Apocalipse 13:7 - Deus Itaumbyry

⁷ Deus eynynonro modo agâ âseguebyhoem, eon-honru nhain-hoem warâ aguehoymbyem keankâ mâkâ ânguydo adyry. Idânârâ kurâdo xirâ onro anano modo iwymâryem keankâ.

Apocalipse 13:7 Iomraidhean Croise

Lucas 4:6

Aituo myani aguely: — Idânârâ awârâ mâentaynly modo iwymâryem âese urâ. Tâinkâ lelâba ise pymâem mawyly. Koendonro modo idânârâ âmâem xuduwâse urâ. Idânârâ awârâ mâentaynly modo sodoma urâ. Ânguylâ pymâem kânhedyse urâ-ro watay, adyese urâ.

João 19:11

— Deus amânhedyse ato lelâ yagâ amânhekyly. Deus aguepa kulâ, âdy yagâ amânhetaymba âmâ. Yâen-honly-ro watay, inakanhe kulâ awârâ, tutuzelâma âmâ, âdara wipyra wawyly yiguehoem. Âsenagazeze âmâ ayenehon-hombyry wâgâ. Mâkâ âyam iegamerimbyry olâ ise akadâ kehoem kuru âsenagazeni — kely Jesus.

Apocalipse 10:11

Aituo keankâ auguehonly: — Âtâ anakonro modoram, âkeloem tytanruneim modoram warâ ise âdy Deus anhekyly awyly wâgâ amygueondyly, idânârâ pymâ domodo âdara Deusram aieholymo awyly wâgâ warâ — uguehonly.

Apocalipse 11:18

Toenzepa âduery modo agâ iewiâkymo. Naintai mawânrâ inakanhe aitomobyry wâgâ âsenagazedomoem amânheto iweâma. Naintai mawânrâ idânârâ iguewâtyby modo âdara iedyly awyly wâgâ amygueho. Naintai mawânrâ imary modoram koendonro mâunduho, âtaumbyry egatuwâni modoram. Naintai mawânrâ âynynonro modoram koendonro mâunduho, idânârâ âinwânnipyry modoram, âdy modoram, âdy keba modoram alelâ. Naintai lâpylâ idânârâ kânagazenibyry modo, kyârimpyry modo warâ mâenagazedo — kelymo Deusram.

Apocalipse 11:7

Azagâ tokalâ, tuotagueze warâ anu pygueduo ise akaemo azagâ Deus itaumbyry egatuly nhewanikely. Ilâpygueduo ise mâkâ Ânguydo imeom adyry mârâ tâtagueim tâsanigueim kehoem odaypa egasely, kadopâ modo ejidy odaypa. Akaemo azakâlâ unâ egatuim modo agâ âseguebyze. Mâkâ ânguydo imeom adyry ise takazemo kehoem ton-honreim. Akaemo azagâ Deus emary modo xyâze mâkâ.

Apocalipse 12:17

Dragão iewiâpadyly, pekodo âsemagueduo. Âda tiempyra tâituo keankâ pekodo iweompyry, Deus aguehobyry, Jesus nhenomedâdobyry warâ einwândyly imodânry modo agâ âseguebyze idâly.

Apocalipse 17:15

Aituo keankâ anju yam agueondyly: — Mâkâ pekodo MON warâ adyeseim paru emelay ekadybyem metai. Idânârâ kurâdo onro anano modo, mârâ paru nhenehonly.

Apocalipse 5:9

Akaemo âzeguhoam ityby modo igâky keankâ mâkâ Kordeiruram. Tâjigâky iwelogue igâtudylymo: — Âmâ lelâ pape sakâjihobyry sakâjigueim, ituwymby ituwyngueim warâ kehobyry. Âmâlâma kruz wâgâ igueypy, âunu iapânibyry warâ. Idânârâ kehoem kurâdo onro anano modo Deus eynynonroem mânhetoem myakâwâm âiguely.