Efésios 5:23 - Deus Itaumbyry

²³ Tâjiso mawânkâ tywydy xuturim, Cristo tynynonro modo nhutuho ara. Kâmakeim mâkâ Cristo, kieinwântuo. Kyangahu mâkâ Cristo, sodo emyenro pylâ kurâ-ro warâ.

Efésios 5:23 Iomraidhean Croise

Atos 20:28

Âurudylymolâ xirâ-ro warâ, âmaemo Jesus einwânni iwymâry modo. Deus ize ato ara lelâ aitaungâ. Jesus eynynonro modo tâenselâ itaungâ. Akaemo eniem Deus Ispiritury induakeyby âmaemo. Pastor tâguy kaneru koendâ nhedyly wâne myara Jesus einwânni modo etaungâ. Deus xurâ modo akaemo, inakanhe aitomobyry epywaze myani Jesus iguely.

1 Coríntios 6:13

Tâlâ âmaemo ewy warâ keim: “Deus pyni nhugudyly, kodo eon-honwanâniem. Kodo nhugudyly pyni iwyneniem.” Wakeze xirâ aguely: “Kydâwinduadyse kurâ-ro watay, kydâwinduadyly lelâ koendonro” kelymo. Warâ olâ auguely: Deuslâ kodo, pyni modo warâ xuguni. Xypyry etay olâ Deus azakâlâ sainze: kodo, pyni modo alelâ. Ize ato aguientoem Deus kodo nhugudyly, kydohogüin-hobyry keba kulâ kiynanâdoem inkâba, kywâpado modo aguientoemba warâ. Mâkâ xurâ mawânrâ xirâ kodo.

Efésios 4:15

Ânguy kienokubyra olâ kine. Ioze lelâ Deus wâgâ aguykenre; âjigue kydâpynene warâ. Arâ ise imâem kiuntuly, Cristo ara kydawyly, kyangahu mawânkâ kuturim.

Efésios 5:24

Cristo kieinwânto ara, arâ lâpylâ tâjiwysaro modo tuso neinwândâmo.

Colossenses 1:18

Cristolâ mawânkâ tynynonro modo nhangahu, iwaunrorumo warâ. Iguewâm wâne, Deus olâ kurâem ietonmâ. Igueypyem mâkâlâ waunroem kuru kurâem itoni, todo âdaunloenlâ nigueompyra itoem. Awylygue pymâ tynrenseinhe lelâlâ awyly.

1 Tessalonicenses 1:10

Tutuzemo, Deus imery Jesus odopâniem awyly. Mâkâ nhenuenguylymo” warâ inanry âwâgâmo aguelymo. Jesus iguewâm, Deus olâ kurâem ietonmâ. Deus xurâ keba modo agâ kydâsenagazebyra kitoem, kâmakeinlâ awâkâ Jesus.

Apocalipse 19:7

Tuomare kine! Kuomarugue kydadaenkenre! “Koendonro lelâlâ Deus, ton-honreim lelâlâ warâ” kykenre. Kydâzetyguene. Sainseaji mâkâ Kordeiru ohogüin-ho. Ohondybyem lelâ mâkâ iwydyem ini.

Apocalipse 5:9

Akaemo âzeguhoam ityby modo igâky keankâ mâkâ Kordeiruram. Tâjigâky iwelogue igâtudylymo: — Âmâ lelâ pape sakâjihobyry sakâjigueim, ituwymby ituwyngueim warâ kehobyry. Âmâlâma kruz wâgâ igueypy, âunu iapânibyry warâ. Idânârâ kehoem kurâdo onro anano modo Deus eynynonroem mânhetoem myakâwâm âiguely.