Apocalipse 3:15 - Deus Itaumbyry

¹⁵ “Âdy amânhekylymo tutuze urâ. Ago lelâ ynynâ mawylymo warâ inkâba âmaemo. Ago lelâba lâpylâ udueryem mawylymo. Paru tanreim emyenro âmaemo, tâdâpigue kehoemba, tyânkânre kehoemba warâ.

Apocalipse 3:15 Iomraidhean Croise

Mateus 10:37

— Ynynonroem midyse mataymo, unwânmo, âzemo, âmerymo, ixirymo warâ takaze kehoem ywynedaungâ. Yakadâ âdaunlo kurâdo kulâ mâinwyneguylymo-ro watay, ynynonroemba ise âutulymo.

Mateus 24:12

Tâinkâ lelâba ise inakai modo awyly. Awylygue ise ânguy tagonrodo niwynebyra awyly. Peto wâneam tyântoem âdiempa tâise, myara ise kurâdo âpynedyly adainly.

Mateus 6:24

Jesus aguely: — Azagâ tywymâgueim kurâ watay, nuduwâpyra azakâlâ agueho aguientoem; tokalâ âdylâ aguiendyse, eagonro âdylâ aguiendyse lâpylâ. Aituo tokalâ aguehobyry lelâ aguienkyly. Arâ lâpylâ Deus ize, toenzepa tydinherugu ize waunlo modo Deusgue lelâ iwymâgoem nudupa awyly — kely Jesus.

Romanos 12:11

Tynepa itaungâ. Tugüigue lelâ âsewaniwâdaungâ warâ, tuomare lelâ Kywymâry xurâem amitomoem.

1 Coríntios 16:22

Kywymâry Jesus iwynedânry modo tâwâlâ Deusram tânagazezeinhelâ nidâ. Marana tá! uguely. (“Inepa odopâgâ, Pymâ!” keze aguely.)

2 Coríntios 12:20

Toenzepa âwâgâmo yakalagu. Âyanmo yaintuo, ize wato araba kulâ keanra ise nhedylymo. Inudâbamo kulâ lâpylâ keanra ise augueho, agâmo agânhedyly warâ. Tâlâ keanra tuduekeim modo, tâdâtyzedyly keim modo, iewiâpani modo, turâem lelâ warâ izetonro modo, tâdâseudyly keim modo, tâdâtunâguedyly keim modo, sawoem ini modo, tadakaladâdyly keim modo warâ. Awârâ modo kâendyly mawânrâ kâyntaguyly, yaintuo.

Filipenses 1:9

Kâenkadyly inanry Deusram, imâem lelâlâ âjigue mâpynedomoem. Deus koendâ kehoem mâuntuzezedylymo lakuru ize wato; âdy koendonro, âdy koendâpaom warâ awyly mâuntuzezedylymo ize wato.

2 Tessalonicenses 1:3

Deus agâ adâkeday, inanânehombamo inanry xina. “Ize mato lelâ Tessalonicadâ âynynonro modo anhekyly, Pabai. Awylygue xina iomaru. Toenzepa âjigue âpynezezedylymo, saguhobyry takaze kehoem lâpylâ âinwândylymo warâ” xina kely inanry Deusram. Cristo eynynâ ypemugudo, xina arâ aguely, âkealâ awylygue.

1 Pedro 1:22

Unâ âkealonro tâinwânse mawylymogue, inakanhe amitomobyry xygakely, igokeyby ara âmaemo. Awylygue ton-honre lelâlâ Cristo eynynâ âpemugumo mâinwynedylymo. Toenzepa iwynedaungâmo lakuru; amyguelymo kulâ waypa nidâ.

Apocalipse 2:2

“Tutuze urâ idânârâ urâem amânhetybymo. Ton-honre minasemo ize wato ara lelâ amitomoem. Toenzepa tâsenagazeze minasemo, yeinwândyly mâinmopa olâ âmaemo. Konokuze kulâ, ‘Cristo xina igononi iwâgâ agueze’ kewâni modo, agueduo, tâpaunzeze âmaemo, âkealâ, âkealâba warâ awyly mâuntuhomoem. Tutuze olâ urâ, aguelymo mâinwâmpyra mawylymo, kewâdylymo kulâ awylygue.

Apocalipse 2:4

“Tâlâ olâ inwentâdomo. Waunroem yeinwâmpygueduomo ywynedylymo ara inkâba ywynedylymo iwerâ.

Apocalipse 3:1

Aituo keankâ Jesus agueondyly: — Xirâ iwenigâ Sardesdâ ynynonro modoram unâry egaturin-am. “Sete ispiritubeom urâ; sete ximukâbe iemaym. Ytaumbyry xirâ âmaemo Sardes donro modoram: “Tutuze urâ idânârâ amânhekylymo. Atonlo modo enanaji, yeinwântâ âmaemo-ro waunlo ara. Arâpa olâ, iguewâtyby modo ara kulâ âmaemo, ienanaji.

Apocalipse 3:16

Paru tanreim kywilupanâdyly myara kulâ yeinwândylymo, yeinwâmpyra warâ mawylymo. Agâmopa widyly tâise ize wato, paru tanreim ytayba kamely myara.