João 3:2 - Deus Itaumbyry

² Kopae idâly Jesus agâ agueze. — Tutuze xina, konomedâni mawyly, Deus ingonotyby. Agâpa Deus watay, adyesenry kehoem amânhetaymba tâise âmâ — kely.

João 3:2 Iomraidhean Croise

Mateus 22:16

Âtunâguedybyem tynynonro modo ewy, Herodes eynynonro modo ewy warâ Jesus agâ agueze ingonodylymo. Saintybyem, ingonotaymby modo Jesusram aguelymo: — Pymâ, konokuni keba mawyly, tutuze xina. Deus ize ato wâgâ âkealâ xina mâenomedâdyly. Iozeno lelâ amygueho, ânguy izepa awyly umelâ. Pymâdo tynrenseim modo ize ato amânhetoem kulâ amygueho mâungukewâbyra âmâ.

Mateus 23:7

Âdykâlâ kurâdo âtâdyguyho einkâ takaduomo, mâkâ modo tâdaenkudyzemo, tynrendysemo warâ inanry. “Konomedâni” kelygue lelâ tâzekedyze awylymo.

Mateus 23:8

— Urâ lelâ inomedânimo kuru. Awylygue “Ienomedâni” myguehondyze tâiseba itaungâ. Agonromo takazeno mâkeba âmaemo; idânârâ âzekiba âmaemo, âjiukono, âjiwaigoru waunlo ara lelâ.

Marcos 12:14

Saintybyem igonotaymby modo Jesusram aguelymo: — Pymâ, konokuni keba mawyly, tutuze xina. Deus ize ato wâgâ âkealâ xina mâenomedâdyly. Iozeno lelâ amygueho, ânguy izepa awyly umelâ. Pymâdo tynrenseim modo ize ato amânhetoem kulâ amygueho mâungukewâbyra âmâ. Awylygue âdara impostu epywadyly wâgâ mâuntuly wao xinaram aguekâ. Moisés inweniby ara, koendâ pymâ Roma donro César-ram impostu epywadyly? Koendâpa? — kelymo.

João 1:38

Aituo Jesus MYK idyly tykayam. Tyampygue idâlymo awyly tientuo, aguely: — Âdaituoka yampyguedylymo? — kely. — Konomedâni, âdykâka mâxidâdyly? — kelymo.

João 10:38

Auguelygue kulâ yeinwâmpyra âmaemo-ro watay, agânhekyly mâentuomolâ einwântaungâ. Pabai Deus agâlâ wawyly, yagâlâ Pabai Deus awyly warâ — kely.

João 12:37

Jesus aidyly tâensemo lelâlâ wâne myakâwâm, arâlâ olâ agui judeu domodo neinwâmpyra awylymo.

João 14:10

Pabai agâ tokalâ wawyly; yagâ tokalâ Pabai awyly warâ tâinwânse wânkâ âmâ, Filipe? — kely. Aituo Jesus xinaram aguely: — Yangahu odano kulâ mâkeba xirâ augueho, Pabai “Aguekâ” kehobyrylâ. “Aiekâ” kehobyrylâ agânhekyly warâ.

João 15:24

Enanaynmolâ adyesenry modo kehoem agânhedyly. Idânârâ olâ yeinwâmpyramo. Xirâ adyesenry modo agânhepyra urâ-ro watay, “Tâwentâguezeinhe mawylymo” aguewâpyra tâise Deus. Akaemo iwerâ tâwentâguezeim, agânhetyby tâensemolâ mawânkâ, yeinwâmpyramo olâ. Yize inkâba akaemo, Pabai izepamo lâpylâ warâ.

João 2:11

Târâ Canádâ, Galiléia eynynâ, saguhoem kuru adyesenry anhedylylâ ani Jesus Deus eon-honru tienehon-hoem. Xina Jesus eynynonro modo Jesus anhetyby tientuo, einwânmâ.

João 20:16

— Maria! — kely Jesus eyam. Tâzedy wâgâ tygâseduo, Jesus lelâlâ awyly nhutuly, aguely: — Rabôni! — kely. (Hebraiku-em, “Ywymâry” keze awârâ aguely.)

João 3:26

João eynynonro modo eyam agueze idâly. — Tânanâgueze âmâ mâkâ uguondo paru Jordão kuynâ agonropyry, iwâgâ amyguehobyry. Toenzepa kurâdo eyam idâly batiza âiehoze, âyam âeni modo takaze — kelymo.

João 4:31

Pekodo idâpygueduo, xidadâ odano modo saindyly ume, xina aguely Jesusram: — Anra xina nhanâtyby pyni. Kydâwinduane, Konomedâni — xina kely.

João 5:36

Âdiempa mutumo ywâgâ. Iwerâma adyesenry kehoem agânhedyly tâense âmaemo, âkealâ kuru Deus Ingonotyby wawyly mâuntuhomoem. Pabai Deus adyesenry modo kehoem agânhetoem anygue. Mâentuomo, xutuze âmaemo, Ingonotybylâ wawyly.

João 6:2

Târâ Jesus awyly tiuntuduomo, agui kurâ domodo myarâ idâly, toenzepa tâwânuneim modo kua nhedyly tientomobyry wâgâ. Adyesenry anhedyly tientondyze tawylymogue, nhapygue idâlymo.

João 7:31

Tonlo modo ewy agui Jesus tâinwânsemo myakâwâm. Aguelymo: — Messias âewyly-ro watay, adyesenry kehoem ise anhekyly, tâkezemo inanry. Awâkâ anhekyly takaze ânguy anientaymba. Arâ atayma Messiaslâ awâkâ-ro — kelymo.

João 9:16

Fariseu domodo ewy aguely mâkânra: — Mâkâ kua âenipyry, tâzekobyzegueho oday mâkâ aidyly. Arâ atayma Deus ingonotyby mâkeba mâkâ uguondo-ro; adyesenry mawânkâ anientai tâzekobyzegueho oday — kelymo. Tâlâ olâ fariseu domodo ewy wakeim: — Deusram aguehomba adyesenry anhetoen-ro watay, Deus eon-honru tienehon-hoem adienkyly anientaymba tâise — keim. Jesus Messias awyly einwânni, einwântânry tâisemo ani.

Atos 10:38

Deus Ingonotybylâ ani mâkâ Jesus Nazaré donro. Tyispiriturylâ eyam ingonokyly, Jesus eon-honru nhuduhoem. Koendâ ani Jesus aidyly, tadakobâdo modo einkâ. Kadopâgue taseim modo kua tyese ani. Idânârâ awârâ modo tutuze âmaemo.

Atos 2:22

Aituo myani Pedro agueondyly tonlo modoram: — Nhaum, Israel donro modo, idataungâ xirâ auguely. Jesus Nazaré donro wâgâ xirâ auguely. Tyiguely iraynâ, agâmo tatay, inanaynmolâ keankâ âdaunlo uguondo kulâ anhetânry modo anhedyly. Kyzedâlâ koendonro modo, adyesenry modo warâ kientoem anhedyly. Deuslâ keankâ mârâ koendonro modo, adyesenry modo warâ Jesusram aienehonrim, tingonotyby kuru awyly tienehon-hoem.

Filipenses 1:14

Taunlo modo Cristo eynynâ ypemugudo, Kywymâry Jesus tâinwânsezemolâ, Deus itaumbyry egatuze tyanepamo warâ. Ietagu umelâ, kâjityembyra wawyly tiuntuduomo, Jesus anhedysemo ato adyesemo, tâsenagazedyly umelâ nâjityembyramo.