João 11:4 - Deus Itaumbyry

⁴ Aguely tindatuo, Jesus aguely: — Tutuze urâ, Lázaro ewânu toenzepa awyly. Tâwânugue igueze, igueypyem lelâ nâtâzezebyra olâ ise. Mâkâ aidyly tientuo, toenzepa ise aguelymo: “Koendonro, ton-honreim warâ awâkâ Deus. Koendonro, ton-honreim warâ lâpylâ imery” kezemo. Aituo ise urâ, Pabai Deus warâ xina âdyren-honly — kely.

João 11:4 Iomraidhean Croise

João 10:38

Auguelygue kulâ yeinwâmpyra âmaemo-ro watay, agânhekyly mâentuomolâ einwântaungâ. Pabai Deus agâlâ wawyly, yagâlâ Pabai Deus awyly warâ — kely.

João 11:40

Aituo Jesus aguely: — “Yeinwântâ lelâlâ âmâ-ro watay, Deus eon-honru ese âmâ” uguehobyry mâenanâguebaka âmâ? — kely.

João 12:28

“Koendonro typygueim keba warâ on-honru enehongâ” keze olâ urâ Pabairam — kely. Aituo kaynâ tâjitanru aguely: — Koendonro typygueim keba warâ won-honru senen-ho. Kâenehondyly ise-ro warâ — kely.

João 17:1

Aguenripyryem, Jesus kauram MYK idyly. Deus agâ aguely: — Pabai, amyguehobyry aralâ ise inepa yiguely. Âmery wawylygue, enehongâ koendonro wawyly, won-honru warâ. Arâ awidyly, koendonroem mawyly, on-honru warâ kâenehohoem lâpylâ.

João 17:10

Idânârâ ynynonro modo, âynynonro lâpylâ. Idânârâ âynynonro modo, ynynonro lâpylâ. Adâkeday, adientay warâ tânehonzemo, koendonro wawyly, ton-honre wawyly warâ.

João 17:5

Pabai, târâ agâ wawyly ume, tâdyren-honze akâwândy urâ, onro peba awyly ume. Tâwâlâ kâdyren-hondonji, izay watay kâdyren-hon-hobyry ara.

João 2:11

Târâ Canádâ, Galiléia eynynâ, saguhoem kuru adyesenry anhedylylâ ani Jesus Deus eon-honru tienehon-hoem. Xina Jesus eynynonro modo Jesus anhetyby tientuo, einwânmâ.

João 5:23

Arâ Pabai agânhetoem aguely, idânârâ yrendylymo mawânkâ ize ato, mâkâ mâynrentomo ara lâpylâ. Yrempyra âmaemo-ro watay, Pabai ugononibyry mâynrentaymba lâpylâ âmaemo — kely.

João 8:54

Aituo Jesus aguely: — Ywâgâ kulâ koendâ auguely-ro watay, augueho modo âdyem nitaymba tâise. Urâ lelâ ywâgâ koendâ aguein-ro watay, ânguy auguehobyry neinwântaymba tâise. Pabai olâ ywâgâ koendâ agueim, mâkâ “Xina iDeusry” myguehomolâ.

João 9:24

Aituo mâkâ uguondo kua ietyby ingâsenehondylymo. Aguelymo eyam: — Amyguely idaselâ awâkâ Deus. Awylygue âkeá lelâlâ xinaram aguekâ. Tutuze xina, Deus izepa ato aieni awâkâ kua âenipyry awyly — kelymo.

João 9:3

Aituo Jesus in-hoguly: — Awârâ modo wâgâ inkâba. Awâkâ arâ iazely, Deus eon-honru iwâgâ âzehohoem.

Romanos 11:11

Wauguely: “Agui judeu domodo Jesus tyeinwândysebaom awylygue, aunloenlâ Deusram âjimolymo? Xurâem itondomoem nudupa ise? Ihugueyby sautânry ara akaemo?” uguely. Arâ inkâba! Jesus wâgâ lelâ tâdâsemaguely. Neinwâmpyra atomobyry wâgâ kulâ judeu domodo âjimoly wao. Awylygue, judeu keba modo âsemaguehoem Deus anhedyly. Judeu keba modo xurâem koendonro modo Deus anhedyly tientuomo, ypemugudo Jesus einwânsemo, mâkânra koendâ tâzehohoem lâpylâ.

Filipenses 1:11

Koendonro aiesezelâ ise âmaemo, Jesus Cristo lelâ anhekyly. Koendonro amânhekylymo wâgâ toenzepa ise Deus âzehogueoly, aguezemo eon-honru wâgâ, koendonroem awyly wâgâ warâ.

Filipenses 1:20

Ize wato kuru olâ Jesus Cristo kâinwypazenehomba wawyly. Awylygue, iwerâ, tyanepa Jesus wâgâ auguedyse wawyly, tâwâlâ lelâlâ wâne ise âdylâ yagâ aidyly. Yâzemo keanra, tarâ ietagodâ ietyzemo keanra warâ. Tâwâlâ ise wodo âdalâ âieholy, Cristo wâgâ koendâ aguehonly olâ ize wato.

1 Pedro 1:21

Cristo wâgâ tâwâlâ Deus mâinwândyly, xurâem midyly warâ. Igueypyem awyly ume, kurâem ietomâ, pymâ ton-honreinhe, tywâkureinhe warâ ienehonwâm. Deus awârâ anhedyly, kieinwântoem, “Aiese urâ” kehobyry anhedyly kinwânwântoem warâ.

1 Pedro 4:11

Deus itaumbyry mâengatuhomoem Deus inomerymo nhuduly-ro watay, Deus amyguedysemo ato lelâ egatuwâdaungâ. Kâmawyadâniem Deus inomerymo nhuduly-ro watay, aietaungâ on-honrumo Deus nhuduypygue. Koendâ lelâ amidylymo tientuomo, Deus ise nhehogueguylymo, Jesus Cristo eynynonro modo koendâ aidylygue. Aunlolâ tynrenseim, tuomaenzeim, idânârâ iwymâry warâ mawânkâ. Âkealâ xirâ-ro warâ.

1 Pedro 4:14

Jesus Cristo eynynonroem mawylymogue âwankuem mâiehoduomo, mâzenagazeoduomo warâ, tuomare lelâ itaungâ, Deus Ispiritury ton-honreim mawânkâ agâmolâ.