Lucas 1:77 - Deus Itaumbyry

⁷⁷ Warâ ise israelita domodoram amyguely: “Deus kâmakeze. Inakanhe aguitobyry Deus xygakeze” myguely ise, ymery.

Lucas 1:77 Iomraidhean Croise

Lucas 3:3

Aituo myani João Deus itaumbyry egatuze idâly. Idânârâ paru Jordão eynynâ mykâinane adakobâdyly, Deus itaumbyry egatuze. Warâ myani aguezesedyly: — Âjityendaungâ inakanhe amitomobyry wâgâ. Deus izepa ato aiedyly imowâdaungâ. Deus einwântaungâ, inakanhe amitomobyry nhygakehoem. Parugue batiza âiehowâdaungâ, inakanhe mawylymo imoimbyryem mawylymo mâenehon-homoem — kely mykâinane.

Lucas 3:6

Idânârâ kurâ domodo ese âdara Deus kâmakely awyly’ kely ise” kewândymy Isaías. João Batista myani Kywymâry saindyly egatuim.

João 1:29

Kopaelâgâem João, Jesus nhedyly. Tyam idâly tientuo tonlo modoram aguely: — Etaungâ Deus Ingonotyby. Awâkâ wâgâ ise Deus inakanhe aguitobyry nhygakely. Saguhoem, kordeiru tyâze, tyaduânse warâ mykâinane kurâdo eynynâ Deus agâ aguewâni modo. Awârâ tientuo mykâinane Deus, inakanhe aguitobyry nhygakely. Arâ lâpylâ ise awâkâ âeni kâtaybyay iguely. Awâkâ iguehobyry wâgâ ise, inakanhe aguitobyry Deus nhygakely.

Atos 10:43

Deus itaumbyry egatuwâni modo Jesus wâgâ aguewânmomy. “Deus Ingonotyby âese. Mâkâlâ ise tâinwânni modo inakanhe aitobyry xygakerim” tâkezemo myani — kely Pedro.

Atos 19:4

Aituo myani Paulo aguely: — En-hem, inakanhe adâitobyry wâgâ âjityeni modo, Deus izepa ato aiedyly imoimbyry modo warâ myani João batiza nhekyly. Adâkeze lâpylâ myani judeu domodoram: “Urâ pygueduo âeni einwântaungâ kuru” tâkeze myani. Jesus einwândyly wâgâlâ myani mâkâ aguely — kely Paulo.

Atos 2:38

Aituo Pedro in-hoguly: — Âjityendaungâ inakanhe kulâ amitomobyry wâgâ. Deus izepa ato aiedyly imowâdaungâ. Jesus einwântaungâ warâ, Deus inakanhe amitomobyry nhygakehoem. Batiza âiehowâdaungâ, Jesus eynynonroem mawylymo mâenehon-homoem. Tyispiritury igonose mâkâ, aunloenlâ agâmo itoem — kely myani.

Atos 3:19

Âjityendaungâ, inakanhe amitomobyry wâgâ. Deus izepa ato aiedyly imowâdaungâ. Jesus einwântaungâ, inakanhe amitomobyry Deus nhygakehoem.

Atos 5:31

Deus Ingonotybylâ mâkâ Jesus pymâem itoem. Deus ahoru eynynâ mâkâ iwerâ, pymâ tynrenseim ejidydâ. Kâmakerim mâkâ. Kurâ Israel iweompyry modo inakanhe kydawyly kinmohoem myani Deus, awârâ modo anhedyly. Kurâ judeu modo Jesus kieinwândyse mâkâ, inakanhe kydawyly tyngakehoem.

Romanos 3:25

Deusmy aienehonwâm Jesus tunu tyapâze Jesus iguehoem, Deus agâpa kydâiehoba kitoem. Jesus iguely myakâwâm, inakai aguienkyly Deus nhygakehoem, Jesus kieinwântuo. “Inakanhe tadawyly ebyryem tâjiguely” kewânmy Deus. “Aiese urâ” tâkehobyry aiemâ. Kurâlâ tâise Deus ingueânehonly inakanhe aguitobyry wâgâ, Jesuslâ olâ myakâwâm kâtaybyay ingueânehonly. Saguhoem adâkely sakanibyry modo newentâbyra myakâwâm Deus, kâmakerin-em aguehobyry nigonopyra tawylygue. Iwerâ olâ, Jesus iguehobyry wâgâ saguhoem Deus einwânnipyry modo inakanhe aitobyry xygakeybyem awyly.

Efésios 1:7

Kruz wâgâ mawânkâ myakâwâm Cristo iguely, tunu tyapâze, inakanhe aguitobyry xygakeze. Cristo kieinwândyly-ro watay, tâzemakeoze kurâ. Awylygue akâwâm Deus inakanhe aguitobyry nhygakely. Tywykenry ara mâkâ kâendyly iwerâ, âdygue kâwentâdaymba. Warâ akâwâm toenzepa kagâ koendâ tawyly Deus nhenehonly!