Apocalipse 6:17 - Deus Itaumbyry17 — Iweâma naintai tyewiâky nhenehon-homo. Ânguy iewiâkymo nemaenwâbyra ise, tuduery nhenagazeduomo — kelymo. Faic an caibideil |
Toenze kulâ tâeganeim keba olâ âmaemo. Izewenrymo Deus izepa ato aiedyly mâinmodyzeba âmaemo. Inakanhe amisezedylymogue, mâsenagazedomo imâem mânhesezedylymolâ. Xypyry etay, âdaunloem kydawyly Deus nhetay, ioze lelâ ise mâkâ aidyly, tâinwântânrybyry modo nhenagazenehonly, tynynonro modoram ise koendonro nhuduly warâ.
Idânârâ adaguly iraynâ akaemo anju domodo Deus aguehobyry sakanibyry modo enanâguewâdaungâ lâpylâ. Deus eydâ atodâmolâ myakâwândy, tyeinwândyly ume. Deus tywymâryem awyly izepamo olâ myakâwândy. Deus agâ âzekiba myakâwândy ize awylymo. Awylygue myakâwândy Deusram târâpa âieholymo. Tâtagueim tuhuadaguenry tyameim odaji myakâwândy âjigonoholymo, aunloenlâ korentygue ekâjiwâdybyem awylymo. Târâlâ akaemo typygueba kehoem Deus tânagazenehon-ho saindyly inwânwândylymo.
Toenzepa âduery modo agâ iewiâkymo. Naintai mawânrâ inakanhe aitomobyry wâgâ âsenagazedomoem amânheto iweâma. Naintai mawânrâ idânârâ iguewâtyby modo âdara iedyly awyly wâgâ amygueho. Naintai mawânrâ imary modoram koendonro mâunduho, âtaumbyry egatuwâni modoram. Naintai mawânrâ âynynonro modoram koendonro mâunduho, idânârâ âinwânnipyry modoram, âdy modoram, âdy keba modoram alelâ. Naintai lâpylâ idânârâ kânagazenibyry modo, kyârimpyry modo warâ mâenagazedo — kelymo Deusram.