Apocalipse 19:18 - Deus Itaumbyry

¹⁸ Pymâ domodo, sodadu domodo, sodadu iwymâry domodo warâ iguewâtyby nhunru sâtaungârâ. Kawaru iguewâtyby nhunru, iwogonro modo igueypy nhunru warâ sâtaungârâ. Idânârâ iguewâtyby modo nhunru sâtaungârâ, kurâdo âdy modo, âdy keba modo alelâ, tâbyguepa âsewanirin-em sanâtyby modo, tâpywaze tâwaniduneim modo warâ lâpylâ. Âetaungâ merâ iguewâtyby modo nhunru sâse — kely keankâ.

Apocalipse 19:18 Iomraidhean Croise

Mateus 24:28

Tywângueimpe atoram elaho modo âtâdyguyly, ânguy “Târâ igueypy” keduo inkâba. Arâ lâpylâ ise kurâdoram kodopâdyly âdutuoly, ânguy âdakepalâ — kely Jesus.

Lucas 17:37

Awârâ tindatuo myani eynynonro modo nhapâiguely: — Âdykâ ise awârâ aidyly, Pymâ? — kelymo. Aituo Jesus in-hoguly; âdykâ awyly aguepalâ: — Tywângueimpe atoram elaho modo âtâdyguyly, ânguy, “Târâ igueypybe” keduo inkâba. Arâ lâpylâ ise kurâdoram kodopâdyly âdutuoly, ânguy âdakepalâ — kely Jesus.

Apocalipse 11:18

Toenzepa âduery modo agâ iewiâkymo. Naintai mawânrâ inakanhe aitomobyry wâgâ âsenagazedomoem amânheto iweâma. Naintai mawânrâ idânârâ iguewâtyby modo âdara iedyly awyly wâgâ amygueho. Naintai mawânrâ imary modoram koendonro mâunduho, âtaumbyry egatuwâni modoram. Naintai mawânrâ âynynonro modoram koendonro mâunduho, idânârâ âinwânnipyry modoram, âdy modoram, âdy keba modoram alelâ. Naintai lâpylâ idânârâ kânagazenibyry modo, kyârimpyry modo warâ mâenagazedo — kelymo Deusram.

Apocalipse 13:16

Aituo keankâ mâkâ ânguydo adyry onro anano aguely: — PE tyetaynze ise idânârâ ynynonro modo, emary aho eynynonro wâgâ atay, inwendy wâgâ atay warâ. Idânârâ PE ietaymbyem lelâ nidâmo, tynrenseim modo, tynrensenry modo alelâ; âdypeom, âdypebaom modo; tâpyguebalâ âsewanirin-em sanâtyby modo, tâpywazeim modo alelâ.

Apocalipse 17:16

Ânguydo adyry paru ikanobyry, dez pymâ domodo warâ mâkâ pekodo MON waunlo iewiâsezemo. Idânârâ tâlâ ato modo emakezemo. Ety iwogonro etyzemo. Nhunru sâsemo. Petogue ise âsegubydâdyby nhainlymo-ro warâ.

Apocalipse 19:5

Aituo keankâ Deus xurerydâpa tâjitanru kâindadyly. — Aguewâtaungâ kyDeusry koendonroem awyly wâgâ, idânârâ emary modo, âmaemo xyrentaynrim modo warâ. Idânârâ iwâgâ aguewâtaungâ, âmaemo âdy modo, âdy keba modo alelâ — kely keankâ.

Apocalipse 6:15

Idânârâ kurâdo âwientaynly; otoendylymo iwy odano tâtagueim odaxi, tuhu imâsedo modo duaxi warâ. Idânârâ kehoem keankâ pymâ domodo otoendaynlymo. Idânârâ kehoem keankâ sodadu domodo iwymâry, kurâ domodo iwymâry warâ otoendaynly. Idânârâ kehoem âdypeom modo, ton-honreim modo kehoem warâ otoendaynlymo keankâ. Idânârâ wâne otoenze kewâdylymo, kurâdo âdy modo, kurâdo âdy keba modo lâpylâ warâ.