João 7:18 - Deus Itaumbyry

¹⁸ Tunâry tyangahu odano kulâ tagonroam egatuim tonomery wâgâ koendâ adâkehon-hoem kulâ aguely. Aunlo mâkeba olâ urâ. Unâ egatuim konokuni keba watay, tunâry kulâ mâkeba agueho, tugononibyry aguehobyrylâ. Tugononibyry mâkâ ehoguedyze ato, mâkâ mâkeba. Unâ egatuin-em Deus ingonotyby urâ.

João 7:18 Iomraidhean Croise

Mateus 6:9

Deus agâ amyguedaymo, warâ aguewâtaungâ: “Pabai kaynonro, tynrenseim lelâlâ mawyly, izedy awyly warâ idânârâ nhutudyzemo xina. Ânguy âwankuem âepyra nidâ.

João 11:4

Aguely tindatuo, Jesus aguely: — Tutuze urâ, Lázaro ewânu toenzepa awyly. Tâwânugue igueze, igueypyem lelâ nâtâzezebyra olâ ise. Mâkâ aidyly tientuo, toenzepa ise aguelymo: “Koendonro, ton-honreim warâ awâkâ Deus. Koendonro, ton-honreim warâ lâpylâ imery” kezemo. Aituo ise urâ, Pabai Deus warâ xina âdyren-honly — kely.

João 12:28

“Koendonro typygueim keba warâ on-honru enehongâ” keze olâ urâ Pabairam — kely. Aituo kaynâ tâjitanru aguely: — Koendonro typygueim keba warâ won-honru senen-ho. Kâenehondyly ise-ro warâ — kely.

João 12:43

Kurâ domodo kulâ tohoguedyze atomo, Deus keba tohogueniem ize atomo.

João 5:41

— Koendâ wawyly wâgâ, won-honru wâgâ warâ kurâdo aguepa awylygue kâseguâdâdaymba urâ.

João 8:54

Aituo Jesus aguely: — Ywâgâ kulâ koendâ auguely-ro watay, augueho modo âdyem nitaymba tâise. Urâ lelâ ywâgâ koendâ aguein-ro watay, ânguy auguehobyry neinwântaymba tâise. Pabai olâ ywâgâ koendâ agueim, mâkâ “Xina iDeusry” myguehomolâ.

1 Tessalonicenses 2:6

Tohoguedoem inkâba xina Jesus wâgâ aguely, xina mâen-hoguedomoem inkâba, kurâdoram tâzehogueohoem inkâba warâ.

1 Pedro 4:11

Deus itaumbyry mâengatuhomoem Deus inomerymo nhuduly-ro watay, Deus amyguedysemo ato lelâ egatuwâdaungâ. Kâmawyadâniem Deus inomerymo nhuduly-ro watay, aietaungâ on-honrumo Deus nhuduypygue. Koendâ lelâ amidylymo tientuomo, Deus ise nhehogueguylymo, Jesus Cristo eynynonro modo koendâ aidylygue. Aunlolâ tynrenseim, tuomaenzeim, idânârâ iwymâry warâ mawânkâ. Âkealâ xirâ-ro warâ.

1 João 2:29

Tutuze âmaemo, koendonro lelâ Cristo anhetyby awyly. Awylygue xutuwâdaungâ lâpylâ, koendonro amânhetuomo, Deus imeryem mawylymo.