Zûu 1:9 - Yálá laawoo hɛɓɛ (dc)

⁹ Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

Yálá laawoo hɛɓɛ

⁹ Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

Bible

⁹ Kɛ́lɛ, tãi ŋ̀âla-taa-kela kɛ́tɛi Makɔɔ da Dɛ̂ƃele dí kɛ̀ kɔ̂i la, díkɛ Mose kpono maa-sia tooi, vé kɔ́ ní a gɛɛ é ŋɔmɛni ŋá tée a lóno nyɔ́mɔɔ-ŋa, kɛ́lɛ, è mò, nyɛɛ, “Tɔɔ Kúnuu-namui é lóno yâ.”

Zûu 1:9 Iomraidhean Croise

Kɔlɔnikɔ Maa-ŋuŋ 12:17

Bɛnɉamɛn da Ɉuda lonnii taɠaa, di pa Davidə pɔ, ɓɛi ə kɛ laa now pələi.

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Danîa 10:13

Kɛlaa, Pɛrsə lɔi mąąkpɛ malaka ə kpəɲan mɛ̨nį tii hu hvóló pow hveelɛ gɔw tɔ̨nɔ̨ kuu mu, hvo kɛli Misɛlə yii gaa a malakaɠaa nwun nąmu tɔ̨nɔ̨, ə pa ə kpɔmąą tɛɛ bɔ́. Ŋą́ lɛɛ heeni Pɛrsə lɔi nwun nąmįnąa kwɛlɛ.

Danîa 10:21

Kɛlaa, yii bɛ̨ɛ̨ tɛ̨ą hɛɓɛ́ hui, ya ɓə gáá naa həlii yɛ́, nui lɔpee ta hvo pai kpɔmąą tɛɛ bɔ́ kwa malakaɠaai tii ku wɔ kɔ́i hu, hvo kɛli Misɛlə yii gaa a Israɛlə nu huwu mɛ̨i kaa malaka.»

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Zakari 3:2

Yai-Laa nwɔ malakai yɛ ɓilihi ɓa: «Yai-Laa ə nwumɛ̨ tɛ a yɛ́ ɓilihi; a tɛ̨ą, Yai-Laa ə ə́ laa kpulu, Ya ɓə Ɉerusalɛmə həɠə ɉu a nwɔɔ. Yii ɓaa a ɉulɔnui ŋɛ̨i nwɛi, hvo mɔ̨ɔ̨ yɛ kwɛi kpuwɔ kulaa nwɔ̨n ɲəi?»

Markə 15:29

Nuą kɛi tɛɛ naa kwɛlɛ, da di ɲɛ̨i hee Jesus ɓa diɛ di nwun gbɛŋɛ̨n, diɛ nalan, diɛ di laa kpan ɲąli la, diɛ kɛ mą: yɛi ŋɛ̨i kɛ diɛ: «Ya Yálá hee pɛlɛ́ pu, ə́ dɔɔ hvóló haaɓa yee mu,

Dutɛrɔnome 34:6

Ə Moisə powa loo laa Moabə lɔi moloon ɉu, Bɛtə-Peɔrə tənən ma. Nu ta hvo gámą kɛi kɔ́lɔn háá ɓa háá.

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Piɛrə veelɛ 2:11

Pələi mąn kpɛli malakaɠaa kaa la, di hvaŋą kɛnɛ̨, di huwalawalai ə tɛɛ nɛɛ kalan gɛ nuą ti diɛ, di hva kpɛli woo ɲɔ̨n mo Yálá pɛli hɛnŋąa ti diɛ, Ną́mu Yálá ɲɛ̨i ɓa.

M̀ɛni-lɛɛi 12:7

Ya ɓə, kɔ́ kɛnɛ̨ ə muhəɠə yələ kwəi, Mikaɛlə ɛlɛɛ, da nwɔ malakaɠaai di kɔ́ pɛlɛ mąąɲɔw-hɛn tii ɓa. Ɛlɛɛ, mąąɲɔw-hɛn yaan ə pɛlɛ diɛ da ɲee pɔɠaa,