Lucas 11:29 - Deus Itaumbyry

²⁹ Kurâdo âtâdyguybyem atay myani Jesus aguely: — Iumunrumi âmaemo xirâ umeno modo! Yam, “Adyesenry aiekâ, Deus Ingonotyby lelâlâ mawyly xina nhutuhoem” tâkeze âmaemo. “Amânhepyra âmâ watay, xina âinwâmpyra ise” myguelymo warâ. Jonas aitobyry enanâguewâdaungâ.

Lucas 11:29 Iomraidhean Croise

Mateus 3:7

Agui kehoem myani fariseu domodo, saduceu domodo warâ Joãoram batiza âiehoze idâlymo. Tutuze olâ myani João, akaemo nâjityembyra awyly Deus izepa ato adientomobyry wâgâ. Awylygue aguely eyanmo: — Âgâu poji âduguely ume âsemagueze kewâni ara kulâ âmaemo! Warâ wâne amyguelymo: “João batiza kyetuo ise kydâsemaguely. Deus kânagazedaymba ise” myguelymo.

Marcos 8:38

Uguondo Kaynâpa Âetyby urâ. Idâze urâ Deus eydâ atoam, odopâze olâ urâ Deus dompyryem anju domodo agâ. Kodopâdyly ise Kunwym eon-honru tânehonze. Iwerâ xirâ inakanhe tadawyly ume ywypazeni, kâenomedâdo iwypazeni warâ, kodopâduo, iwypazeze lâpylâ urâ — kely.

Lucas 11:16

Kurâ domodo wâne myani Jesusram aguelymo: — Deus anhekyly lelâ aiekâ, on-honru mâenehon-hoem, Satanás eon-honru warâpa — kelymo.

Lucas 11:50

— Abel, Adão imerylâ myakâwândy saguhoem kuru Deus itaumbyry wâgâ agueim enday âdyoypy. Alâ sakazezedyly, toenzepa Deus eynynâ aguewâni modo lâpylâ âdyowâdyly myakâwândy. Xypyryem xyâypy Zacarias, Joiada imery. Deus etydâlâ myakâwândy âdyoly, mesa Deusram egameyby ekanâdo, Deus Âepanâgueho iwyantary warâ ontay. Idânârâ âdamudomo aitobyry modo wâgâ ise mâsenagazedylymo. Xirâ mâuntudyzemo kuru wato.

Lucas 12:1

Toenzepa kehoem myani kurâdo âtâdyguyly Jesus eydâ atoram. Tokonozemo kehoem. Aituo myani Jesus aguely tynynonro modoram, kurâdo indatoem: — Fariseu domodo arapa itaungâ. Koendonro aramo wâne, koendonro keba olâ akaemo. Fermentu massa nholiho ara akaemo inakanhe ato imâem idyly.

Lucas 9:41

Aituo Jesus aguely: — Âdy einwânni kebalâ myanze âmaemo! Ânguydo kulâ âmaemo! Agâmo lâwâne urâ, yeinwâmpyra olâ âmaemo. Ynadaize yeinwâmpyra lelâ mawylymogue — kely. Aituo aguely mâkâ salokuzenomo nhunwynram: — Enekâ âmery xarâ — kely.

João 2:18

Jesus anhetyby tientuo myani, pymâdo aguely: — Âdylâ Deus eon-honrugue amânhedyly tiendyse xina, Deuslâ, Deus keba tarâ amitoem aguenri mawyly tiuntuhoem — kelymo.

João 6:30

— Adyesenry pylâ aiekâ, Messiaslâ mawyly, xina nheinwântoem. Âdyka ise amânhekyly, Deus Ingonotyby mawyly mâenehon-hoem?

João 8:44

Diabu imeom kulâ âmaemo; ize atolâ mawânrâ amânhedyse matomo. Adagudaylâ Diabu kyârin-em awyly. Iozeno modo iduery kulâ mâkâ. Aunlolâ mâkâ kewâdyly kulâ awyly. Kewâdyly kulâ-ro watay, tâzewenrylâ mâkâ agueho. Augueondyly, konokuni kulâ mâkâ, idânârâ tâdâsenogudo modo adaguholâ mâkâ.

1 Coríntios 1:22

Tâlâ toenzepa judeu domodo ewy Jesus wâgâ xina agueho einwântânry. “Deus eon-honrugue pylâ adyesenry aietaungâ. Arâ ise Deus itaumbyry mâengatulymo xina nheinwândyly” kelymo. Toenzepa lâpylâ judeu keba modo xina nhegatuly einwântânry. Koendâ kehoem tunâgueim aguely waunlo lelâ tindadyse atomo. Xurâmoem, Jesus einwândylygue tâdâsemaguely kely âdy mâkeba.