâ âmaemo iwerâ tuomareim, tyeileim warâ. Âjityenze, ohogüenze warâ âmaemo.

João 11:35

Jesus eogumadyly.

João 4:10

Aituo Jesus aguely: — Deus âmâem nhuduly mâuntuly ânguy paru ekani awyly warâ mâuntuly watay, yam paru tâkaze tâise âmâ mâenyhoem. Yam mâenkaduo, âyam tuduze tâise urâ. Mâenyly-ro watay, iweloem tâiehoze tâise âmâ; âigueduo, aunloenlâ Deus agâ mitoem eyam tâtâze tâise âmâ — kely Jesus.

João 6:35

— Urâlâ mawânrâ mârâ pyni emyenro. Urâlâ ise yeinwânni modo aunloenlâ Deus agâ ienehonri, eagâpa ienehondânry warâ. Ynynonro modo nâsewinzedondaymba natuandondaymba warâ ise.

1 Coríntios 4:11

Tâsewinzeze, tatuanze warâ xina. Âtâbâgue kulâ xina âzetydâdyly. Tadapioguoze xina. Myarâ myarâ warâ xina idâly Cristo xunâry egatuze, âdatay âdykâ tykyly awyly xina nutuba.

2 Coríntios 11:27

Âwanu ton-honreim lelâlâ ani agânhekyly, kokozeâni kehoem. Âdatay koendâ ykyba tâise urâ. Âdatay ani âdy kâinly peba, âdy kâenyly peba, toenzepa igâwynu ume âtâ kânhekyly peba tâise urâ warâ.

2 Coríntios 12:10

Tuomare olâ urâ Cristo xurâem wawylygue, won-honrugue âdylâ aiese ton-honremba wawyly umelâ. Iwâgâ âwankuem yedylymo umelâ; kâmaynoem wawyly umelâ; Jesus einwânni wawylygue kâzenagazeoly umelâ, toenzepa iekuâdâni modope awyly umelâ, tuomareba wipyra olâ urâ, Cristo aguehobyry aiese. Ton-honreba wituo lakuru, Cristo eon-honrugue kozohondâdyly.

2 Coríntios 6:10

Âdatay tytywanze wâne xina; tuomareba xina nipyra olâ. Âdy peba wâne xina. Xina aguely idataynrim modo Jesus nheinwântuomo olâ Deus nhuduly koendonrope tâisemo. Âdy peba lelâlâ wâne xina, Deus olâ idânârâ xina ipa ato tuduze; aituo pylâ tydinherugueim ara lelâlâ xina awyly-ro warâ.

Tiago 1:12

Kurâ Jesus einwândyly kinmobalâ kydâsenagazedyly emaenrimbyry kuomazeânze Deus. Arâ kienmaenzezedyly-ro watay, aunloenlâ kyiguepa kitoem aiese Deus, tâgaseim waunroem saintyby tâgatobyry ebyry nhemakeho ara. Awârâ mawânkâ adienkylyem aguehobyry tywyneni modoem.

Apocalipse 21:3

Ton-honre kehoem tâjitanru kâindadyly mârâ pymâ Deus xurerydâ. — Tynynonro modo duaylâ ise iwerâ Deus ejiku. Aunloenlâ ise akaemo agâ awyly, eynynonro modo ise akaemo-ro warâ. Mâkâ kulelâ ise nheinwânkylymo.

Apocalipse 7:16

Typynigueba nipyramo, tokuemba nipyramo warâ ise asaemo. Xixi âdâpigugue nâsenagazedaymbamo ise.