João 1:14 - Deus Itaumbyry

¹⁴ Deus kyam Xutuen-hoim Jesus Cristo karalâ akâwâm kurâem awyly. Kuduaylâ akâwâm xirâ onro anaym awyly. Kagâ koendonro lelâlâ mâkâ. Mâkâlâ mawânkâ âkealâ kuru âdaunlo Deus awyly xutuen-hoim. Deus imery tokaleom tawylygue, koendâ, ton-honre warâ mâkâ. Tâense kurâ koendonro kehoem awyly, ton-honre awyly warâ.

João 1:14 Iomraidhean Croise

Mateus 1:16

Jacó, José nhunwym. José akâwâm Jesus nhunwyn-em ini, Maria agâ tohogüinduo. Jesus ani Maria imery. Jesus mawânkâ Cristo kelygue tâzekeim, Messias “Deus Ingonotyby” keze aguely.

Lucas 2:11

— Imakerinmo niazeaki iwerâ, târâ Davi iazehobyrydâ. Deus Ingonotyby mâkâ, Messias, âwymârymoem.

Lucas 2:7

Toenzepa myakâwâm târâ kurâdo awyly. Âtâ âxidâdomo peba myakâwâm. Awylygue myakâwâm tapirâ xykyhodâlâ âxidâdylymo. Târâ Maria imebyary uguondo imeimbyry iazely. Tymery ikowendânibyryem myakâwâm Maria nheguetunâdyly tapirâ xuato odaji.

Lucas 9:32

Pedro, eagonro modo warâ toenzepa ekozeybyem tawylygue myani xykylymo, azagâ Deus donropyry âepanâgueday. Xuaguelymo. Jesus âkeloem itybyem nhedylymo, tohozele kehoem. Azagâ uguondo eagâ nhedylymo.

João 1:1

Idânârâ âtugudyly iraynâ, âdy peba awyly ume, tâlâ myakâwândy kyam Deus Xutuen-hoim. Tunwym Deus agâlâ myakâwândy mâkâ.

João 11:40

Aituo Jesus aguely: — “Yeinwântâ lelâlâ âmâ-ro watay, Deus eon-honru ese âmâ” uguehobyry mâenanâguebaka âmâ? — kely.

João 14:6

Aituo Jesus aguely: — Ânwa Pabairam tâdâtâholâ urâ. Yagâ lelâ âdy iozeno awyly âdutuoly. Ywâgâ lelâ Deus eydâ atoam tadaindyly. Yeinwânni modo lelâ ise Pabairam idâim. Yeinwâmpyra âmaemo-ro watay, Pabairam aintaymba âmaemo. Yeinwântuomo lelâ eyam aindylymo.

João 14:9

Aituo Jesus aguely: — Filipe, iweâpa lelâlâ wâne agâmo wawyly. Ânguy wawyly mâuntuba lelâ waunlo ara olâ âmâ! Ieni modo, Pabai tâensemo lâpylâ. Awylygue ietâ kulâ, “Pabai mygueho enehongâ” tâkezeba ikâ.

João 17:22

Ton-honre witoem, koendonroem witoem warâ amyguehobyry ara lâpylâ eyanmo auguely, eon-honromoem, koendonroem itomoem warâ. Arâ awidyly, tokaleom ara lelâ itomoem, yagâ tokaleom mawyly ara, agâ wawyly ara warâ.

João 17:24

— Pabai, âdykâ watodâlâ, yagâ ize urâ ynynonroem mânhenehonwâdyby modo. Kytanrugue kulâ onro kiungudyly iray ywynemâ. Ywynedylygue, koendonroem, ton-honreinhe warâ witoem amyguewâm. Urâ xurâ modo won-honru, koendâ wawyly warâ nhedysemo urâ.

João 18:37

Jesus aguely tindatuo, Pilatos aguely: — Pymâ kuru âmâ? — kely. Jesus in-hoguly. — Pymâlâ urâ, amygueho aralâ. Xirâ onro anaynlâ yazely. Unâ iozeno egatuze keankâ kâewyly. Idânârâ unâ iozeno tindadysedo modo koendâ tydasemo, tutuzemo warâ augueho — kely.

João 2:11

Târâ Canádâ, Galiléia eynynâ, saguhoem kuru adyesenry anhedylylâ ani Jesus Deus eon-honru tienehon-hoem. Xina Jesus eynynonro modo Jesus anhetyby tientuo, einwânmâ.

João 3:16

Idânârâ Deus kywynedyly. Awylygue urâ tymery tokaleom ugonodyly. Idânârâ yeinwântaynrim modo eyam âzemakeoze. Deus agâpa tyetunebamo ise, aunlolâ ise eagâ awylymo.

João 3:18

— Urâ Deus imery yeinwântaynrim modo âji tâdâsenagazedoam nâtâwâbyramo ise. Yeinwântânry modo olâ idâze mârâ âji tâdâsenagazedoam, urâ Deus imery tokaleom yeinwâmpyra atomobyry wâgâ, aunloenlâ Deus agâpa ietomoem.

João 6:51

Pyni emyenrolâ urâ on-hondâzemo Deus ingonotyby. Yeinwântaynrim modo Deus agâpa tyetuneba ise. Iguelymo-ro watay, idâzemo Deusram, aunloenlâ eagâ tâitomoem. Yiguely ise, ynynonro modo aunloenlâ Deus agâ itomoem. Ynynonro modo eon-hondâniem, wodo pylâ ipynirymo-ro waunlo ara ise — kely Jesus.

João 8:32

Ânguy wawyly koendâ mâuntulymo-ro watay, xutuze âmaemo, auguely âkealâ awyly. Mâuntuduomo, âzemakeoze âmaemo, mâkâ âuturimo emaymba — kely.

Atos 13:33

Iweâpa Deus kydamudoram “Warâ ise aidyly” kehobyrylâ xirâ iwerâ aini. Jesus kurâem tyetonze myani. Saguhoenlâ myakâwândy iwenibyem awyly Messias wâgâ Salmosdâ: “Ymery âmâ; unwâm urâ warâ; kurâdoram ymery mawyly kâenehonly warâ” kewândymy Deus, Jesus wâgâ.

Romanos 8:3

Ton-honre Moisésram inwenien-hoymby idânârâ aguientoem. Awylygue mârâ tâzezewenry wâgâ kulâ kydâsemaguehoem nudupa awyly. Deus lelâ ton-honreim, inakanhe aguitobyry xygakeze. Tymery Jesus Cristo igonomâ. Karalâ akâwâm iazely xirâ onro anaym. Kâmyenro lelâlâ wâne, âdaunloenlâ Deus izepa ato aniempyra olâ. Deus imery iguely myakâwâm, inakanhe aguitobyry xygakehoem. Inakanhe tadawyly emaym kurâ-ro waunlo ara akâwâm, mâkâ olâ inakanhe tadawyly emaymba kâmakedâ, Satanás “Aiekâ” kehobyry aguiempyra kitoem.

Romanos 9:5

Iweâpa lelâlâ Abraão, Isaque, Jacó (Israelgue tâzekeim lâpylâ) warâ umepa myakâwâm Jesus iazely judeuenlâ akaemo ewypyry awylygue. Uguondo tynrenseim modo iwerypyrylâ mâkâ. Deus mâkâ, idânârâ xuturim, eni, aunlolâ tohoguezeim warâ.

1 Coríntios 15:47

Kaudyly ume, waunro uguondo nhugudyly myakâwândy onro edunugue. Mâkâpygueduo iweâpa lelâlâ myakâwâm Deus eagonro uguondo onro anaxi ingonodyly, mâkâ Adão takazeno kuru.

2 Coríntios 12:9

Warâ olâ ani Kywymâry Jesus aguely: “Kâentyba ise urâ. Agâ koendâ olâ ise urâ. Mâsenagazedyly mâenmaen-hoem on-honru xuduze urâ. Awârâ lelâ ise tâlâ mato. Ton-honreba mâdutuly-ro watay, agâlâ ise urâ on-hondâze” kely. Awylygue tuomare auguely ton-honremba wawyly wâgâ. Arâ ise idânârâ nhutulymo, Cristo xurâem awidyly, yagâlâ awylygue, won-hondâdâ awylygue warâ.

Gálatas 4:4

Adâkehobyry odaxi ituo, tymerylâ akâwâm Deus ingonokyly, Maria oday iazehoem. Idânârâ judeu domodo ezewenry iweniby ara lelâ aidyly, judeuem tawylygue. Mâkâ iguely myakâwâm xina emakeze, xina Moisés inweniby tâzezewenry tyeinwântuo, tâsemaguely inwânwânipyry modo. “Xina” ugueondyly, ypemugudo wâgâ auguely awylygue, judeu domodo. Deus, tymery ingonodyly myakâwâm tâinwânni modo nhemakehoem, Deus imeryem kitoem lâpylâ.

Efésios 3:8

Idânârâ Deus eynynonro modo takazeno mâkeba urâ. Arâlâ yagâ koendâ olâ akâwâm Deus. Unâ Cristo Jesus wâgâ agueim judeu keba modoram egatuly iewanuem xuduwâm, Cristo wâgâ Deus kurâem koendâ awyly wâgâ auguehoem. Cristo kiuntuduo, koendonro kienmakely mârâ typyguenry kehoem.

Colossenses 1:19

Deuslâ agueim: “Yagâ âzekibaonlâ ymery” keim. Deus imery tawylyguelâ mawânkâ, eagâ âzekiba Jesus Cristo awyly. Awylygue âdy Deus anhekyly, adyese lelâ, agueho adâkeze lelâ warâ awyly.

Colossenses 2:3

Mâkâ mawânkâ âdy Deus konomedâdyze ato xutuen-hoim; mâkâlâ âdy Deus ize ato, izepa ato warâ xutuen-hoim lâpylâ. Koendonro lelâlâ xirâ xutuly, xave kaixa enahuymby enahungueho emyenro mawânkâ Cristo; mâkâ wâgâ saguhoem Deus nhutuen-hondânry kiuntuly.

Colossenses 2:9

Cristo mawânkâ Deus agâ âzekibaom kuru, tarâ onro anaym tawyly ume nâtuguguewâbyra akâwâm, Deuslâ tawylygue.

1 Timóteo 3:16

Imâem kieinwânkyly Deus nhutuen-hoymby Jesus wâgâ âkealonro awyly. Xirâ mawânkâ nhutuen-honly: Jesus kurâem idyly; onro anaxi tâetoem. Deus imerylâ Jesus awyly nhenehonly Deus Ispiritury, igueypyem awyly ume kurâem nhetondobyry wâgâ. Anju domodoram eon-honru, ehogu warâ âzeholy. Mârâ anakâ lelâba eynynonro modo iwâgâ aguelymo. Mârâ anakâ lelâba iwâgâ aguely idanipyry modoram toenzepa âzeinwân-honly. Deus ezaxilâ akâwâm adaholy, pymâem kuru itoem.

Hebreus 1:3

Deus eon-honru, iwâkuru, pymâem awyly warâ etolâ imery, Deus agâ âzekiba awylygue. Mâkâ imery itanru ton-honreingue idânârâ âdydo imeom eon-honwanâdybyem awyly. Mâkâlâ mawânkâ igueim, inakanhe aguitobyry xygakehoem, Deus xurâem tywykenryem kitoem. Igueypyem, kurâem itondybyem, Deus ton-honreim kuru eydâ atoam odopâmâ. Eahoru eynynâ ekadybyem awyly pymâ ekadodâ.

Hebreus 1:5

Deus myakâwândy anju domodo ewyram: “Ymery âmâ, unwâm urâ warâ; kurâdoram ymery mawyly kâenehonly warâ” kepa, tymeryam adâkehobyry ara, warâ iwenibyem awyly. Deus itaumbyry awo wâgâ iwenibyem âdaunlo anjuam wakewâpyra: “Nhunwym ise urâ; ymery ise mâkâ” kewâpyra; tymeryam lelâ myakâwândy arâ aguely.

Hebreus 10:5

Deus itaumbyry awo wâgâ iweniby enanâguewâdaungâ, Cristo Deusram aguehobyry, xarâ onro anaxi tâewyly iraynâ: “Deus, ânguydo imeom xyâypy iunu, âdydo imeom warâ kurâ domodo nhuduypy ize inkâba âmâ. Awylygue wodo mâungudyly.

Hebreus 2:11

Inakanhe aguitobyry xygakewâm Jesus, Deus xurâem tywykeba kitoem. Awylygue mâkâ inakanhe aguitobyry xygakerimbyry, kurâ inakanhe kydawyly xygakeyby warâ, âjiunwym wâgâ lelâ kydawyly, Deus lelâ Kunwym awyly. Awylygue kakadâ Jesus pymâ tynrenseim awyly, tywypazeba olâ mâkâ “Ukonodo, koudo modo” keze tynynonro modoram.

Hebreus 5:5

Alâpylâ, Cristo tâwâlâ nâxiduaguewâbyra, Deus eynynonro modo eynynâ aguenriem tâitoem. Deuslâ mâkâ iduakeim, tynynonro modo xurâem aguenriem. Deus aguewânmy eyam: “Ymery âmâ, unwâm urâ warâ; kurâdoram ymery mawyly kâenehonly warâ” kewândymy. Warâ iwenibyem awyly Deus itaumbyry awo wâgâ.

1 João 4:14

Xina Jesus agonropyry modo tutuze xina, einwânni modo emakeze Kunwym Deus tymery ingonodyly awyly. Xina emâ, iwâgâ egatuly xina nimoba-ro warâ.

1 João 4:9

Kywynedâ tawyly enehonwâm Deus, tymery tokaleom onro anaxi igonomâ; mâkâ kurâem iguehobyry wâgâ mawânrâ ise kyigueduo aunloenlâ eagâ kydawyly.

2 João 1:7

Tâinkâ lelâba iozepa kulâ enomedâze kewâni modope awyly. “Kurâ ara inkâba Jesus Cristo iazely. Tâzegadopyry uguondoem ityby kulâ” kelymo. Arâ aguehomoem aguehoymbyem akaemo Cristo Idueryam. Xypyry etay ise mâkâ uguondo Cristo Iduery âepanâguely. Toenzepa ise mâkâ tâdâsenogudyly kely.

Apocalipse 19:13

Munrugue tapigunre keankâ mâkâ ety BOH waunlo tâwâgueim. “Deus Xutuen-hoim” mâkâ ezedy.

Apocalipse 21:3

Ton-honre kehoem tâjitanru kâindadyly mârâ pymâ Deus xurerydâ. — Tynynonro modo duaylâ ise iwerâ Deus ejiku. Aunloenlâ ise akaemo agâ awyly, eynynonro modo ise akaemo-ro warâ. Mâkâ kulelâ ise nheinwânkylymo.