João 6:5 - Deus Itaumbyry

⁵ Jesus wayam wayam warâ MYK idyly. Tyampygue toenzepa kurâ domodo iwy onwa âkuly nhedyly. Aituo Filiperam aguely: — Âdykâ kaise pyni kianâdyly merâ kurâ domodo ipyniryem? — kely.

João 6:5 Iomraidhean Croise

Mateus 15:33

Aituo xina aguely Jesusram: — Kuantomoem nudupa lâpylâ olâ, iwague xidadâdâ kydawylygue. Asaemo xuato âdykâ imâem pyni kiempyra ise kurâ — xina kely.

Marcos 6:32

Aituo Jesus tynynonro modo agâ pepi oday âdy peba atoram idâlymo.

Lucas 9:10

Jesus xunâry egatuze odopâdaynlymo. Odopâdaymbyem myani adientaymby modo Jesusram nhegatulymo. Ilâpygueduo myani Jesusram adaholymo Betsaidaram, akaemo kulelâ tagâ itoem wâne.

João 1:43

Kopaelâgâem Jesus Galiléia yan-yam tâtâdyze idyly. Tâtâly iraynâ, Filipe agâ oxiodyly; eyam aguely: — Yagâ âekâ, ynynonroem mitoem — kely.

João 1:44

Betsaida donro myani mâkâ Filipe, André, Pedro warâ ety anano.

João 1:45

Filipe, Natanael agâ agueze idâly. — Saguhoenlâ Moisés pape kâzewenry awo wâgâ inweniby Deus Ingonokyly wâgâ aguehobyry xina netai. Deus itaumbyry egatuimbyry modo tywenizemo lâpylâ mâkâ âeni wâgâ. Jesuslâ, Deus Ingonotyby, José imery, xidadâ Nazaré donro — kely.

João 1:46

Awârâ tindatuo, Natanael aguely: — Âdy koendonro lâpeba târâ Nazarédâ! Nazaré donro ewy Messias awyly kâinwântaymba urâ — kely. — Âekâ. Egârâ — kely Filipe.

João 1:48

Jesus aguely tindatuo, Natanael, Jesus nhapâiguely: — Âdaraka utuly? Waunroem kydoxiodylylâma xirâ! — kely. Aituo Jesus in-hoguly: — Kâenkylyemba lelâlâ wâne enra iwague mawyly, Filipe. Âgâsedyly iraylâ olâ enra se figueira iay ekadybyem mawyly kâendyly — kely.

João 4:35

Wamyguelymo inanry: “Quatro nunâ pygueduo kientâdyby kienkaunâdyly lelâ ise” myguelymo. Etaungâ akaemo âeni modo. Trigu ekaunâdo odaxi ityby emyenro akaemo. Iwerâ koendâlâ Deus itaumbyry eyanmo egatuhoem; iweâpa tâiseba itaungâ.