Apocalipse 3:7 - Deus Itaumbyry

⁷ Aituo keankâ Jesus agueondyly: — Xirâ iwenigâ Filadelfiadâ ynynonro modoram unâry egaturin-am. “Deus izepa ato âdykâ aieni keba urâ. ‘Aiese urâ’ uguehobyry aieni urâ. Tako Davi Deus eynynonro modo iwymâryem awyly myakâwândy, myara pymâem witoem aguehoymbyem urâ. Agueze urâ, ânguy Deus eydâ atoam idâim awyly, ânguy idâdânry awyly warâ, xave kâenahungueho, kâenahun-ho warâgue iematu-ro waunlo ara. Kâenahungueyby, ânguy nenahunwâbyra. Kâenahuymby, ânguy nenahungueba warâ. Urâ kulelâ ise enahuim, enahungueim warâ. Ytaumbyry xirâ âmaemo Filadélfia donro modoram:

Apocalipse 3:7 Iomraidhean Croise

Mateus 16:19

Ynynonro modo mâentoem aiese urâ, pymâ âtâ ijawerygue tâmaseim wâne, âtâ tânahungueze, tânahunze warâ myara ise âmâ. Tarâ onro anaym aiedyseba matobe watay, Deus anienehonwâbyra ise. Tarâ onro anaym aiedyse matobe watay, Deus aienehonze warâ — kely Pedroram.

Mateus 24:35

Kau, onro warâ adainze. Auguehobyry olâ ise nadaimpa, nâtugugueba warâ; aunloenlâ ise. Xirâ mâuntudyzemo kuru wato — kely Jesus.

Marcos 1:24

— Xina kâdynanâdâ! Tutuze urâ koendâ kehoem ânguy mawyly, Jesus Nazaré donro! Xina eon-honru etyze âetyby mawyly, tutuze urâ. Inakanhe amitaymba âmâ; Deus ingonotyby âmâ warâ — kely uguondo kadopâgue taseim; uguondo keba olâ agueim, kadopâ.

Lucas 1:32

Aunlo kulâ keba ise mâkâ, uguondoem ituo. “Deus ton-honreim imery” ise mâkâ. Pymâem ienehonze Deus. Tydamudo Davi pymâem atobyry ara ise âmery pymâ tâgarein-em awyly — kely.

Lucas 4:34

— Xina kâdynanâdâ. Tutuze urâ koendâ kehoem ânguy mawyly, Jesus Nazaré donro! Xina eon-honru etyze âetyby mawyly, tutuze urâ. Inakanhe amitaymba âmâ; Deus ingonotyby âmâ warâ — kely uguondo kadopâgue taseim; uguondo keba olâ agueim, kadopâ.

João 14:6

Aituo Jesus aguely: — Ânwa Pabairam tâdâtâholâ urâ. Yagâ lelâ âdy iozeno awyly âdutuoly. Ywâgâ lelâ Deus eydâ atoam tadaindyly. Yeinwânni modo lelâ ise Pabairam idâim. Yeinwâmpyra âmaemo-ro watay, Pabairam aintaymba âmaemo. Yeinwântuomo lelâ eyam aindylymo.

Atos 3:14

Koendonro, âdaini keba keankâ mâkâ Jesus. Pilatos nenagazenehomba itoem âkeá myguepa olâ mataunaguynre. “Kyârim Barrabás etaguehongâ. Jesus kruz onwa sakâjien-hongâ” myguelymo lelâ keankâ.

1 João 5:20

Deus imery onro anaxi âemâ; awârâ tutuze kurâ. Mâkâ lelâ Deus wâgâ koendâ kiuntuhoem konomedâni. Aituo Deus agâpa tyetuneba kurâ, imery Jesus Cristo agâpa tyetuneba lâpylâ warâ. Kunwym Deus tokalelâ, ipa eagonro. Mâkâ mawânkâ iweloem kyetoni, kyigueduo typygueba eagâ kitoem.

Apocalipse 1:11

— Idânârâ mâenkyly modo iwenigâ pape wâgâ. Igonokâ sete xidadâ anaxi Jesus einwânni modoram, Éfeso, Esmirna, Pérgamo Tiatira, Sardes, Filadélfia, Laodicéia warâam — kely keankâ yam.

Apocalipse 1:18

Mâkâ iguedânry urâ! Yiguewâm wâne. Kurâem witonmâ olâ, aunloenlâ witoem. Iguewâtyby modo kurâem kânhetondoem aguehoymbyem urâ. Ânguy igueypyem nâtâzezedaymba ise, kurâem itondoem agânhetuo. Etadâdyby wâne myara akaemo, urâ pylâ xave etaguehomo sodo-ro myara.

Apocalipse 15:3

Tâsemagueduomo saguhoem Deus emarybyry Moisés igâtudobyry ara nigâtudâmo, Kordeiru igâkylâ: — Deus, xina iwymâry, ton-honreim âmâ. Ize mato aiese ton-honre âmâ. Idânârâ amânhekyly koendonro mawyly tânehonze, on-honru tutuen-honze warâ. Idânârâ kurâ domodo iwymâry âmâ. Koendâ lelâ aieni âmâ; âdy koendâpa kulâ aieni mâkeba âmâ. Ânguy enokuni keba âmâ.

Apocalipse 16:7

Aituo keankâ tâjitanru kâindadyly. Deusram xuduypy egamehodâba keankâ aguely. — Xina iwymâry âmâ, Deus. Ize mato tâwâlâ adyese âmâ. Âkealâ, kurâdo inakanhe aitaynrim modo mâenagazedyly. Aitomobyry wâgâlâ mâenagazedylymo — kely keankâ.

Apocalipse 19:11

Ilâpyryem keankâ kau, Deus eydâ ato, âzenahunguely-ro waunlo ara, kâendyly. Kawaru tapekeim wogonro âepanâguely kâendyly. “Tâinwânseim” kelygue tâzekeim; “Ioze lelâ tunâgueim” warâ keankâ mâkâ kawaru wogonro ezedy. Mâkâ ise ânguy âsenagazeni, ânguy âsenagazedânry warâ awyly agueim. Ewentâguedobyry ara ise mâkâ anhenehonly. Iozelâ tuduery modo nhenagazenehonly, eagâmo âseguebylymo warâ.

Apocalipse 19:2

Âkealâ, izepa mato aienibyry modo mâenagazenehonly. Tâsenagazedylylâ mawânkâ ize atomo. Kurâ domodo inakanhe nieneho akaemo Babilônia donro modo. Pekodo wâne tokalâ uguondo agâ lelâ tâidyseba, myara akaemo ize mato lelâ adiendyseba awyly; eagonro kurâ domodo âinwâmpyra itoem nhenomedâdylymo lâpylâ warâ. Mâenagazedylymo olâ inakanhe aitomobyry wâgâ, âynynonro modo nhâwâtomobyry wâgâ warâ — kelymo keankâ.

Apocalipse 2:1

Aituo keankâ Jesus yam aguely: — Xirâ iwenigâ Efesodâ ynynonro modoram unâry egaturin-am. “Sete ximukâ tâmary aho eynynâ sawâni, sete candelabru modo duay adakobâni warâ urâ. Ytaumbyry xirâ âmaemo Éfeso donro modoram:

Apocalipse 21:5

Pymâ Deus yam aguely keankâ: — Iweâma idânârâ âdydo imeom iweloem kânhetaynly; saguhoem mykeankâ myara inkâba ise. Iwenigâ awârâ idânârâ iweloem itaynrim modo wâgâ. Tâinwânseim lelâlâ xirâ augueho — kely.

Apocalipse 3:14

Aituo keankâ Jesus agueondyly: — Xirâ iwenigâ Laodiceiadâ ynynonro modoram unâry egaturin-am. “ ‘Aiese urâ’ uguehobyry aieni urâ. Âkeá lelâlâ Deus eynynâ aguenri urâ; uguewâdyly kulâ waunlo mâkeba urâ. Idânârâ tâlânro modo âtugudobyrylâ urâ warâ. Ytaumbyry xirâ âmaemo Laodicéia donro modoram:

Apocalipse 4:8

Akaemo quatro ânguydo imeom seis, seis, seis, seis warâ sawâry. Sawârymo wâgâ kehoem keankâ akaemo enu, MON warâ kehoem. Deus wâgâ tygâky nimopamo keankâ: — Âdalâ inakanhe aityby mâkeba âmâ, Pymâ Deus. Inakai aieni mâkeba âmâ, koendonro lelâ aieni. Idânârâ takaze on-honru. Igueim mâkeba âmâ; tâlâ mykâinane âmâ saguhoem. Iwerâ tâlâ âmâ. Aunlolâ ise tâlâ mawyly warâ — kely keankâ igâkymo.

Apocalipse 5:9

Akaemo âzeguhoam ityby modo igâky keankâ mâkâ Kordeiruram. Tâjigâky iwelogue igâtudylymo: — Âmâ lelâ pape sakâjihobyry sakâjigueim, ituwymby ituwyngueim warâ kehobyry. Âmâlâma kruz wâgâ igueypy, âunu iapânibyry warâ. Idânârâ kehoem kurâdo onro anano modo Deus eynynonroem mânhetoem myakâwâm âiguely.

Apocalipse 6:10

Ago kehoem keankâ Deusram aguelymo: — Amânhedyse mato aiese ton-honre âmâ, Pymâ. Âdy inakai aieni mâkeba âmâ. Aiese myguehobyry, adyese lelâlâ âmâ. Inepa xina xyâimpyry modo enagazegâ. Inepa xina eweânkâ — kelymo.