João 1:43 - Deus Itaumbyry

⁴³ Kopaelâgâem Jesus Galiléia yan-yam tâtâdyze idyly. Tâtâly iraynâ, Filipe agâ oxiodyly; eyam aguely: — Yagâ âekâ, ynynonroem mitoem — kely.

João 1:43 Iomraidhean Croise

Mateus 4:12

João Batista kadeia oday kely tindatuo myani Jesus Galiléia yan-yam idâly.

Mateus 8:22

Jesus olâ eyam aguely: — Iweâ lelâlâ âekâ ynynonroem. Yeinwântânry modo igueypy ara kulâ, iazeontoem Deus aniempyra awylygue. Xirâ anano wâgâ kulâ âtynanâdylymo. Xirâ onro anano modo wâgâ âtynanâni modolâ igueypy nepyâdâ — kely myani.

Mateus 9:9

Adakobâdânry kua tiempygueduo myani Jesus târâpa âxiguely. Tadakobâday myani Jesus iedyly, urâ Mateus. Pymâ Roma donro xurâem dinheru impostu epywadobyry emakerim urâ. Târâ dinheru kâenmakezezedodâ ekadybyem wawyly ume ani Jesus yam aguely: — Yagâ âekâ. Ynynonroem ikâ, yagâ mâsenomedâdoem — kely. Aituo yaudyly. Jesus agâ udâly, eynynonroem witoem.

Lucas 19:10

Tâjiunwym wâne tymery xuzatyby xuize tâtâze myara xuzatyby modo kâwinly, Deusdâ iwagueno modo, inakanhe awylymo kâyngakehoem, kâenmakehomoem warâ — kely Jesus.

João 1:28

Betaniadâ myakâwâm awârâ aidyly, âtunâguedylymo, paru Jordão kuynâ, João, Deus eynynonroem tâidysedo modo batiza nhetondâ.

João 1:29

Kopaelâgâem João, Jesus nhedyly. Tyam idâly tientuo tonlo modoram aguely: — Etaungâ Deus Ingonotyby. Awâkâ wâgâ ise Deus inakanhe aguitobyry nhygakely. Saguhoem, kordeiru tyâze, tyaduânse warâ mykâinane kurâdo eynynâ Deus agâ aguewâni modo. Awârâ tientuo mykâinane Deus, inakanhe aguitobyry nhygakely. Arâ lâpylâ ise awâkâ âeni kâtaybyay iguely. Awâkâ iguehobyry wâgâ ise, inakanhe aguitobyry Deus nhygakely.

João 1:35

Kopaelâgâem târâlâ João azagâ tynynonro modo agâ.

João 1:37

Agueduo, akaemo azagâ Jesus nhapygue idâlymo âgânâ.

João 1:44

Betsaida donro myani mâkâ Filipe, André, Pedro warâ ety anano.

João 12:21

Yataen-ho Filipe, Galiléia eynynonro, Betsaidadâ tâtyreim iose myakâwâm idâlymo. Aituo aguelymo Filiperam: — Jesus agâ adâkedyze xina — kelymo.

João 14:8

Aituo Filipe aguely Jesusram: — Pymâ, Kunwym Deus enehongâ. Awârâ kulâ xina nhekaguyly, tuomazehoem — kely.

João 2:11

Târâ Canádâ, Galiléia eynynâ, saguhoem kuru adyesenry anhedylylâ ani Jesus Deus eon-honru tienehon-hoem. Xina Jesus eynynonro modo Jesus anhetyby tientuo, einwânmâ.

João 6:5

Jesus wayam wayam warâ MYK idyly. Tyampygue toenzepa kurâ domodo iwy onwa âkuly nhedyly. Aituo Filiperam aguely: — Âdykâ kaise pyni kianâdyly merâ kurâ domodo ipyniryem? — kely.

João 6:7

Aituo Filipe in-hoguly: — Duzentas moedas pratagueto tainze tâise kurâ, pyni sanâtoem, mâkâem, mâkâem warâ pão epajiwâdoem, tydinheruguepa kurâ — kely. (Tokalâ iguandyly âwanopyry epywado mawânrâ tokalâ moeda pratagueto.)

Filipenses 3:12

“Deus yize ato ara lelâ urâ iwerâ” uguely mâkeba; “Jesus aitobyry ara lelâ aini urâ” uguely keba warâ. Awidyly olâ ize wato. Tâgaseim tadaintoam taintoem âzeon-hondâdyly nepagubyra tâitoem myara lâpylâ kozohondâdyly aunloenlâ kâinwânsezedoem, eydâ atoam udâly ara. Awârâ myakâwâm Cristo Jesus ize ato, turâem ygâseduo.

1 João 4:19

Iwerâma Deus tywyneze kurâ, kieinwândyly iraylâ mawânkâ kywynedyly.