Lucas 2:11 - Deus Itaumbyry

¹¹ — Imakerinmo niazeaki iwerâ, târâ Davi iazehobyrydâ. Deus Ingonotyby mâkâ, Messias, âwymârymoem.

Lucas 2:11 Iomraidhean Croise

Mateus 1:16

Jacó, José nhunwym. José akâwâm Jesus nhunwyn-em ini, Maria agâ tohogüinduo. Jesus ani Maria imery. Jesus mawânkâ Cristo kelygue tâzekeim, Messias “Deus Ingonotyby” keze aguely.

Mateus 1:21

Uguondo ise awâkâ imery. Awâkâ iamudo wâgâ ise Deus kurâdo nhemakely, inakanhe aitomobyry nhygakely warâ. Awylygue ise “Jesus” kelygue mâenzetâdyly — kely myakâwâm anju Joséram. (“Jesus”, “Kâmakerim” keze aguely.)

Mateus 16:16

Aituo Simão Pedro in-hoguly: — Messiaslâ âmâ, Deus iguedânry imery — kely. (“Deus Kâmakeze Ingonotyby” keze “Messias” kely.)

Mateus 16:20

Aituo Jesus aguely idânârâ xinaram: — Mâkâlâ urâ, Deus Ingonotyby. Iwerâ kuru wao olâ Messiaslâ wawyly kâzegatuwâdaundâ — kely.

Lucas 1:43

Odaypa iazeim iamudo ise ton-honreim kuru, ymery takaze kehoem. Tuomare olâ urâ, âmâ Kâmakerim ise ietyram mâetobyry wâgâ.

Lucas 1:69

Xina emakerim ton-honreim migonodâ, pymâ Davi iwerypyry.

Lucas 2:26

“Âiguely iraynâ ese âmâ Deus Ingonotyby” Deus Ispiritury kehobyrylâ Simeãoram.

Lucas 2:4

Aituo myakâwâm xidadâ Nazaré, Galiléia eynynonro dombyryem José idâly Belémram, Judéia eynynonro anaxi. Pymâ Davi iwerypyry myakâwâm mâkâ. Awylygue tâzedy iweniehonze idâly Belémram, Davi iazehobyryanlâ.

João 1:41

Jesus agâ adâkebygueduo myani André tywaigoru nhuinly, aguely: — Paigo, Deus Ingonotyby Messias xina netai — kely. (“Cristo” keze “Messias” kely gregüem.)

João 1:45

Filipe, Natanael agâ agueze idâly. — Saguhoenlâ Moisés pape kâzewenry awo wâgâ inweniby Deus Ingonokyly wâgâ aguehobyry xina netai. Deus itaumbyry egatuimbyry modo tywenizemo lâpylâ mâkâ âeni wâgâ. Jesuslâ, Deus Ingonotyby, José imery, xidadâ Nazaré donro — kely.

João 11:27

— Idânârâ amyguehobyry modo tâinwânse urâ. Deus, “Xirâ onro anaxi igonose urâ” kehobyrylâ mawyly tâinwânse urâ. Deus imery lelâlâ mawyly tâinwânse urâ warâ — kely Marta.

João 20:31

Xirâ pape kâinwenily olâ, Jesus tâinwânsezelâ mitomoem, Deus Ingonotyby Messias awyly mâuntuhomoem. Deus imery awâkâ Jesus. Tâinwânse âmaemo-ro watay, aunlolâ ise agâmo awyly. Âiguelymo watay, Deusram idâze âmaemo, aunloenlâ eagâ mitomoem.

João 4:25

Pekodo aguely: — Tutuzelâ urâ, âdaralâ Messias, Deus Ingonotyby, saindyly awyly. Âewyly-ro watay, idânârâ kehoem ise Deus wâgâ kiuntudyze ato aguely — kely.

João 4:42

Pekodoam aguelymo: — Mâkâ tâinwânse xina iwerâ, mâengatuyby wâgâ kulelâba olâ, xina lelâlâ nhenomedâdo tindatobyry wâgâ. Tutuze xina, idânârâ tâinwânni modo emakeze âetyby awyly — kelymo.

João 6:69

Âmâ lelâ xina nheinwânkyly. Deus Ingonotyby mawyly, tutuze xina — kely.

João 7:41

Einwântânry modo olâ aguelymo: — Messias mâkeba awâkâ. Galileiadâ kulâ mawânkâ âewyly. Mârâ eynynâ inkâba ise Messias âewyly.

Atos 10:36

Xina Israel iweom modoram saguhoem Deus aguehobyry, tutuzelâ âmaemo. Inakanhe aguitobyry tygakeze Deus, Pymâ Jesus kieinwândyly-ro watay. Inakanhe aguitobyry nhygakeybyem watay, âdy mâkâ kâwentâdo lâpeba ise. Warâ unâ iwâkuru xina indatyby.

Atos 13:23

— Iweâpalâ myakâwândy Deus, Jesus wâgâ aguely: “Davi iweom ewy igonose urâ, judeu domodo emakeze” kely. Jesuslâ myani Deus “Igonose urâ” keho.

Atos 17:3

Messias wâgâ saguhoem kuru Deus itaumbyry egatuim modo inweniby wâgâ myani aguelymo. — “Messias âsenagazeze, igueze warâ, ilâpyryem kurâem itonze olâ” kely myani inwenilymo. Merâ Jesus âyanmo augueho, Messiaslâ merâ, Deus Ingonotybylâ — kely myani Paulo.

Atos 2:36

— Nhaum, Israel domodo, koendâ ydataungâ. Kywymâryem Deus ingonotyby keankâ mâkâ Messias kruz onwa mankâjien-honlymo, Deus Ingonotyby “Âese” kehobyrylâ — kely myani Pedro târâ âtâdyguyby modoram.

Atos 5:31

Deus Ingonotybylâ mâkâ Jesus pymâem itoem. Deus ahoru eynynâ mâkâ iwerâ, pymâ tynrenseim ejidydâ. Kâmakerim mâkâ. Kurâ Israel iweompyry modo inakanhe kydawyly kinmohoem myani Deus, awârâ modo anhedyly. Kurâ judeu modo Jesus kieinwândyse mâkâ, inakanhe kydawyly tyngakehoem.

1 Coríntios 15:47

Kaudyly ume, waunro uguondo nhugudyly myakâwândy onro edunugue. Mâkâpygueduo iweâpa lelâlâ myakâwâm Deus eagonro uguondo onro anaxi ingonodyly, mâkâ Adão takazeno kuru.

Filipenses 2:11

Enado ise aguelymo: “Jesus Cristo, idânârâ iwymâry âmâ. Amânhetyby wâgâ, idânârâ adâkezemo Kunwym Deus eon-honru, ehogu wâgâ warâ” kelymo ise âzeguhoam itybyem Jesus enado.

Filipenses 3:8

Iwerâ Cristo lelâ kâinwânkyly, Deus xurâem, koendâ witoem. Cristo kâinwândyly iraynâ Deus iomazeânze uguewâtay, idânârâ agânhetaymby modo kâendyly iwerâ saxium tamuinzeim ara kulâ. Iwerâ urâem Kywymâry Cristo Jesus xurâem tâjidyly, iwâgâ koendâ xutuly warâ koendonro kuru, saguhoem agânhetaymby modo takaze kehoem.

Colossenses 2:6

Cristo Jesus âwymârymo atay, Deus ize ato modo lelâ aietaungâ, mâkâ agâlâ mawylymo mâenehon-homoem.

1 João 4:14

Xina Jesus agonropyry modo tutuze xina, einwânni modo emakeze Kunwym Deus tymery ingonodyly awyly. Xina emâ, iwâgâ egatuly xina nimoba-ro warâ.

1 João 5:1

Idânârâ Jesus Deus Ingonotyby awyly einwânni modo, Deus imeonlâ. Kunwym Deus kinwynedylygue, Jesus einwânni modo tywyneze lâpylâ kurâ, Deus xurâlâ mawânkâ akaemo. Nhunwym tywyneze kurâ watay, imery tywyneze lâpylâ kurâ.