Efésios 3:15 - Deus Itaumbyry

¹⁵ Idânârâ kurâ domodo nhunwym lelâlâ Deus, târâ kaynâ tynynonro modo, tarâ onro wogonro modo alelâ.

Efésios 3:15 Iomraidhean Croise

Atos 11:26

Tiontuo myani eagâlâ odopâdyly Antioquiaram. Tokalâ anu myani târâ awylymo, Jesus einwânni modo agâ. Toenzepa kurâ domodo tonomedâzemo myani Jesus wâgâ. Târâ Antioquiadâ myani Jesus einwânni modo “cristão” kelygue âzezetâolymo. “Cristo eynynonro” keze awârâ âze aguely. Waunroem kuru Jesus einwânni modo arâ âzezetâolylâ myani mârâ.

Efésios 1:10

Warâ myakâwândy xunâry: “Aitoem kâinduakeyby iume ise Cristo idânârâ tâlânro modo iwymâryem itoem agânhenehonly, iezano modo, onro wogonro modo alelâ iwymâryem itoem” kewânmy Deus.

Efésios 1:21

Tonlo modo takaze iwerâ Cristo pymâ ton-honreinhe awyly. Idânârâ anju domodo iwymârydo iwymâry mâkâ: anju adâjidyly enuagaeni modo, anju ton-honreim modo, anju tâwanumo anhetoem agueim modo iwymâry warâ. Iwerâ xirâ anaym pymâdo xutuim mâkâ; wayam waunroem pymâ domodo iwymârylâ ise mâkâ-ro warâ. Cristo olâ idânârâ takazeno pymâ kuru.

Efésios 3:14

Deus anhetyby modo wâgâ kâpaunzeduo, Kunwym enado âzeguhoam tâise urâ, eagâ auguehoem.

Efésios 3:16

Awylygue warâ auguely Deusram, âmaemoem: “Pabai, toenzepa koendonro modobe âmâ âynynonro modoem, toenzepa lelâlâ, sapâguely eki kehoem. Awylygue kâenkadyly, Âispiritury eagâmo adakobâniram âynynonro Éfeso donro modo eon-honwanâdoem, ton-honre lelâ itomoem, Cristo einwândyly nimopa itomoem” uguely.

Colossenses 1:20

Kaudyly ume, koendâ lelâ myakâwândy idânârâ Deus agâ. Adão, Eva warâ Deus aguehobyry nhakaduo olâ myakâwândy mâkâ agâ koendâ tadawyly adainly. Idânârâ tagâ koendâ ietoniem, Cristo igonomâ olâ Deus, idânârâ kau odano, onro anano alelâ turâem itondoem. Kruz wâgâ tymery iguehobyry wâgâ myakâwâm awârâ anhedyly.

Apocalipse 2:17

“Awylygue auguely mâuntudyze mataymo, idataungâ Deus Ispiritury aguely idânârâ yeinwânni modoram. “Âmaemo xypyry etaji kehoem yeinwândyly imodânry modo, Deus nhekanâdyby maná kehogue âwasemo urâ. Tuhu tapekeim xuduze lâpylâ urâ yeinwânni modoram. Ezedymo iwelo iweniby ise tuhu wogonro. Ânguy âkelo ezedy nutuwâbyra ise; sodo lelâ ise xutuim” — kely keankâ Jesus Pergamodâ tynynonro modoram.

Apocalipse 3:12

“Âmaemo xypyry etaji kehoem yeinwândyly imodânry modo, aunlolâ Deus eydâ atodâ mitomoem aiese urâ. Âtâ enu koendâ kehoem epadâdyby wâne alâ kulâ nihugueba, myara lâpylâ ise Deus eydâ atodâ âdaunloenlâ igaseba mawylymo. Azagâ âze âwâgâmo iwenize urâ, yDeusry ezedy, iezedy iwelo warâ. ‘Jerusalém iwelo donro merâ, Deus ety anary donro kaynonrodâpa âetyby’ kely iwenize lâpylâ urâ warâ.