Apocalipse 21:3 - Deus Itaumbyry

³ Ton-honre kehoem tâjitanru kâindadyly mârâ pymâ Deus xurerydâ. — Tynynonro modo duaylâ ise iwerâ Deus ejiku. Aunloenlâ ise akaemo agâ awyly, eynynonro modo ise akaemo-ro warâ. Mâkâ kulelâ ise nheinwânkylymo.

Apocalipse 21:3 Iomraidhean Croise

João 1:14

Deus kyam Xutuen-hoim Jesus Cristo karalâ akâwâm kurâem awyly. Kuduaylâ akâwâm xirâ onro anaym awyly. Kagâ koendonro lelâlâ mâkâ. Mâkâlâ mawânkâ âkealâ kuru âdaunlo Deus awyly xutuen-hoim. Deus imery tokaleom tawylygue, koendâ, ton-honre warâ mâkâ. Tâense kurâ koendonro kehoem awyly, ton-honre awyly warâ.

João 14:23

Aituo Jesus in-hoguly: — Ywyneni modo auguehobyry lelâ ise anhekylymo; Pabai iwynezemo lâpylâ. Eagâmolâ ise xina-ro warâ.

2 Coríntios 6:16

Deus ety, xygatyby modo etyem tyetuneba. Kurâ Jesus einwânni modo Deus âdaunloenlâ iguedânry ety kurâ. Deuslâ arâ agueim: “Iwerâ ynynonro modo agâ ise urâ; aunlolâ ise eagâmo wawyly. IDeusrymo ise urâ; akaemo ise ynynonro-ro warâ” kewândymy Deus saguhoem.

2 Coríntios 6:18

Unwânmo ise urâ. Ymeombyry ise âmaemo warâ” tâkeze Kywymâry Deus ton-honreim, warâ iwenibyem awyly Deus itaumbyry awo wâgâ.

1 Tessalonicenses 3:11

“Âynynonro modo enomedâze Tessalonicaram xina idâhoem aienehonwâdaungâ” tâkeze inanry xina Kunwym Deusram, Kywymâry Jesusram warâ.

Hebreus 11:16

Akaemo âji ize ato olâ myakâwândy Deus eydâ ato âji koendonro kehoem, eydâ atomo takazeno. “Ynynonro akaemo” keze tywypazeba myakâwândy Deus. Târâ kaynâ eydâ tatodâ âji xurâmoem nhonipyryem myakâwândy mâkâ.

Hebreus 8:10

Israel domodo agâ tâdâseinwândo iwelo agânheto saintuo warâ ise agânhedyly: Kâunrutomo koendâ nhutuhomoem aiese urâ, yeinwântomoem aienehonze urâ-ro warâ; mârâ tâzezewenry iodaymo, nhangahumo oday warâ iwenibyem awyly-ro waunlo ara kehoem ise, âdaunloenlâ nenanânehomba itomoem. IDeusrymo ise urâ, ynynonro modo ise akaemo-ro warâ.

Hebreus 8:2

Saguhoem kurâdo eynynâ Deus agâ aguewâni modo iwymâry kuru tâwanu anhedyly mykâinane âtâ tâjitubygue itâdyby sahomery oday Deus Âepanâguehodâ. Iwerâ olâ Jesus Deus enado kynynâ aguely, âji Deus anhetybydâ.

Apocalipse 10:4

Kâindatuo keankâ pape kanâdyly, iweniho warâ. Mârâ kopâ ipyru aguehobyry kâinwenidyze wakynre. Târâ Deus eydâ atodâba olâ wakely xidadâ: — Mâindatyby kâjiweni. Angahu oday lelâ nidâ — kely keankâ.

Apocalipse 10:8

Aituo keankâ mâkâ Deus eydâ atodâ kâindatyby yam agueondyly: — Egâ mâkâ anju, parutabâ ikay, onro wâgâ warâ tâpagueim. Eyam idâ. Mârâ pape ituwyngueyby ekagâ. Xuduze lelâ âyam — kely.

Apocalipse 12:10

Ilâpygueduo keankâ Deus eydâ atodâ ânguy kukeanra ago kehoem aguely: — Iweâma ise Deus tynynonro modo nhemakely, ton-honru pymâem tawyly warâ nhenehonly. Iweâma Messias ton-honru nhenehonly; idânârâ iwymâryem ise kehobyry. Diabu, “Konokuni” kelygue tâzekeim, Deusdâpa nâieho; kataen-hodo nenokudaymba ise mâkâ iwerâ. Deus eydâ atodâba sameybyem mawânkâ iwerâ.

Apocalipse 21:7

Idânârâ xirâ xuduze urâ, yeinwândyly imodânry modoam. Ymery ise akaemo. Urâ ise iDeusrymo warâ.

Apocalipse 22:3

Deus izepa ato lâpeba ise târâ xidadâ oday. Târâ ise Deus, Jesus Kordeirugue tâzekeim lâpylâ warâ pymâem awyly, pymâ xurery wâgâ. Idânârâ eynynonro modolâ ise ehogueni, iomaeni warâ.

Apocalipse 7:15

Jesus einwânnipyryem awylymogue tywykebamo. Aituo Pymâ Deus enado epagunumo. Târâ eydâ atodâ aunlolâ ise emaryem awylymo, peto oday, kopae alelâ. Mâkâ mure imâsedo wâgâ ekadybyram nâjimowâbyramo ise.