Apocalipse 14:13 - Deus Itaumbyry

¹³ Aituo keankâ Deus eydâ atodâ tâjitanru kâindadyly. Warâ keankâ aguely: — Xirâ âyam augueho iwenigâ: “Kaikâ mâkeba akaemo Kywymâry Jesus nheinwândylymogue kulâ tyâzeim modo” — kely. Aituo keankâ Deus Ispiritury aguely: — Âkealâ amyguely. Iweâma tâwâlâ ekobyzeguelymo, âwanu aienibyryem; Deus tutuze mawânkâ koendonro aienibyryem awylymo — kely.

Apocalipse 14:13 Iomraidhean Croise

Mateus 3:17

Aituo kau oday Deus itanru indadyly lâpylâ: — Ymery toenzepa kâinwyneguyly merâ, toenzepa womazeâni — kely myani Deus.

Lucas 16:25

— Warâ olâ myani Abraão eyam aguely: “Âiguepa mawyly ume, toenzepa ani âdinherugu, âdydo imeom iwâkuru modope mawyly warâ. Lázaro ani âdy peba, toenzepa âsenagazedyly. Iwerâ mâkâ saguhoem âsenagazedyby Deus enado, awârâ modo nhewânukely. Âmâ toenzepa âsenagazeni iwerâ.

Lucas 16:9

Tonomegue âdinheruru tâlâ matomo aietaungâ, agonromo mâenmawyadâdomoem. Âdinherurumo adainly watay, Deus eydâ atodâ tâjike lelâ ise âmaemo.

Romanos 14:8

Tarâ onro anaym kydawyly ara, Kywymâry Jesus ize ato ara lelâ aieniem tarâ kydawyly, ize kydato ara kulâ ainiem inkâba. Kyigueduo kulâ mâkâ agâpa kidyly kitaymba ise kurâ; kâensezelâ mawânkâ ise mâkâ. Awylygue Kywymâry Jesus xurâempa kipyra kydawyly ise, igueypyem, igueypyemba alelâ.

1 Coríntios 15:18

Cristo kurâem itondybyemba watay, idânârâ mâkâ einwânni iguewâtyby modo tâise tâdâsenagazedodâ, aunloenlâ Deus agâpa ietybymoem, inakanhe aitomobyry tygakezeba awylygue.

1 Coríntios 15:20

Igueypyemba olâ Cristo iwerâ! Igueypyem awyly ume, kurâem tyetonze myakâwâm Deus. Awylygue tutuze lelâlâ kurâ, kurâem kyetonze lâpylâ mâkâ awyly.

1 Coríntios 15:58

Ypemugudo Cristo eynynâ kâinwyneguyly modo, Jesus toenzepa einwândyly kâjimowâdaundâ. Deus kodo iweloem ietonze awyly einwândyly kâjimowâdaundâ. Kywymâry Jesus amânhetomoem aguehobyry, amânhepyra tâiseba itaungâ. Alâ kulâ inkâba ise xurâem amitomobyry, amyguehomobyry warâ, eagâ kydawyly ume.

2 Coríntios 5:8

Tutuze xina, iweloem âiehoze tawyly. Toenzepa wâne xina iwelo todope tâidyse awyly, Kywymâry Jesus agâ tâitoem! Koendâ lelâlâ ise xirâ xinaem.

Filipenses 2:17

Âdalâ ise unu tyapâze, yiguely, vinhu ânguydo imeom xyâypy onwa iapâdyly Deusram egamehoem myara. Jesus mâinwântomobyry wâgâ âzenagazeoze lâpylâ âmaemo. Tuomare ise urâ, Jesus wâgâ âyanmo kâengatuhobyry wâgâ, iomazeze lâpylâ âmaemo mâinwântomobyry wâgâ warâ.

1 Tessalonicenses 4:14

Jesus iguehobyry. Deus olâ akâwâm kurâem tyetonze. Awylygue idânârâ Jesus einwânni modo igueduo, kurâem itonzemo awyly kiuntuly, Jesus odopâduo, eagâ isemo warâ.

1 Tessalonicenses 4:16

Warâ ise aidyly. Deusdâpa ise Kywymâry Jesus xytâguyly. Pymâ tâgareim saindyly wâne myara ise Jesus saindyly. Idânârâ turâ modo âtâdyguyhoem agueze. Anju domodo iwymâry ise kygâseni. Deus tytrombetary idyen-honze, Jesus odopâdyly awyly xutuhoem. Jesus einwânni iguewâtyby modo ise saguhoem kuru kurâem itoni.

1 Tessalonicenses 5:10

Kâmakeze akâwâm Cristo iguely, aunloenlâ eagâ kitoem. Odopâduo, eagâpa kitaymba ise kurâ igueypyem, kyiguepa alelâ.

1 Timóteo 5:24

Xirâ enanâguegâ. Tâlâ Deus izepa ato aieni inakanhe aito tâenseim. Idânârâ tâdutuoze âsenagazeze awyly anhetyby wâgâ. Tâlâ olâ mâkâ inakanhe aito tâensenry, tutuzenry warâ, ânguy nutuba ise-ro warâ, xypyry odaxi idyly ara.

1 Timóteo 5:25

Tâlâ lâpylâ Deus ize ato aieni koendâ aito tâenseim. Tâlâ lâpylâ mâkâ koendâ aidyly tâensenry, tutuzenry warâ. Âdalâ olâ koendonro awyly âdutuoze.

Apocalipse 1:11

— Idânârâ mâenkyly modo iwenigâ pape wâgâ. Igonokâ sete xidadâ anaxi Jesus einwânni modoram, Éfeso, Esmirna, Pérgamo Tiatira, Sardes, Filadélfia, Laodicéia warâam — kely keankâ yam.

Apocalipse 10:4

Kâindatuo keankâ pape kanâdyly, iweniho warâ. Mârâ kopâ ipyru aguehobyry kâinwenidyze wakynre. Târâ Deus eydâ atodâba olâ wakely xidadâ: — Mâindatyby kâjiweni. Angahu oday lelâ nidâ — kely keankâ.

Apocalipse 11:15

Ilâpygueduo keankâ anju sete ieto tytrombetary indyly. Deus eydâ ato donro modo ewy aguely kâindadyly. Ago kehoem keankâ aguelymo: — Deus Kywymâry ton-honreim kuru! Idânârâ kurâdo iwymâry ise merâ! Ingonotyby Messias pymâem ise lâpylâ! Typygueba ise pymâem awyly! — kelymo.

Apocalipse 11:19

Ilâpygueduo keankâ târâ kaynâ Deus ety iwyantary âzenahungueoly. Ioday kaixa, “arca” kelygue tâzekeim, nâzeho, Deus kurâem anhetyby kienanâgueho. Mârâ kaixa âzehoduo, ton-honre kehoem kopâ âjipyruguely. PEBYK PEBYK idyly. Onro âzekânily. Toenzepa pewendâ ihuguely warâ. Warâ keankâ aidyly.

Apocalipse 16:17

Akaemo seis anju domodo nhapâbygueduo keankâ anju xypyry kau, onro warâ ontay tugudupiry odano nhapâdyly. Aituo keankâ Deus tâty oday turery wâgâ ekadybyem ton-honre kehoem aguely kâindadyly. — Ipa, idânârâ ynynâbaom modo sete lelâ âsenagazedo ajietai! — kely keankâ.

Apocalipse 19:9

Aituo keankâ anju yam aguely: — Xirâ auguely iwenigâ. Tuomareim ise Kordeiru ohogüin-ho etyryam igâsedaymby modo. Akaemo agâ ise Deus koendâ lelâ awyly warâ — kely. Aituo keankâ agueondyly: — Deus itaumbyry iozeno xirâ — kely.

Apocalipse 2:1

Aituo keankâ Jesus yam aguely: — Xirâ iwenigâ Efesodâ ynynonro modoram unâry egaturin-am. “Sete ximukâ tâmary aho eynynâ sawâni, sete candelabru modo duay adakobâni warâ urâ. Ytaumbyry xirâ âmaemo Éfeso donro modoram:

Apocalipse 2:7

“Awylygue auguely mâuntudyze mataymo, idataungâ Deus Ispiritury aguely idânârâ yeinwânni modoram. “Âmaemo xypyry etaji kehoem yeinwândyly imodânry modo, Deus enadoram alehozemo urâ, âji iwâkuruam, âigueompyra mitomoem. Nady ewily kyigueânehondânrybe târâ. ‘Tâwâlâ xirâ nady ewily einwâtaungâ’ keze urâ âyanmo” — kely keankâ Jesus Efesodâ tynynonro modoram.

Apocalipse 20:6

Xirâ ume kurâem tientondyby modo agâ koendâ lelâ Deus, Deus eynynonro awylymogue. Peto onwanji nadamuneowâbyramo ise. Igueondylymo nitaymbamo ise. Deus, Cristo warâ emaryenmo ise, Deus aguehobyry kurâdoam aguenriem. Mil anu ise Cristo agâ pymâem awyly.

Apocalipse 21:5

Pymâ Deus yam aguely keankâ: — Iweâma idânârâ âdydo imeom iweloem kânhetaynly; saguhoem mykeankâ myara inkâba ise. Iwenigâ awârâ idânârâ iweloem itaynrim modo wâgâ. Tâinwânseim lelâlâ xirâ augueho — kely.

Apocalipse 22:17

Deus Ispiritury, Kordeiru Iwydyem Inigue tâzekeim modo warâ Jesusram agueim. — Odopâgâ, Jesus! — kerim. Idânârâ xirâ kâinweniby itainrim modo, idataynrim modo warâ, — Odopâgâ, Jesus! — nyguemo lâpylâ. Âmaemo Jesus eagonroem midysedonro modo, iweâ lelâlâ einwântaungâ. Eyam idâwâtaungâ, toenzepa tatuanzeim paru enyze idâly wâne myara. Tâbyguepa ise imakelymo. Aunloenlâ ise eagâ mawylymo.

Apocalipse 6:11

Eyanmo âtâ tapekeim nâduduo, aituo keankâ Deus eyanmo aguely: — Tadahulizeba itaungâ. Toenzepa ise iwerâ ywâgâ aguewâni modo âdyoly uduery modoram. Âpemugumo lâpylâ akaemo, Jesus Cristo eynynâ. Âdiempa iwânwântaungâ wao, idânârâ âdyowâdylymo ara — kely.