Zooɛ 2:17 - Yálá laawoo hɛɓɛ (dc)

¹⁷ Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Yálá laawoo hɛɓɛ

¹⁷ Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Bible

¹⁷ Tɔɔ zâla láa-soŋ-ƃelai da Yâwɛɛ ŋɔtíi kɛ́-ƃelai dí tɔ́ɔ ŋ̀âla-teƃelei da bɛ́rɛi lá loai dí wɔ́lɔ dîyɛɛi, “Ínûai ƃálo óo Yâwɛɛ. Ífe nɛ̀ɛ naa ƃâa é kúla ípɔɔ-sɛŋ ma é kɛ́ a ɣɛ́lɛ maa sɛŋ ǹɔii ŋuŋ-ŋai su. Dí m̀ó ǹûai dîa dîyɛɛi, ‘Díɣâlai kɔ́ɔ?’ ”

Zooɛ 2:17 Iomraidhean Croise

Tɔɔɓɛlaa dɔlɔɔ 6:3

Ɲįmąn ŋɛ̨i kɛ bɛlɛ́ laaləi, di gulɔ bɛlɛ́ ŋąą kɛnɛ̨i pələ; yili ə kɛ a yee laa mą pow hveelɛ, ŋąą kɛnɛ̨ pələ ə ɓo a yee laa mą pow.

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Kɔlɔnikɔ Veerɛi 7:20

ka gɛ tii, nɔi ŋɛ̨i ŋį́ dɛɛ ka pɔ, ŋį́ ka kulɔ ɉu, ɛlɛɛ, bɛlɛ́i ŋɛ̨i ŋį́ mąąhəɠə ŋį́ náá hee mą, ŋį́ bili, ŋį́ gulɔ ɲɛ̨́i mu, ŋį́ gɛ a hį́į lɔi kəlee ŋą yɛlɛ kulɔ ɉu hɛn, diɛ yɛlɛ mą.

Kɔlɔnikɔ Veerɛi 8:12

Ə həɠə kɛa ɲələ ɓa, Salomɔn ə kɛi Yai-Laa kɔ́ haláá kulɔ a haláái da gəlee kələn, ɓɛi ŋɛ̨i ə Yai-Laa ŋą haláá kulɔi bɛli laa bɛlɛ ɲɛ̨i tɔwɔ;

Nehemi 9:36

Háákələi, ku wɔ ka a luwɔɠaa, nɔi ŋɛ̨i ə́ dɛɛ ku ną́nni pɔ, yɛ́ kɛ di ɉu hɛn gɔw, da ɉu kɔ̨nɔ̨n mįi, ku wɔi a di lonnii, kwaa kɛ ɉu a luwɔɠaa.

Mąątɛ̨nɛ̨ 115:2

Lɔi takpɛliɠaa di hvo nəi pa tɔɔ diɛ kɛ mąi: «Di wɔ Yálái kaa mįnɛ̨?»

Mąątɛ̨nɛ̨ 42:10

Gɛ́ ŋą́ kɛ Yálá ɓa: Mą́ą́kɔ̨nwɔ̨ Kwɛni ɓaa a Yɛ́. «Lə ɓə kɛ yaan, yáá lɛ̨ą mą́ą́? Gɛ́ li a ɲɛ̨́imąąwɛliɛ, ɲówóɠaa diɛ hee ɉú?»

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:3

Yálá ə́ mąą pulu aa ɉón, Yɛ́i a Yálá hvulúmąą. Lə yələ ɓə ŋą́ pai lɔi la, gɛ́ tɔɔ Yálá lííla?

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 74:10

Ee kə Yálá, ə́ yowo kaa pai lɛɛi ə́ ɓɛlɛ tooi, ə lɛɛ ɉu mįnɛ̨ lɔwai ə həli? Ə́ yowo kaa pai lɛɛi naa pui ə́ laa hu ə lɛɛ ɉu lə yələ ə həli?

Mąątɛ̨nɛ̨ 79:10

Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Mąątɛ̨nɛ̨ 89:41

Yáá nwɔ galai nwolo tee mą nąą kəlee, yáá mąąkɔ̨nwɔ̨ hį́iɠaa kəlee pu,

Mąątɛ̨nɛ̨ 89:51

Nwɔ́ mɛ̨nį Nąmu, ə́ wɔ tí nuąi di wɔ laanɔ̨nwɔ̨ hu, ə́ kili lɛɛ di hu, ə pɛlɛ la nu kpului ŋɛ̨i kəlee di mąą mɛ̨nį hɛlɛn ŋąą mą́ą́i, diɛ.

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Zooɛ 1:9

Yálá kɔ́ lɛɠɛ, da gɔ́ lɔɔɠaa daa kpɛɛ, Yai-Laa hee pɛlɛ́ mu, ɉaláá laa həli nuą, diɛi tii a Yai-Laa nwɔ tínuą daa mąąwɛli heeɓo.

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Amɔsə 7:5

Ŋą́ mo Yálá ɓa, gɛ́ mą: «Ną́mu Yálá! Ŋą́ą́ ə́ hu hon, nɛɛ yɛ́, akɛ ya wala gɛ, ə́ wɔ nu kpulu logoloi ŋɛ̨i hvo pai lɛɛi yɛnɛ̨ɛ̨.»

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Malasi 1:9

Yiihu kɛa, ká gɛ pələ kwɛli mą, ə gɛ, ɲą́ą́i a ka wɔ Yálá, ka nɛ̨ɛ̨mąą hvə mą́ą́, ŋą́ nwɔ́ nuą ɲɛ̨imąąwɛlikaa. Gaa ka kwəi, bələi tii ka túwɔ́ la a ɲą́ą́, gáá pai nwə́li tɔɔi kaa a nɛlɛɛ yili mąą mɛ̨nį ɓa? Gɛ́ kpɔ kaa, kpaa-oo!

Lonon mo 25:6

Nąąlɔwai, Israɛlə hulɔnon da ə Madian nɛ̨ɛ̨non da həɠə, ə paa la nąn nonnii lɔwai, Moisə da Israɛlə nu kpulu kəlee ɲɛ̨i ɓa, ɓɛlɔwai di kɛi wɔlɔ la gee kaa kələ laaləi

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.

Dutɛrɔnome 32:27

Ə li kɛ və́ gíliŋąhiɛi di yowoɠaa woo ɓa, gɛ́ kɛ di hvo pa ləi yɛlɛ kulɔ ɉú; diɛ di kpɔɔ ɓowo diɛ kɛ diɛ: ‹Kuɔ yee walawala laa kpɔ ɓə mɛ̨nįɠaa tii laa diɛ, Yai-Laa hvo mɛ̨nį ta kɛ li ɉu.›

Zasua 7:9

Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»