Piɛrə dɔlɔɔ 5:3 - Yálá laawoo hɛɓɛ

³ Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

Yálá laawoo hɛɓɛ (dc)

³ Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

Bible

³ Diai kákaa dímɛi, káfe dímɛi kàa a wala-wala-laa, kɛ́lɛ, ká kɛ́ a pɔɔkɔ̂ŋ ǹúu-kpului mɛni ma.

Piɛrə dɔlɔɔ 5:3 Iomraidhean Croise

Tɛsalonikə veelɛ 3:9

Yili mąą laa kaa ku yəi, kɛlaa, ku kɛ bɔ, ku kɛ ká lɔwai, a nuąi ká di pɔɔ kɔɔn.

Filipə 3:17

Ną́n nonnii, 'ká bɔ́ɔ́ kɔ́ɔn, bələi ŋɛ̨i ku ká kalan na, nuąi da kɛ hiɛi ti, ká hvilɛn di pulu.

Izikiɛ 34:4

Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Timote dɔlɔɔ 4:12

Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Nįį-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Filipə 4:9

Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Korɛntə dɔlɔɔ 11:11

Kɛlaa yaamun, nɛ̨ɛ̨nu da hulɔnu di yiliɛ di kee ɓa Ną́mu Yálá ɲɛ̨i ɓa, da hva mɛlan nɛɛ.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Mąątɛ̨nɛ̨ 74:2

Nu kpului ə́ ɉɔlɔɓo a ə́ wɔɔ a yɛnɛ̨ɛ̨ gɔwɔ tɔɔ yələ, ə́ kili lɛɛ ɉu; a nu huwui tii ə́ kɛ diɛ ə́ kwɛlin ni, a Siɔn yeei tii ə́ gɛ a ə́ hee taai.

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Dutɛrɔnome 32:9

Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Korɛntə dɔlɔɔ 3:5

Gbɛɛ ɓaa a Apɔlɔsə? Gbɛɛ ɓaa a Polə? Di kaa lɔ a tínuąi, diɛi pa a káá laa na la pələ mɛ̨i. Di tɛitɛi di di wɔɔ mąątí kɛ, yɛ bələ gu Nąmu ə mąąlaa tɛɛ la di pɔ.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Ɉaan 13:15

Mɛ̨nį kɔ́ɔn mąą ka tii ŋą́ nɛ kaa. Bələi ŋą́ gɛ la a kaa, kaa kpɛlimąn ka gɛ tii a ka kee.

Tɛsalonikə dɔlɔɔ 1:7

Yili ɓa, káá kɛ kɛa a kɔ́ɔnmąą lɛlɛɛ, Masedoanə da Akaiə laa na nuą kəlee diɛ.