Lucas 10:33 - Deus Itaumbyry

³³ — Ilâpyryem myani uguondo Samaria donro sakadyly mârâ ânwa ozelâ. Samaria donro modo, judeu domodo warâ âjizetonro keba, eagâmo tâtunâguedylylâ izetonro keba. Alâ olâ, mâkâ Samaria donro judeu âdyâypy tientuo, epagudyly, toenzepa kehoem intyendyly.

Lucas 10:33 Iomraidhean Croise

Mateus 10:5

Deus xunâry egatuze ani xina âjigonoholy. Xina idâly iraynâ, Jesus aguely: — Judeu keba modo ety anaxi tâtâzebane itaungâ. Samaria eynynonro modo ety anaxi tâtâzeba itaungâ warâ.

Mateus 18:33

Ataen-ho mityendyze, âtyendobyry ara” kely.

Lucas 10:32

Ilâpyryem Deus ety oday tâwaneim, levita kelygue tâzekeim, idâly mârâ ânwa ozelâ. Uguondo âdyâypy tientuo, sakadyly lelâ, âdaniepyralâ.

Lucas 10:34

Iopaji saindyly. Âdyâhobyry nhokodyly azeitigue, vinhugue warâ onwa nhedyly. Âdyâhobyry tionkobygueduo myani nhaunâdyly. Tâguy onwalâ nhalokuândyly; nhadyly tâdykyho odaji. Târâ myani emedyly ara kehoem nhonse awyly.

Lucas 7:13

Isebyry tientuo toenzepa myani Jesus intyendyly. Aituo aguely: — Tuogunrepa ikâ — kely.

João 4:9

Pekodo aguely: — Judeu âmâ, samaritana urâ warâ. Ypemugudo, âpemugudo agâ âjizetonro mâkeba; koendâ oxioni keba warâ. Xina adakuihobyry oday, madakuidyzedo mâkeba âmaemo. Awylygue ywalu etary odano ewy mâenyhoem mâenkaduo, kâseguâdâdyly — kely pekodo. Mâkâ pekodo arâ aguely, judeu domodo, samaritano domodo warâ âjizetonro keba awylymogue. Samaria donro modo adakuihobyry oday nadakuiwâbyra judeu domodo.

João 8:48

Aituo tonlo modo judeu domodo eyam aguelymo: — “Âkealâ enra Samaria donro modo emyenro kulâ âmâ kadopâbeom” xina kely — kelymo.