Lucas 12:58 - Deus Itaumbyry

⁵⁸ Etaungâ, ânguylâ agâmo tyewiâse. Âwankuem mânhetomobyry wâgâ watay, iwentâguedylymo. Aguely: “Pymânra ise adylymo, itadânehon-homoem” kely. Myarâ adylymo iraynâlâ, eagâ koendâ âtunâguedaungâ, tyewiâseba ietaungâ warâ. Amyguepa âmaemo eagâ watay, tuxize kehoem pymânra asemo. Aituo ise pymâ itadânehonlymo, pyanta nhenahuen-honly warâ.

Lucas 12:58 Iomraidhean Croise

Mateus 18:30

— En-hem kepa olâ myani. Tataen-ho nhadyly lelâ etadânehonze kadeia odaxi. “Tarâlâ ise âmâ, idânârâ yagâ ogondago mâempywadoem” kely.

2 Coríntios 6:2

Isaías iweniwânmy Deus aguehobyry: “ ‘Koendonro wawyly kâenehondyze wato saintuo, mâenkadybymo tuduze ani urâ. Imakehomo saintuo, imakemo’ kely Deus.” Koendâ xutuwâdaungâ. Koendonro tawyly Deus nhenehon-ho naintai. Iweâ lelâlâ agâmo koendâ tâidyse! Iwerâlâ imakedyzemo awyly!

1 Pedro 3:19

Kurâem tâitondyly iraynâ Jesus idâwânmy iguewâtyby modo egadopyry etadâdobyryam, mâkâlâ Messias einwânnipyry modo emakeim tawyly wâgâ agueze.

2 Pedro 1:15

Xirâ modo toenzepa mâuntudyzemo wato, yigueduo, auguehobyry mâenanânehomba mitomoem.

Judas 1:3

Yataen-ho kâinwyneguyly âmaemo. Toenzepa keankâ âdara Deus kâmakely awyly wâgâ âyanmo kâinwenidyze wawyly. Awârâ wâgâpa olâ xirâ kata kâinwenily. Tâlâ mawânrâ Deus tynynonro modo nheinwânkyly nhenomedâdobyry. Awârâ konomedâdobyry modo âdalâ nâdugukeowâbyra. Âurutomoem xirâ kata kâinwenily, Jesus wâgâ ioze lelâ inomedâdomobyry mâinmopa mitomoem, inomedâdomobyry arapa iese kerin-am madagâikeoba mitomoem.

Apocalipse 20:7

Mil anu âwanikeduo ise Satanás etaguely mârâ etadâdobyry odaypa.