Lucas 10:19 - Deus Itaumbyry

¹⁹ Idataungâ. On-honrumo xudu, âgâu, ielawada, awâkâ modo mankabeduomo, mâdâhoba mitomoem. On-honrumo xudu; Satanás eon-honru mankadomoem.

Lucas 10:19 Iomraidhean Croise

Marcos 16:18

Âgâu manwâdylymo, venenu mâenylymo warâ watay, âda mitaymba ise âmaemo. Won-honrugue tâwânuneim modo kua iese âmaemo, imarymogue MÂʼ mânhetuomo — kely Jesus.

Lucas 11:12

Aukuma nhoru idâtyby nhekaduo, ielawada mâunduwâpyra âmaemo.

Atos 28:5

Aituo ani Paulo mâkâ âgâu nhahogudyly peto onwanji. Tâtobyry newânebyra ani.

Romanos 16:20

Deus mawânkâ koendâ tadawyly sodo. Inepa ise mâkâ Satanás eon-honru nhainly, âdaunloenlâ inokubyramo itoem. Âmaemoem Kywymâry Jesusram kâenkadyly, koendâ nhetomoem.

Apocalipse 11:5

Deus itaumbyry egatuim modo enagazeze kelymo-ro watay, tytayba peto sameze akaemo Deus itaumbyry aguewâni modo, tuduerymo tyain-homoem. Warâ ise tânagazeze keypy modo nhainlymo.