Ɉeremi 1:19 - Yálá laawoo hɛɓɛ

¹⁹ Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Yálá laawoo hɛɓɛ (dc)

¹⁹ Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Bible

¹⁹ Da pâi kɔ̂i ípɔ, kɛ́lɛ díyee fé pâi pɔrîi yâ. Kpɛ́ni fêi ńyãai ŋ́gáa a Yâwɛɛ, ŋa pâi ímɛi kâai, ŋa íkula yêei kɛ́.” Ńyãai ŋ́gáa a Yâwɛɛ, ńyáa ƃé mò tí.

Ɉeremi 1:19 Iomraidhean Croise

Mąątɛ̨nɛ̨ 129:2

Di pɛlɛ mą́ą́ a hvaa, geemɛ̨i yɛli, ə həɠə kpɔ múhəɠə yələ ɓa, Kɛlaa, di yee hvo pɛli mą́ą́.

Ɉeremi 1:18

Nwɛ́i, gáá ə́ kɛi háákələi a taa walawala, a kwɛli hɔlɔɔn, ŋį́ ə́ kɛ a hįį yii dɔɔ a ɓala kwɛli, yɛ́ tɔɔ la nɔi nuą kəlee la, Ɉuda tɔɔɓɛlaa, da nwɔ ɲɛ̨itɔwɔ nuą, da nwɔ haláá laa həli nuą kəlee, da ɉu lonnii kəlee.

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Ɉeremi 11:21

Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Ɉeremi 2:1

Yai-Laa ə pələ ɓo mą́ą́, yɛ mą́ą́:

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Ɉeremi 26:8

Mɛ̨nįɠaa kpɔ tii Yai-Laa ə Ɉeremi tí la, yɛ hvilɛn na nɔi lonnii diɛ, gbɛɛ a gəlee ɓoɔ, ɉaláá laahəli nuą, da Yálá kwəi mɛ̨nį hukulɔ nuą, da nɔi lonnii kəlee di ɉon, diɛ kɛ mą: «Yáá haa kwɛli a ə́ kpɔwɔ!

Ɉeremi 30:11

Yai-Laa yɛ, gáá ə́ pɔ ə́ kulɔ mɛ̨nį ɓa mɛ̨nįi. Nɔiɠaai kpɔ tii ŋą́ ka taɠa taɠa ɉu, gáá gəlee hu kalai. Kɛlaa ə́ wɛi, vá ə́ kala, gáá ə́ mąąkwɛli, yɛ́ hiɛ a bələ, vá da lɛɛ hvo tɛɛ yɛ́ kpɛli-kpɛli.

Ɉeremi 39:17

Nąąlɔwai, ŋą́ ə́ hvólóon na ɓo, hvo pai tooi nuąi tii ə́ kaa ɲɔwi diɛ, di yee ŋą; Yai-Laa woo li.

Ɉeremi 42:11

Ka hvo kɛa ɲɔw Babilonə tɔɔmun ma. Yai tii ka mąą kpɛlin ɉii. Ka hvo kɛa ɲɔw mą, Yai-Laa woo li. Gáá ka pɔ, gɛ́ ka kulɔ mɛ̨nįi. Gɛ́ ka kulɔ ɲee mu.

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Danîa 3:25

Tɔɔmun ə pənə yɛ diɛ: «Yaan, nu nąąn mə gáá gaai laa nwɔ̨n ɉu, diɛ hiɛ, di naa ta hvo yili li, nwɔ̨n bɔɔ kpɛli hvo diɛ. Di nąąn gɛɛnąą tii, ɲɛ̨ilaai kaa yɛ alaɠaa lon ɉulɔnu.»

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Gɛlaɠaa 26:17

Gáá pai ə́ kulɔi Ɉuifəɠaa yəi, da ɉuwu takpɛliɠaai ti gáá ə́ tɔɔi di pɔ, di yəi.

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»