João 3:11 - Deus Itaumbyry

¹¹ Idakâ. Tiuntuybylâ xina Deus eynynonro âyanmo agueho, tientybylâ xina âyanmo nhegatuly warâ. Arâlâ olâ xina agueho mâinwâmpyra mawylymo.

João 3:11 Iomraidhean Croise

Mateus 11:27

Deus agâ adâkebygueduo, Jesus agueondyly tonlo modo agâ: — Pabai idânârâ won-honru, ienomery warâ xuduim. Mâkâ kulelâ koendâ kuru utunri. Urâ lelâ lâpylâ Pabai Deus koendâ kuru xuturim warâ. Eyam kâuntuen-hoymby lâpylâ olâ koendâ Deus xutuze.

Mateus 23:37

Ilâpygueduo Jesus aguely Jerusalém donro modo wâgâ, eydâmolâ waunlo ara lelâ: — Âmaemo, Jerusalém donro modoram xirâ auguely. Iweâparoem, âjidadârymo donro modo Deus itaumbyry egatuwânibyry modo xyâwânmomy. Agui Deus ingonotaymby modo tuhugue tyâzemo myakâwâm. Arâlâ olâ toenzepa âwynedylymo. Aukuma wâne tymeombyry tawâry iaxi tydâtyguyze, tuan-hun-hoem, myarâ idânârâ nhedysemo wawyly. Agui olâ keankâ âmaemo ewy yizepaom modo.

Lucas 10:22

Deus agâ adâkebygueduo myani Jesus agueondyly tonlo modo agâ: — Pabailâ idânârâ won-honru, ienomery warâ xuduim. Mâkâ kulelâ koendâ kuru utunri. Urâ lelâ lâpylâ Pabai Deus koendâ kuru xuturim warâ. Eyam kâuntuen-hoymby lâpylâ olâ koendâ Deus xutuze — kely.

João 1:11

Typemugudo judeu domodo duaxilâ wâne myani âewyly. Ipemugudo judeu domodo ewy olâ myani, eynynonroem tâidysebamo.

João 1:18

Ânguy Deus netaymba. Mâkâ imery tokaleom olâ tâense, Deus agâ âzekibalâ tawylygue. Tunwym agâlâ mâkâ. Mâkâlâ ani koendâ kuru âdaunlo Deus awyly xutuen-honri.

João 12:49

— Unâry wâgâ kulâ inkâba awidyly. Pabailâ ugononi, awitoem, auguehoem warâ.

João 14:24

Ywynedânry modo auguehobyry takazemo lelâ. Urâ kulâ mâkeba xirâ mâindakylymo agueim, Pabai aguehobyryenlâ xirâ auguely.

João 3:12

Xirâ onro anano wâgâ augueduo mâinwâmpyra âmaemo, Deus wâgâ augueduo lakuru ise mâinwâmpyra kuru mawylymo.

João 3:13

Ânguy xirâ anano kulâ Deus ezaxi nâkuwâbyra, iwâgâ egatuze nodopâbyra warâ. Urâ, Uguondo Kaynâpa Âetyby lelâ târâpa xytâguyby. Urâ lelâ Deus wâgâ aguenriem xurutyby — kely Jesus.

João 3:3

Jesus aguely: — Azeompyra kulâ, Deusgue tywymâguneba âmâ. Arâ lelâ mawânrâ Deus xurâem tâjidyly. Xirâ mâuntudyze kuru wato — kely.

João 3:5

Jesus aguely: — Deus Ispirituryam iweloem kydâiehoba, parugue kyazeontaymba kurâ warâ watay, Deusgue tywymâguneba. Xirâ mâuntudyze kuru wato.

João 5:43

Pabai ugueho ingonotybyenlâ xirâ kâewyly, yizepa, yeinwândyseba warâ olâ âmaemo. Pabai ingonotybyemba âeni watay olâ âmaemo tâinwânse.

João 7:16

Aituo Jesus in-hoguly: — Unârygue kulâ inkâba xirâ kâenomedâdylymo. Deus ugononibyry, “Aguekâ” kehobyrylâ, augueho.

João 8:14

Aituo Jesus aguely: — Âkealâ ywâgâ auguely, tâinwânseim xirâ augueho. Idataungâ auguely. Tutuze urâ, âdykâba kâewyly, âdyam udâly warâ awyly. Âmaemo olâ mâuntubamo âdykâba kâewyly, âdyam udâly warâ awyly.

João 8:26

Toenzepa âwâgâmo auguehobe wâne urâ. Augueho mâinwâmpyra olâ âmaemo, Deus ize ato amânhepyra mawylymo kâuntuen-hondyze wato. Mâkâ ugononibyry olâ kewâdyly kulâ waypa. Xirâ anano modoam auguehoem aguehobyrylâ augueho — kely.

João 8:38

Pabai yam nhenehoymby inanry augueho. Amânhekylymo olâ, Diabu amânhetomoem aguehobyry kulâ — kely.

Atos 22:18

Warâ ani yam aguely: “Inepa Jerusalémdâpa âxiguegâ. Taunlo modo ywâgâ amyguely neinwântaymba ise” kely ani.

2 Coríntios 4:4

Akaemo nutuba awyly, Satanás, Deus eynynâbaom modo iwymâry mawânkâ nutuen-homba ienehoim. Kurâ enuan-huyby âdy netaymba, tâwâlâ lelâlâ wâne tyajine awyly, myara mâkâ nutuba itomoem anhenehonly. “Koendonro, ton-honreim warâ Cristo. Mâkâ lelâ Deus âdaunlo awyly xutuen-hoim” xina keduo, nutuba akaemo.

Apocalipse 3:14

Aituo keankâ Jesus agueondyly: — Xirâ iwenigâ Laodiceiadâ ynynonro modoram unâry egaturin-am. “ ‘Aiese urâ’ uguehobyry aieni urâ. Âkeá lelâlâ Deus eynynâ aguenri urâ; uguewâdyly kulâ waunlo mâkeba urâ. Idânârâ tâlânro modo âtugudobyrylâ urâ warâ. Ytaumbyry xirâ âmaemo Laodicéia donro modoram: