Zooɛ 3:4 - Yálá laawoo hɛɓɛ (dc)

⁴ Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Yálá laawoo hɛɓɛ

⁴ Hvolo hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Bible

⁴ “Óo Taya da Sidɔŋ, é pɛ́lɛ Felesia lɔii-kpiniŋ-ŋai dîa kákaa a lé ḿɛni ma? Ká káa ŋɔ́nɔ ḿvela-fêi sɛŋ da mɛni ma. Gɛ̀ ní ŋa pâi kásɔŋyɔ̂ŋ kélee pûi káŋûa a maa-felaa.

Zooɛ 3:4 Iomraidhean Croise

Kɔlɔnikɔ Veerɛi 21:16

Yai-Laa ə Filisti nuą da Arabə nuąi tii Kusə lɔi hu, di wɔɔ yowolaa ɲąątɔɔ Yoramə ɓa.

Azaya 14:29

Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Azaya 34:8

Yai-Laa nwąną kulɔ hvóló li, gwɛlan da Siɔn mąą mɛ̨nį ɓo la, mąą kwɛlan ni.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Ɉeremi 47:1

Yai-Laa wooi həli Yálá kwəi mɛ̨nį hukulɔ mun Ɉeremi ɓa, yɛ hvilɛn na Filisti nuą diɛ, nąąlɔwai, Eziptə tɔɔmun hvo ni kɛ Gaza lɔi hon ni a kɔ́.

Ɉeremi 47:4

Volói ŋɛ̨i pai, Filisti nuą kəlee ɲąą yii mɛ̨nį ɓa, nu tɛitɛi kəlee da kpɔnmąą tɛɛ Tirə da Sidɔn di pɔ, di paa mɛ̨nį ɓa. Gaa tii, Yai-Laa kaa Filisti nuą kpɛɛi yɛnɛ̨ɛ̨, diɛi di kaa Kaftɔrə dínɉu gboloyá hąmąi di wɔ nu gbəliɠaa.

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Zooɛ 2:10

Nɔi yɛ dumo di tɔwɔ. Yələkɔlɔn yɛ kpɛlin. Hvóló da ɲąnin di hu yɛ kpinį. Pɛmɛ̨lɛ̨n-gɔw ta hva hvə lə.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Maafîu 11:22

Gáá tɛ̨ą ɓoi kaa, Yálá nwɔ kitii tee lɔwai, Tirə da Sidɔn taa di wɔ gahoi a hviɛlaɓo ə tɛɛ ka wɛi ɓa.

Lukə 10:13

«Kpalo ɓɛlaai yɛ́, Korazɛn taa, kpalo ɓɛlaai yɛ́, Bɛtsaida taa, mąąhɔlɔɓo, gbalo mɛ̨nįɠaa ŋɛ̨i kɛ ka hui, a kɛ tii kɛ Tirə daai da Sidɔn taa hu, yɛ mą, daaɠaa tii hu nuą daa wɔlɔ kɛ mąąwɛli həɠə too di kwąną, əgɛ, di nɛ diɛ: daa di túwɔ́ pələ ɲɔ̨nŋąa mąąhvalin.

Lukə 10:14

Yili ɓə gaa mą, Yálá nwɔ kiti tee lɔwai, Tirə taa da Sidɔn taa, di wɔ gahoi a hviɛlaɓo ə tɛɛ ka wɛi ɓa.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Gɛlaɠaa 9:4

Solə ə too nɔi ɓa, ə woo ta mɛ̨n yɛ kɛ mą: «Solə! Solə! Lə mɛ̨nį ɓa ə́ kaa mɔ̨nɔ̨ɓoi?»

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Tɛsalonikə veelɛ 1:6

Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ,

Nwun mąąɓo 11:12

Ɉɛfte ə wɛlɛɛ tɔɔ Amɔn nuą di wɔ tɔɔmun pɔɔli, yɛ mą: «Lə mɛ̨nį ɓə gwa kaa ni gu lɔwai, yai ə́ pa pɛlɛi nwɔ́ lɔi ɓa?»