Zûu 1:3 - Yálá laawoo hɛɓɛ (dc)

³ Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

Yálá laawoo hɛɓɛ

³ Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

Bible

³ Ŋáwɛli-kɛ-maa ƃelai, berei ŋá ŋ̀wɛ̂lii kpɔ́ la a gbanaŋɔɔ a gɛɛ ŋá kɔlɔ pɔ̃yɛ̂ kápɔ naa kúƃalo-laa tɔnɔi mɛni mai, ŋá gàa a mɛni lɛ́lɛɛ a gɛɛ ŋá kɔlɔ pɔ̃yɛ̂ kápɔ naa ŋá kálôa-woo ƃo a gɛɛ ká ǹaa-laai maa-namu kɔ́ nyíi dí dɛ̀ɛ Ŋ̀âla-ƃelai pɔ́ nɔ́ zu tɔnɔɔi.

Zûu 1:3 Iomraidhean Croise

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Gɛlaɠaa 17:3

Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.

Gɛlaɠaa 18:28

Mąąhɔlɔɓo, nwɔ mɛ̨nį hukpɛ pələ, ə kɛli Ɉuifəɠaa laa pɛlɛ mą nu kəlee ɲɛ̨i ɓa; yɛ nɛ diɛ a Yálá lawoo hɛɓɛ́ hu wooɠaa yɛ kɛ: Jesus kaa a nwun mąąɓomun Yálá ə naakwɛlanmo.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.

Gɛlaɠaa 9:13

Ananiasə ə nwoo ɲąąpənə yɛ mą: «Nąmu, ŋą́ą́ nu tamąą woo mɛ̨n, diɛ ɉulɔnui tii laa pələ ɓo, mɛ̨nį ɲɔ̨n kpɔ aa naa ə́ wɔ nu mąąhəɠɛɛɠaa diɛ Ɉerusalɛmə, diɛ ɉukulɔ.

Gɛlaɠaa 9:22

Kɛlaa, Solə nwɛi, nwɔ liikpələ ta lɔ ɓə kɛli pɛlɛ mą, yɛ Damasə Ɉuifəɠaa woo pulu pənə a gɔw, yɛ nɛ diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Korɛntə dɔlɔɔ 15:3

Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Galatə 2:5

Ku hvo ku kpɔwɔ lɛɛ nuą tii yeei kpɛli tiikpɛ, ə gɛ, Nwɛlɛɛ lɛlɛɛ ŋą tɛ̨ą ə lɛɛ bələ mɛ̨i ká yəi.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Galatə 6:11

Ɉɛɓɛ́ kɔ́w kpɛa-kpɛaai ŋɛ̨i, ká gaai, ɲą́ą́ gbínįi ɓə bɛ̨ɛ̨ a gbɔ́kpɔɔ yee.

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Dutɛrɔnome 21:9

Bələ ɓə ka káá pai kwəi kwələmun ɲąmą pu mɛ̨nį kulɔi la ka lɔwai; Mɛ̨nįi ɉaŋąą Yai-Laa ɲɛ̨i ɓa kaa gɛ.

Dutɛrɔnome 9:10

Yai-Laa ə gwɛni ɓɛla hveelɛi tɛɛ bɔ́ yii ə bɛ̨ɛ̨ a ɲeekpiɛ. Nwooɠaa kpɔ Yai-Laa ə di ɓo, a ka mąą mɛ̨nį, ɲee nwuɔ̨ nwɔ̨n ɉąąi, a ɲąą kpɔn ɲələ, gəlee pɛ̨ɛ̨i kɛ di mɛ̨i.

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Kolosə 1:2

kuɔ ɓə ɉɛɓɛ́i ŋɛ̨i tɛɛi Yálá nwɔ nuą diɛ, diɛi di kaa a ku nąn nonnii, di tələnmoɔ Kristə laa hu, diɛ ɓo Kolɔsə daai. Kuɔ gu Ną́n Yálá ə mɛ̨inɛ̨ɛ̨ da liilaa tɛɛ ka pɔ.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Timote dɔlɔɔ 6:12

Laa na laa mąą kɔ́ lɛlɛɛ kɔ́, yɛnɛ̨ɛ̨ hva kpɛɛi ə́ təliɛi mą, 'gwɛli, yɛ bələ ə́ gɔlɔn na, ɛlɛɛ, ə́ mąą kɛla hvaa ɓo a laa na laa, nu kpulu kɛnɛ̨ɛ̨ ɲɛ̨i ɓa.

Timote veelɛ 1:13

Dɛ̨ą wooɠaai ə́ mɛ̨n nái, ə́ wɔɔ yɛnɛ̨ɛ̨ kɛ pələ kɔɔn mą, laa na laa hu da wɛlikɛmąąlaa hu, Jesus Kristə laa hu.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Hebreu 13:22

Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.

Hebreu 6:9

Yii ɓaa ká wɛi, nwɛ́likɛmąą nuą, ku mą kɛ mɛ̨nįɠaa ti ɓoi, ku laai na kuɔ: Ká káá bələ haŋąa mɛ̨i, yai a ɓalo pələ.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Piɛrə veelɛ 2:21

Mąąhɔlɔɓo, viɛlaɓoɔi kɛ, di lɛɛ di kpɔɔ ɓa, ə tɛɛ dɛ̨ą pələi ŋɛ̨i kɔ́lɔn ŋąą ɓa di yəi, di pənə di həɠə Yálá nwɔ liɛwoo lɛlɛɛ ŋɛ̨i mɛ̨i, yii di mɛ̨n.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Zûu 1:17

Kɛlaa, nwɛ́likɛmąą nuą ka wɛi, nwooɠaai gu Ną́mu Jesus Kristə nwɔ tínuą di mo kaa, ka ka kili lɛɛ ɉu.

Zûu 1:20

Kɛlaa, nwɛ́likɛmąą nuą ka wɛi, laa na laa mąąhəɠɛɛ ŋɛ̨i gaa ka yɛi, ka tɔɔ mɛ̨i kpąą. Kaa Yálá hvɛli Kili-Mąąhəɠɛɛ hu.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.