João 8:54 - Deus Itaumbyry

⁵⁴ Aituo Jesus aguely: — Ywâgâ kulâ koendâ auguely-ro watay, augueho modo âdyem nitaymba tâise. Urâ lelâ ywâgâ koendâ aguein-ro watay, ânguy auguehobyry neinwântaymba tâise. Pabai olâ ywâgâ koendâ agueim, mâkâ “Xina iDeusry” myguehomolâ.

João 8:54 Iomraidhean Croise

João 17:1

Aguenripyryem, Jesus kauram MYK idyly. Deus agâ aguely: — Pabai, amyguehobyry aralâ ise inepa yiguely. Âmery wawylygue, enehongâ koendonro wawyly, won-honru warâ. Arâ awidyly, koendonroem mawyly, on-honru warâ kâenehohoem lâpylâ.

João 17:5

Pabai, târâ agâ wawyly ume, tâdyren-honze akâwândy urâ, onro peba awyly ume. Tâwâlâ kâdyren-hondonji, izay watay kâdyren-hon-hobyry ara.

João 2:11

Târâ Canádâ, Galiléia eynynâ, saguhoem kuru adyesenry anhedylylâ ani Jesus Deus eon-honru tienehon-hoem. Xina Jesus eynynonro modo Jesus anhetyby tientuo, einwânmâ.

João 5:41

— Koendâ wawyly wâgâ, won-honru wâgâ warâ kurâdo aguepa awylygue kâseguâdâdaymba urâ.

João 7:18

Tunâry tyangahu odano kulâ tagonroam egatuim tonomery wâgâ koendâ adâkehon-hoem kulâ aguely. Aunlo mâkeba olâ urâ. Unâ egatuim konokuni keba watay, tunâry kulâ mâkeba agueho, tugononibyry aguehobyrylâ. Tugononibyry mâkâ ehoguedyze ato, mâkâ mâkeba. Unâ egatuin-em Deus ingonotyby urâ.

João 7:39

Deus Ispiritury tâinwântaynrim modoam ingonokyly wâgâ ani Jesus aguely. Xirâ modo ume Deus Ispiritury eyanmo tugonoseba ani, xirâ anaynlâ Jesus awylygue, Tunwym tynrenseim ezaxi nâtâba awylygue.

João 8:41

Unwânmo Diabu aito ara kulâ amidylymo — kely. Aituo aguelymo: — Diabu imeom mâkeba xina! Tokalelâ xina nhunwym, Deus lelâ. Deus imeom lelâlâ xina — kelymo.

João 8:50

Won-honru wâgâ, koendonroem wawyly wâgâ warâ auguepa wâne urâ. Pabai olâ ywâgâ koendâ adâkeze.

Atos 3:13

Kydamudo Abraão, Isaque, Jacó warâ iDeusry enra Jesus eon-honrugue kua itoem aieni, koendonro, ton-honreim waunlo Jesus awyly tienehon-hoem. Tâmaryem myani Deus, Jesus ingonodyly. — Alâ olâ keankâ pymâ modoram mâengamelymo, kruz wâgâ iguehoem. Pymâ Pilatos wâne keankâ tienagazenehondyzeba. “Kruz onwa sakâjien-hongâ iguehoem!” myguewâtaundâmo olâ.

2 Coríntios 10:18

Tywâgâ agueim, tywâgâ kulâ koendâ agueduo, agueho âdyem nitaymba. Jesuslâ iwâgâ koendâ agueduo lelâ âkealâ awyly xutuly.

1 Pedro 1:12

“Messias wâgâ amyguelymo, âigueduomo olâ ise awârâ aidyly. Wayam ise awârâ aidyly, âweonmo ume” kely myakâwândy Deus eyanmo. Iwerâ unâ iwâkuru tâdâsemagueho mâindadylymo, Jesus einwândyly wâgâ aguewâni modo nhegatuyby. Xirâ unâ âyanmo egatuwânibyry modo Deus Ispirituryam aguehoymbyem aguelymo. Awârâ tâdâsemagueho wâgâ mawânkâ anju domodo toenzepa tiuntudyze awylymo wâne, nutubamo olâ ise.

1 Pedro 1:21

Cristo wâgâ tâwâlâ Deus mâinwândyly, xurâem midyly warâ. Igueypyem awyly ume, kurâem ietomâ, pymâ ton-honreinhe, tywâkureinhe warâ ienehonwâm. Deus awârâ anhedyly, kieinwântoem, “Aiese urâ” kehobyry anhedyly kinwânwântoem warâ.

2 Pedro 1:17

Târâ iwy wâgâlâ ani xina, Kunwym Deus, Jesus ehogu, xynru warâ wâgâ agueday. Jesus ety iwogonro sapekadyly, ehozeladyly warâ xina emâ. Deus ton-honreim kuru: “Ymery toenzepa kâinwyneguyly merâ, toenzepa womazeâni” kely xina idamâ warâ.