Lucas 15:18 - Deus Itaumbyry

¹⁸ Pabairam kodopâdyly ise. Warâ ise eyam auguely: ‘Deus enanaym, inakanhe awidâ. Agâ inakanhe awidâ lâpylâ warâ, Pabai. Idânârâ mâunduypyma saim.

Lucas 15:18 Iomraidhean Croise

Mateus 3:6

João aguely tindatuomo myani toenzepa kurâ domodo aguely eyam: — Deus izepa ato aieni xina. Adâidyly tumoze olâ xina-ro warâ — kelymo. Arâ agueduomo myani paru Jordão ikay Joãoram batiza âieholymo, Deus izepa ato adientomobyry wâgâ tâjityenze tawylymo tienehon-homoem, inakai modo adiendyly imoimbyryem tawylymo tienehon-homoem warâ.

Mateus 6:14

— Inakanhe âetomobyry mâenanânehonlymo-ro watay, Kunwym kaynonro xygakeze lâpylâ inakanhe amitomobyry.

Mateus 6:9

Deus agâ amyguedaymo, warâ aguewâtaungâ: “Pabai kaynonro, tynrenseim lelâlâ mawyly, izedy awyly warâ idânârâ nhutudyzemo xina. Ânguy âwankuem âepyra nidâ.

Mateus 7:11

Inakai wâne âmaemo, iwâkuru modo olâ âmerymoram mâundulymo. Kunwym kaynonroma kuru koendonro-ro; koendonro modo xuduze ekanibyry modoram!

Lucas 11:2

Aituo Jesus aguely: — Deus agâ amyguedaymo, warâ aguewâtaungâ: “Pabai, idânârâ tynrenseim lelâlâ mawyly, izedy awyly warâ idânârâ nhutudyzemo xina. Ânguy âwankuem âepyra nidâ. Tarâ xina iwymâryem ikâ Xina xirâ onro anano modo ize mato ara lelâ xina aiedyse awyly, târâ kaynâ agonro modo ize mato ara aito ara lelâ.

Lucas 15:17

— Toenzepa myani âsenagazedyly. Aituo aguely: “Inakanhe awitobyry wâgâlâ xirâ kâsenagazedyly. Pabai agâ tâwanuneim modo tâsegubydâzelâ kehoem ipynirymo. Ilâ enday urâ tarâ kâsewinzedyly!

Lucas 15:19

Awylygue âmery ara inkâba iegâ. Agâ tâwaneim ara kulâ iegâ’ warâ ise saintybyem pabairam auguely” kely mâkâ salokuzenomo.

Lucas 15:21

Aituo myani mâkâ salokuzenomo aguely: “Deus enanaym, inakanhe awidâ. Agâ inakanhe awidâ lâpylâ warâ, Pabai. Idânârâ mâunduypyma saim. Awylygue âmery ara inkâba iegâ” kely.

Lucas 18:13

— Impostu epywadobyry emakeim olâ myani toenzepa âpybazeni, inakanhe aini tawylygue. Awylygue myani enagozeybyem lelâ awyly, iwaguelâ Deus agâ aguewâni mododâ awyly. Âjihogainly tytyrungue. Aguely: “Inakanhe aini kulâ urâ, Deus. Ytyendâlâ ikâ” kely.