Apocalipse 5:11 - Deus Itaumbyry

¹¹ MYK witondyly keankâ. Anju domodo kâendyly. Toenzepamo keankâ tapâguely ekimo kehoem. Tâpagunemo keankâ Deus xurery imâsedo, quatro ânguydo imeom, vinte e quatro agaityom tynrenseim modo warâ tânâmizemo kehoem. Igâkymo xidadâ.

Apocalipse 5:11 Iomraidhean Croise

Hebreus 12:22

Âmaemo olâ tyanepa, Deus agâ amygueduomo. Eagonro iwyram aindylymo waunlo ara, mârâ iwy Sião kaynonroam, Jerusalém kaynonro kelygue tâzekeim, Deus Âdaunloenlâ Iguedânry eydâ ato mârâ. Toenzepa târâ anju domodo awyly, tapâguely eki kehoem.

Judas 1:14

Saguhoem Enoque adâkezelâ myakâwândy akaemo iozepa kulâ unâ egatuwâni modo wâgâ. Tâlâ tawyly umelâ myakâwândy Enoque, iwerâ aitaynrim modo wâgâ aguely. Warâ myakâwândy aguely: “Wayam waunroem Kywymâry âetuo, eanjury modo eagâ âese, tapâguely ekimo ise-ro warâ. Ilâem ise kurâdo modo âda tiendyly wâgâ aguely. ‘Yagonroenlâ ise âmaemo’ keze tynynonro modoram. Tâinwântânrybyry modoram olâ, ‘Yizepa mataunaguynre. Ize wato ara aityby mâkeba âmaemo. Ywykewânmo, unâguemâmo warâ. Iwague ise ydâpa mawylymo’ keze” kewândymy Enoque. (Adãogue tydamudogueim myakâwândy Enoque.)

Apocalipse 19:6

Aituo keankâ toenzepa kurâ domodo aguely kâindadyly. Iwâelu imâsedo ara ton-honre keankâ aguelymo, kopâ ipyru ara warâ. — Aleluia! Koendonro lelâlâ awâkâ Deus! Kywymâry awâkâ! Ton-honreim lelâlâ Deus! Idânârâ ize tato adyese lelâ! Idânârâ kurâ domodo iwymâry lelâlâ awâkâ!

Apocalipse 4:4

Mâkâ Pymâ xurery tânâmize vinte e quatro lelâ mure sedâ. Vinte e quatro agaityom tynrenseim modo mârâ modo wâgâ ekadybyem sedâ warâ. Tapekeim keankâ etymo iwogonromo. Koroa ourugue xygatyby keankâ nhangahumo wogonro, pymâem awylymo xutuho.

Apocalipse 4:6

Pymâ Deus xurery xuaynâ tâlâ keankâ paru emyenro, tysenzeim kehoem vidru ara, tuanreim olâ keankâ, cristal emyenro. Pymâ xurery tânâmize taynâ, tâynâ warâ quatro ânguydo imeompe keankâ. Toenzepa keankâ mâkâ modo enu, waunroem, âgânâ alelâ.

Apocalipse 5:14

Alâ pylâ keankâ akaemo quatro ânguydo imeom aguely: — Âwâgâmo aguehomobyry ara lelâlâ âmaemo! — kelymo keankâ. Akaemo vinte e quatro agaityom tynrenseim modo âzeguhoam idylymo keankâ. — Koendonro lelâlâ âmaemo! — kelymo keankâ Deusram, Kordeiruram warâ.

Apocalipse 5:6

“Kordeiru” kelygue tâzekeim XYDYK warâ sedâ. Sodo wâgâ xyâhobyry xypyhobyrybe keankâ; igueypyemba olâ keankâ mâkâ iwerâ. Sete lelâ keankâ iwâenky, enu warâ. Mârâ sete tâzenu, Deus sete ispíritu onro anakâ ingonotyby modo mârâ nhenehonly. Deus xurery enado mâkâ âepanâguely. Vinte e quatro agaityom tynrenseim modo, quatro ânguydo imeom warâ mâkâ enâminibyenmo keankâ.

Apocalipse 5:8

Akaemo quatro ânguydo imeom, akaemo vinte e quatro agaityom tynrenseim modo warâ keankâ Kordeiru enado âzeguhoam idylymo. Vinte e quatro agaityom modo harpague tâmatunemo lelâ keankâ. Kudupi ourugue xygatyby edunu tyânrângueingue tumykeimbemo keankâ warâ. Kurâdo Deus agâ aguelylâ mârâ edunu tyânrângueim nhenehonly.

Apocalipse 7:11

Idânârâ anju domodo XYDYK warâmo keankâ târâ Pymâ Deus xurery tânâmize. Vinte e quatro lelâ agaityom tynrenseim modo lelâlâ, quatro ânguydo imeom warâ tânâmizemo. Pymâ Deus enadoram idâlymo, enagozelymo idylymo keankâ akaemo anju domodo. Deus koendonroem awyly wâgâ agueze:

Apocalipse 9:16

Kawaru wogonro âseguebywâni modo nâepanâgue. Toenzepa keankâ sodadu domodo, toenzepa lelâlâ. — Duzentos milhões sodadu kawaru wogonro — kely keankâ kâindakyly.