Apocalipse 10:5 - Deus Itaumbyry

⁵ Ilâpygueduo keankâ anju parutabâ wâgâ, onro wâgâ warâ XYDYK warâ kâentyby, tâmary aho eynynonro nhaunâdyly kâendyly.

Apocalipse 10:5 Iomraidhean Croise

Atos 14:15

— Adâiseba itaungâ, Nhaum! Deus mâkeba xina. Imyenromo kulâ xina! Âyanmo Jesus wâgâ agueze xina xarâ âewyly, onro xygatyby modo kulâ mâinwâmpyra mitomoem, iwâgâ amyguelymo mâinmohomoem warâ. Âdyem nitaymba akaemo. Âdy âmaemoem anientaymba ise. Deus iguedânry einwântaungâ, kau, onro, parutabâ, idânârâ xugunipyry. Awâkâlâ idânârâ âdydo imeom xuguni.

Atos 17:23

Âtâ anakâ kadakobâday, toenzepa kurâ ekudo xygatyby modo, âtâ ekudo modo, ânguydo imeom ekudo warâ sedâ. Awâkâ modo mâen-hoguedomo ejidydâ sedâ lâpylâ olâ “Deus tutuzenry xyrento xirâ” kely iwenibybeom âji. Deus mâuntudânrymolâ iwâgâ augueho.

Romanos 1:20

Kaudyly umelâ, tiungutyby modo wâgâlâ Deus âdaunloem tawyly nhutuen-honly. Tâenseim keba lelâlâ wâne, nhugutyby kientuo olâ, tutuze kurâ, toenzepa ton-honreim awyly, âdaunloem awyly warâ. Onro wogonro modo, kau wogonro modo, paikano modo warâ kientuo, tutuze kurâ, Deuslâ idânârâ xugunipyry awyly. Awylygue ânguy, “Âdaunloem tawyly kiuntuhoem nenehonwâbyra Deus” kehoem nuduwâpyra.

Hebreus 6:13

Enanâguewâdaungâ kydamudo Abraãoram Deus aguehobyry: “Iwâkuru modo lelâ ise âmâem agânhekyly. Toenzepa âweonzeânehonze urâ. Deuslâ urâ agueim, ‘Aiese urâ’ keim. Auguehobyry agânhepyra witaymba urâ” kewândymy Deus Abraãoram, agaityon-em, tymegueba warâ awyly ume. Tâzedy wâgâlâ myakâwândy aguely, ânguy takazeno peba awylygue.

Apocalipse 1:18

Mâkâ iguedânry urâ! Yiguewâm wâne. Kurâem witonmâ olâ, aunloenlâ witoem. Iguewâtyby modo kurâem kânhetondoem aguehoymbyem urâ. Ânguy igueypyem nâtâzezedaymba ise, kurâem itondoem agânhetuo. Etadâdyby wâne myara akaemo, urâ pylâ xave etaguehomo sodo-ro myara.

Apocalipse 10:2

Pape imeimbyry ituwyngueybybe keankâ emaym. Sapilugueybyenlâ keankâ pape emaym awyly. XYDYK warâ keankâ, ipery aho eynynonro parutabâ ikay, ipery pâem eynynonro keankâ onro wâgâ warâ.

Apocalipse 14:7

Ton-honre kehoem keankâ aguely: — Deus xyrentaungâ. “Deus, ton-honreim âmâ, koendonro warâ” kewâtaungâ eyam. Inepa ise Deus koendonro nhuduly tâinwânni modoam. Tâinwântânry modo enagazeze warâ. Awârâ kau, onro, parutabâ, paru, idânârâ tâlâom modo tytanrugue kulâ xugunipyry ehoguedaungâ — kely keankâ.

Apocalipse 16:17

Akaemo seis anju domodo nhapâbygueduo keankâ anju xypyry kau, onro warâ ontay tugudupiry odano nhapâdyly. Aituo keankâ Deus tâty oday turery wâgâ ekadybyem ton-honre kehoem aguely kâindadyly. — Ipa, idânârâ ynynâbaom modo sete lelâ âsenagazedo ajietai! — kely keankâ.

Apocalipse 4:11

Warâ keankâ igâkymo: — Xina iwymâry kuru âmâ. Âmâ kulelâ Deus xina nheinwânkyly. Tohoguezeim, tynrenseim warâ âmâ. Awylygue koendâ mawyly wâgâ, tynrenseim mawyly wâgâ, ton-honreim mawyly wâgâ warâ xina aguely. Âmâlâ idânârâ tâlânro modo xuguni. Awylygue idânârâ tâlâ awyly, ize mawylyguelâ — kelymo keankâ Deusram.

Apocalipse 4:9

Warâ keankâ Deus pymâem awyly wâgâ igâkymo lâpylâ: — Ton-honreim, iwâkuru warâ âmâ! Tynrenseim âmâ! Tuomare xina, koendonro xinaem aieni mawylygue! Igueim mâkeba âmâ — kelymo Deusram.