Lucas 12:15 - Deus Itaumbyry

¹⁵ Aituo myani Jesus tonlo modoram aguely: — Auguely idataungâ; tâmaynelâ itaungâ. Idânârâ âdydo imeom sodoem lelâ waypa itaungâ. Toenzepa âdype tadawyly kulâ aunloenlâ kuomazeândaymba, aunloenlâ kitoem aguyetaymba warâ — kely Jesus.

Lucas 12:15 Iomraidhean Croise

Lucas 12:16

Aituo Jesusram unâgue âzenomedâolymo: — Tâlâ myani uguondo toenzepa âdydo imeom sodo. Idânârâ ipi ezay etâdaymby modo koendâ kehoem ago itaynly. Eagâ tâwanuneim modo toenzepa kehoem nhekaunâdylymo.

Lucas 16:14

Toenze kulâ dinheru izetonro mâkeba fariseu domodo. Aituo, “Deus ize ato amânhekylymo atay, toenzepa âdype midylymo wâgâ mâpaunzedylymo atay warâ iduakewâdaungâ” Jesus kely tindatuomo, aguehobyry wâgâ âwankuem nhedylymo.

Lucas 21:34

Aituo Jesus aguely: — Inanaynmolâ itaungâ. Âtydâ lelâ waypa itaungâ. Adakuize kulâ waypa itaungâ, okumo ikaji mipyra mitomoem. Pyni wâgâ tâtynanâzeba itaungâ, itymo owogonromo wâgâ, kopaelâgâembaba iwanumo wâgâ warâ. Awârâ modo wâgâ kulâ mâtynanâdylymo-ro watay, awârâ kulâ ise angahumo odano, yaindyly mâkeba.

Lucas 8:14

— Mârâ nady ewy tyguyreim duaxi ihuguewâdyby, ago tâise wâne, newiseba olâ, tuahuze mârâ tyguyreim awylygue. Tâlâ lâpylâ arâ Deus itaumbyry idataynrim modo, Deus tâinwânsemo wâne. Âdype tidyly kulâ, tohomaendyly kulâ warâ olâ enananomo. Toenzepa tydinherugadyly kulâ ize atomo warâ. Awylygue Deus nhenanânehonlymo, ize ato aniempyra idylymo warâ. Deus wâgâ ânguy agâ aguepa idylymo.

1 Coríntios 6:10

tâmagaduneim modo; toenzepa âdype tâidysedo modo; toku ikaji ini modo; kywykeim modo; pyrâugue tâmase tâmagaduneim modo warâ Deus pymâem atoram nâtâwâbyramo ise.

Colossenses 3:5

Igueypy inakai adiendyly inmolylâ, arâ lâpylâ inakai amânhedyse matomo imowâdaungâ; Deus xurâem tywykeim ara âenehoinmo akâiedaundâ. Eagâ mohogüin-homobyry keba kulâ mâynanâdyzemo tâiseba itaungâ. Kywypado amânhedyse tâiseba itaungâ. Inakai modo amânhedyse tâiseba itaungâ. Toenzepa âsejiguyunmoze tâiseba itaungâ. Toenzepa kysejiguybe kidyly kulâ ize kydato watay, ilâ modo kulâ ize kydato, Deus takaze kehoem.

2 Timóteo 3:2

Toenzepa ise ize tatolâ aieni modo; dinheru, âdydo imeom kulâ izetonro modo; kaloenrim modo warâ. Toenzepa ise tagonro takaze tynrendysedonro modo; kywykewâni modo; tâmawyadânibyry modoram “Alâ ise” kedânry modo; tunwym, tyze warâ aguely einwântânry modo; Deus âwankuem ieni modo, isejiguy âwankuem ieni modo warâ;

Hebreus 13:5

Dinheru ize mawylymo kulâ âutubamo nidâ. Tuomare lelâ itaungâ tâlâ matomogue. Wakewâm mawânkâ Deus: “Ipa matomo xuduze urâ. Nhepyramo witaymba ise urâ. Odokebamo ise urâ warâ” kewândy.

2 Pedro 2:14

Pekodo nhesedylymo, eagâ tâguetudyze tawylymogue; Deus izepa ato adiendyly nepagunâbyramo. Deus xurâem ityby iwelo modo enokuze kehomo. Dinheru tienmakely kulâ enananomo warâ. Awylygue Deus nhenagazeguylyem awylymo.

2 Pedro 2:3

Deus wâgâ iozepa kulâ unâ egatuwâni modo toenzepa tydinherugu kulâ ize atomo. Awylygue tâdâsenogudyly kelymo, tyangahu oday tiungutyby kulâ aguehomo; dinheru tienmakely kulâ mawânkâ ize atomo. Deus olâ nykyba. Tutuze mâkâ, âdy anhekylymo awyly. Iweâpalâ on-hondybyem awyly, akaemo tienwentâdoem, tienagazenehon-hoem warâ.