João 11:41 - Deus Itaumbyry

⁴¹ Aituo mârâ tuhu imâsedo nhetylymo. Jesus kayam MYK idyly, aguely: — Pabai, tuomare urâ, âyam auguely tydase mawylygue.

João 11:41 Iomraidhean Croise

Mateus 11:25

Ilâpyryem Jesus aguely Deusram: — Kau odano modo, onro wogonro modo warâ sodo âmâ, Pabai! Âdaunlo modoanlâ âunârybyry mutuen-ho, tonomegueim modoram lelâ inkâba, enomedâdaymby modoram lelâ inkâba warâ.

Mateus 11:26

Amânhedyse mato aralâ ise aidyly — kely.

Mateus 27:60

Tyigueduo tâtaryem tiensaguehoymby odajilâ myani Jesus eguepybyry nhetadâdyly. Iwelo esagueze myani mârâ tâtagueim. Myarâ eguepybyry ienipyryem nhenahunly tuhu imâsedogue. Ilâpygueduo, idâly.

Marcos 15:46

Agueduo, José idâly. Âtâ tapaileim linhugueto tâwâenseim nhanâdyly. Ilâpyryem Jesus eguepybyry kruz wâgâpa nhytâguyândyly, intuwynly warâ. Ilâpygueduo, eguepybyry nhetadâdyly tuhu imâsedo tâtagueim esagueyby odaji. Myarâ ienipyryem, nhenahunlymo tuhu imâsedogue.

Lucas 10:21

Xirâ umelâ kehoem, Deus Ispiritury Jesus nhomazeândyly. Aituo myani Jesus aguely Deusram: — Kau odano modo, onro wogonro modo warâ sodo âmâ, Pabai! Âdaunlo modoanlâ âunârybyry mutuen-ho, tonomegueim modoram lelâ inkâba, enomedâdaymby modoram lelâ inkâba warâ. Amânhedyse mato aralâ ise aidyly — kely.

Lucas 18:13

— Impostu epywadobyry emakeim olâ myani toenzepa âpybazeni, inakanhe aini tawylygue. Awylygue myani enagozeybyem lelâ awyly, iwaguelâ Deus agâ aguewâni mododâ awyly. Âjihogainly tytyrungue. Aguely: “Inakanhe aini kulâ urâ, Deus. Ytyendâlâ ikâ” kely.

Lucas 24:2

Saintybyem myani, tâtagueim enahun-ho tuhu imâsedo ejikeybyem awyly nhedylymo.

João 11:22

Igueypyem lelâlâ wâne, tutuze olâ urâ, Deusram mâenkaduo amyguehobyry adyese awyly — kely.

João 17:1

Aguenripyryem, Jesus kauram MYK idyly. Deus agâ aguely: — Pabai, amyguehobyry aralâ ise inepa yiguely. Âmery wawylygue, enehongâ koendonro wawyly, won-honru warâ. Arâ awidyly, koendonroem mawyly, on-honru warâ kâenehohoem lâpylâ.

João 20:1

Domingo, pealâ koendâ nemepyra awyly umelâ myani Maria Magdala donro Jesus eguepybyry etadâdobyryam idâly. Saintybyem, tâzegawânto enahun-ho tuhu ejikeybyem awyly nhedyly.

Atos 7:55

Estêvão olâ myani nâseguâdâbyra; Deus Ispiritury idânârâ myani enomery nhuduly, aitaynrim modo nhemaen-hoem. Kayam MYK idyly myani. Deus Ton-honreim eydâ ato nhedyly. Jesus nhedyly lâpylâ XYDYK warâ, Deus eahoru eynynâ.

Filipenses 4:6

Âdy wâgâ kulâ tâseguâdâzeba itaungâ. Âdara mawylymo umelâ, Deus agâ aguewâtaungâ. Deusram ekadaungâ ipa matomo. Mâenkadybymo mâenmakeduomo, “Koendonro âmâ” kewâtaungâ.