Zooɛ 3:2 - Yálá laawoo hɛɓɛ (dc)

² Ə mą kpɛli kɛ ka wɔ luwɔ hinąą da ka wɔ luwɔ nɛ̨ąą, ŋą́ nwɔ́ Kilii tɛɛ di pɔ.

Yálá laawoo hɛɓɛ

² Ə mą kpɛli kɛ ka wɔ luwɔ hinąą da ka wɔ luwɔ nɛ̨ąą, ŋą́ nwɔ́ Nįį tɛɛ di pɔ.

Bible

² Ŋa pâi ǹɔii-ŋûŋ-ŋai kélee ŋáa tɛ̂i ma ŋa pá a dîa Zeosafa potoi su, naa ƃé ŋa pâi dímɛnii ŋáa têei naa ŋánûai mɛni ma da Eezuɛ nyii gáa a ŋápɔɔ-sɛŋ kpɛ́ni fêi, da ŋánûai táa-tâa ǹɔii-ŋûŋ-ŋai su, da ŋálɔii ŋáa kɔ́lɛ.

Zooɛ 3:2 Iomraidhean Croise

Kɔlɔnikɔ Veerɛi 20:26

Voló nąąn ɲələ, di di ɲąąkpɔn núwɔ́ yɛɛ kɔ́ɔi. Mąąhɔlɔɓo, nąą ɓə di lúwɔ́ too laa Yai-Laa laa hu. Yili ɓə gɛ, diɛ gɛɛnąą tii laa hee a «Lúwɔ́ yɛɛ kɔ́ɔi», naa tii lɔ ɓə mą háá ɓaa a háá.

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Azaya 66:18

Ɲą́ą́ ɓə di kɛ mɛ̨nįɠaa, da di kɛ kólóɠaa kɔ́lɔn. Ŋą́ pa hįį kəlee ɲąą kpɔn ɉii, da hį́i woo kəlee, di kaa pai pai, diɛ nwɔ mąąwiɛ kaa.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 25:31

Din gaa həlii lɔi kpon ɉeei, Yai-Laa a kiti pɛlɛ lɔiɠaa diɛ. Aa mɛ̨nį ɓo kpalatɔɔ, yɛ vilɛn nu kan gəlee ɓa, nuąi a kala diɛ, a di tɛɛ ɓɔwa kwɛa pɔ. Yai-Laa woo li.

Ɉeremi 49:1

Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Izikiɛ 25:8

«Mɛ̨ni kəlee ŋą Hééɓomun Yálá woo ka, yɛ: Moabə da Seirə di kɛ diɛ, Ɉuda nwɔ pɛlɛ́i aa kɛ yɛ lɔi takpɛliɠaa.

Izikiɛ 34:6

Nwɔ taatɛlɛɛ kpului kaa lɔ lii nwun ma, ɲeeɠaa kəlee nwuɔ̨; yee kpu kpu kəlee nwuɔ̨. Nwɔ taatɛlɛɛ kpului hu a taɠa nɔi kɔ́lɔ kəlee, ɛlɛɛ, nu hvo mą, yɛ di kwɛli; nu hvo mą, yɛ hvilɛn di pulu.

Izikiɛ 35:10

«Mąąhɔlɔɓo, ə́ kɛ diɛ; ɉįi hveelɛi ŋɛ̨i, nɔi hveelɛi kaa a nwɔ́ɔ́; ɛlɛɛ, ku kaa pai di həɠəi a ku wɔɔ. Kɛlaa, Yai-Laa ə kɛ laa.

Izikiɛ 36:1

«Yɛ́i ɓaa hulɔnu lon, gwə́i mɛ̨nį hukulɔ Israɛlə yeeɠaa diɛ, 'kɛ diɛ; Israɛlə yeeɠaa, ka ka wəli tɔɔ Yai-Laa woo ɓa,

Izikiɛ 36:5

Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Izikiɛ 39:11

A mąą yələi, ŋą Gɔgə kámą tɛ Israɛlə lɔi hu; kɛɛnąą laa tɛɛ ta ɓa; Ovarim-yee lɔwai lɔi hu, gboloyá kwɛlɛ; a bələ too hiɛ kulɔ nuą tɔwɔ. Nąą ɓə di kaa pai Gɔgə looi laa, da ŋą nu kpului; di kaa pai nąą laa heei a Gɔgə da nwɔ nuą di kámą la.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Mise 4:12

Kɛlaa di hvo Yai-Laa kwəi kɔ́lɔn, mɛ̨nįɠaai gaa giliŋąhiɛi mą, di hvo gbaɠala kaai; gbaɠala hvo diɛ, diɛ kɛ: aa di ɲąąkpɔn yɛ mɔ̨nun gɔnŋąą, mɔ̨nun dan ɉii.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

M̀ɛni-lɛɛi 16:14

Di kɛ a ɲįnɛ̨nŋaa di wɔ kiliɠaa. Di kɛli kwɛlɛɛn mɛ̨nįɠaa kɛ, ɛlɛɛ, də li kpɔ yɛnɛ̨ɛ̨ tɔɔɓɛlaa kəlee pɔ, əgɛ, di di ɲąąkpɔn, diɛ pa pɛlɛi Hééɓolaa kəlee Nąmu Yálá ɓa, a gɔ-kɔ hvóló kɛnɛ̨i.

M̀ɛni-lɛɛi 16:16

Ɲįnɛ̨nŋaa tii di dɔɔɓɛlaa kəlee ɲąąkpɔn ɓɛi da kɛ mą Hebreu woo hu: «Harmagedɔn».

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 20:8

Ɛlɛɛ, gaa pai lii ə hįi lɔiɠaai yɛnɛ̨ɛ̨ nwonwo nąąn ma, ə nuą ɲąąhɛn, Gɔgə ɛlɛɛ, Magɔgə. Gaa pai di ɲąąkpɔn ɉii, kɔ́ kɔ́ mɛ̨nį ɓa, di lonon gwɛnį kaa pai kɛi yɛ gboloyá hu ɲɛ̨ą kɔw.