João 5:16 - Deus Itaumbyry

¹⁶ Jesus nhewiâsedylymo nhenuagaendylymo warâmo myani, tâzekobyzegueho oday kua nhedyly awylygue. Awylygue eynynâ inakanhe aguelymo:

João 5:16 Iomraidhean Croise

Mateus 12:13

Aituo Jesus uguondo âzemapiluguedânryram aguely: — Âzemapiluguegâ — kely. Jesus agueduo, uguondo âzemapiluguely, emary kua ienipyryem awylygue. Koendâ idyly; emaduno ara idyly.

Marcos 3:6

Awârâ tientuo fariseu domodo târâpa egaselymo. Herodes eynynonro modo ewy agâ âtunâgueze idâlymo, Jesus tyâen-hon-homoem.

Lucas 6:11

Awârâ tientuo myani Moisés inweniby wâgâ enomedâni modo, fariseu domodo warâ iewiâpadaynlymo. Âjigue aguelymo: — Âdakiendylyka ise awâkâ Jesus? — kelymo.

João 1:19

Judeu domodo iwymârydo Jerusalém donro, kurâdo eynynâ Deus agâ aguewâni modoram, emary modoram warâ aguelymo myakâwâm: — Joãoram idâwâtaungâ. Sapâiguewâdaunda: “Âmâ-ro? Ânguyka âmâ? Âwâgâlâ amyguely? Messiaslâ âmâ, Deus ingonokyly tynwânwânseinlâ?” kewâtaunda — kelymo.

João 10:39

Aguely tindatuomo tyanwâdyse idylymo. Âsemaguewâm lelâ olâ.

João 15:20

— Auguehobyry enanâguewâdaungâ. Tâzemary, tywymâry takaze kehoem tynrentuneba. Pymâ eto ara lâpylâ ise emary modo âzeholy. Ienagazeni modo inagazezemo lâpylâ. Kâunrutomobyry anhedylymo-ro watay, mâunrutomo aiesemo lâpylâ.

João 5:10

Judeu domodo iwymâry ewy mâkâ uguondo tâguetudobyry nhanâdyly nhedylymo. Awylygue eyam aguelymo: — Kokobyzegueho iwerâ. Kâzewenry ara inkâba awârâ amidyly, âdy aieto mâkeba iwerâ awârâ iguetudobyry kadadâ — kelymo.

João 5:13

Kua tyenipyry ezedy nutuba olâ mâkâ uguondo, tonlo modo duaylâ Jesus idâypyem awylygue.

João 5:15

Jesus aguepygueduolâ mâkâ uguondo târâpa âxiguely. Kua tyenipyry wâgâ agueze idâly judeu domodo iwymâryam.

João 5:17

Jesus aguely eyanmo: — Kopaelâgâembaba Pabai âsewanily; ara lâpylâ iewanu kâempagunâbyra wawyly — kely.

João 5:18

“Pabai ugueho” Jesus keduo, Deuslâ agueho awyly tutuzemo ani. Awylygue toenzepa iewiâpadylymo, âdara tyânly awyly wâgâ âseinwândylymo, tâzekobyzegueho oday kua nhetobyry wâgâ kulelâba, Deus “Pabai ugueho” kehobyry wâgâ lâpylâ. Arâ adâkeduo, Deus agâ âzekiba tawyly mawânkâ Jesus agueho.

João 7:21

— Iweâ kulâ keankâ adyesenry agânhedyly. Tâwâneim kua kânhedyly. Tâzekobyzegueho oday agânhedyly awylygue mâseguâdâdâmo, yagâ âewiâpadâmo-ro warâ.

João 7:25

Aituo târâ Jerusalémdâ aguelymo: — Kywymârydo tyândyse atolâ awâkâ uguondo.