João 6:44 - Deus Itaumbyry

⁴⁴ Âwâlâ kulâ ânguy yeinwântaymba, Pabai ugononibyry yeinwântomoem aniempyra watay. Pabai ugononibyry mawânkâ kurâdo yeinwântoem aienehoim. Xypyry etay olâ kurâem itondomoem aienehonze urâ.

João 6:44 Iomraidhean Croise

João 6:65

Jesus aguely: — Âmaemo idânârâ inkâba yeinwândylymo. Awylygue âyanmo auguely. Pabai, yeinwântoem aguehobyry modo lelâ yeinwânni — kely.

João 12:32

Kruz wâgâ sakâjibyem kadaunâhonduo, eon-honru sainze urâ. Idânârâ ynynonro modo igâseze urâ, yeinwântomoem — kely Jesus.

Mateus 16:17

Jesus eyam aguely: — Mâkâlâ urâ. Tuomareim kuru âmâ, Simão, João imery. Ânguy awârâ mâuntuhoem inomedâdaymba. Pabai kaynonrolâ âyam xutuen-hoim.

João 6:45

Saguhoem Deus itaumbyry aguewâni modo ewy warâ akâwândy inwenily: “Idânârâ ise Deusram âzenomedâolymo, âdara einwândyly awyly wâgâ.” Idânârâ Pabai nhenomedâdo idani modo, tyangahu odaji ieni modo warâ yeinwânsemo.

João 5:44

Ataen-homo âwâgâmo koendâ aguely ize matomo. Deus tokaleom âwâgâmo koendâ aguehoem, koendâ lelâ amidylymo mipyra olâ âmaemo. Awylygue mawânrâ nudupa awyly yeinwântomoem.

Colossenses 2:12

Batiza mâiehodaymo, Cristo agâ igueypyem, epyâdybyem waunlo ara makyrenmo. Cristo kurâem itonmâ, myara lâpylâ paikayba onokuduomo, iweloem ietybyem mawylymo menehomo. Xirâ ton-honru imâsedoguelâ Deus Cristo kurâem nhetondobyrygue, iweloem aetondomoem ton-honre Deus awyly meinwânmâmo.

Filipenses 1:29

Koendonroem tawyly enehonwâm Deus âyanmo, Cristo, mâinwântomoem, emaryem mitomoem mâjiduakeoduomo warâ. Tutuzelâ akâwâm Cristo mâinwâmpygueduomo, xurâ keba modoram tânagazezeinhe mawylymo. Mâkâ nhutuybylâ awârâ.

João 8:43

Âyanmo augueho tydase lelâlâ wâne âmaemo, inomedâdyzemo wato mâuntudyzeba olâ âmaemo.

Mateus 12:34

Jesus aguely: — Âgâu ara kâmayno kulâ myaze âmaemo! Awylygue koendonro modo wâgâ amyguepa mawylymo. Kyangahu odanolâ mawânrâ aguykeho.

João 6:43

Jesus aguely eyanmo: — Inakanhe kulâ amyguelymo imowâdaungâ.