Zooɛ 2:16 - Yálá laawoo hɛɓɛ (dc)

¹⁶ Ka nu kəlee ɲąąkpɔn, ka ɲąąkpɔn mąąhəɠɛɛ too ka ka ɲąąkpɔn, ka nɛapɛlɛɛɠaa təli, ə mą kɛ ɲįnį kpələ lɛapɛlɛɛɠaa. Hulɔnon aa nɛ̨ą həɠə a nįnɛ̨ ə kulɔ ɲəi bɛlɛ́n, nɛ̨ą həɠɛɛ nįnɛ̨ ə kulɔ ɲíi pɛlɛ́ mu.

Yálá laawoo hɛɓɛ

¹⁶ Ka nu kəlee ɲąąkpɔn, ka ɲąąkpɔn mąąhəɠɛɛ too ka ka ɲąąkpɔn, ka nɛapɛlɛɛɠaa təli, ə mą kɛ ɲįnį kpələ lɛapɛlɛɛɠaa. Hulɔnon aa nɛ̨ą həɠə a nįnɛ̨ ə kulɔ ɲəi bɛlɛ́n, nɛ̨ą həɠɛɛ nįnɛ̨ ə kulɔ ɲíi pɛlɛ́ mu.

Bible

¹⁶ Ka ǹûai ŋá tɛ́ ma. Lûwa tòo gbɔ̀ŋ ma, ká ǹúu pɔlɔ-ŋai kélee ŋáa tɛ́ ma. Ǹîa-pɛlɛɛi ŋáa tɛ́ ma, da gwâtara-ŋai máŋ. Tɔ́ɔ nɛnî kùla surɔŋ é kúla lóŋpoi su, ǹɛnîi ǹyaŋ é kúla ŋ̀ɔi su.

Zooɛ 2:16 Iomraidhean Croise

Kɔlɔnikɔ Veerɛi 20:13

Ɉuda nuą kəlee di kɛ tɔɔni Yai-Laa lííla, diɛ da di yəi bɛlɛ́n nuą, di nɛ̨ąni da di lonnii.

Kɔlɔnikɔ Veerɛi 29:5

Yɛ diɛ: «'Ka ká wəli tɔɔ nwóó ɓa, Levi lonnii! Yii hu, 'ka ká mąąhəɠə, 'ká Yai-Laa, ká nąnni di wɔ Yálái ŋą pɛlɛ́i mąąhəɠə. 'Ka mąąluɠu hɛn gəlee kulɔ gɛɛnąą mąąhəɠɛɛ ɓa.

Kɔlɔnikɔ Veerɛi 30:17

Yaan, nu tamąą di kɛ laa gbɔn ɉu, di hvo di mąąhəɠə li, yili ɓə gɛ, lévi lonnii ɓə kɛi pakə daatɛlɛɛɠaa nwun dee, a nuą tii di mąą hvo kɛ həɠə li diɛ pɛli goló mąąhəɠɛɛ kɛi Yai-Laa ɓa, di mąąhvalin.

Kɔlɔnikɔ Veerɛi 30:19

Nuąi tɔɔ a di nwąnąi di Yálá liiɓa kwɛli, a di nąnni di wɔɔ Yálái Yai-Laa, ə mą kɛ di mąą hvo həɠə li, di pɛli lɛɠɛi ɉɛn mąąhəɠɛɛɠaa diɛ: «Yai-Laa, yai nwɔ mɛ̨nį lɛlɛɛ, ə di mąąhvaalɛɛ!»

Kɔlɔnikɔ Veerɛi 35:6

'Ka pakə haláá kulɔ, 'ka ká mąąhəɠə kani, ka kpɔnmąą tɛɛ ka nąn nonnii pɔ, əgɛ, nwoo ŋɛ̨i Yai-Laa ə dɛɛ Moisə pɔ, diɛ pɛli bɔ mɛ̨nį kɛi.»

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Mąątɛ̨nɛ̨ 19:5

Kɛlaa, di wɔ wɛlɛɛwoo a hiɛ yɛnɛ̨ɛ̨ nąą kəlee, di woo yɛ həli kpɔ lɔi kpon ɉeei. Yálá aa pɛlɛ́ tɔɔ laa a hvoló nwɔɔ.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Lɛɛ gbɔwɔ ɓa 19:15

Yɛ nuą diɛ: «Gɛɛ hvóló haaɓa hvo tɛɛ, mąąnɛ̨ɛ̨, ka mąą mɛ̨nį kəlee ə kɛ a bɛliɛ ɉu, nu ta hvo laa nɛ̨ą kwɛlɛ.»

Lɛɛ gbɔwɔ ɓa 19:22

Ə mą kɛ ɉaláá laa həli nuąi da kɛ di mąą lɛɠɛi Yai-Laa ɓa a bɔlɔ, mąąnɛ̨ɛ̨ di di mąąhəɠə; ə gɛ, Yai-Laa hvo pa nəi níiholi di pɔ.›»

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Maafîu 21:16

Diɛ Jesus ɓa: «Akɛti mɛ̨nį ŋɛ̨i di kaa moi ə kaa mɛ̨n ɉi?» Jesus ə di woo ŋąąpənə yɛ diɛ: «Gáá mɛ̨n ɉii.» Yili pulu yɛ diɛ: «Ka hvo nii galan ni Yálá laawoo hɛɓɛ́ hu diɛ kɛ mą: ‹Yaa gɛ kpɔ lɛapɛlɛɛɠaa da ɲįnį kpələ lonnii diɛ mąąwiɛ tɛɛ ə́ pɔ.›»

Maafîu 9:15

Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

Zasua 8:35

Mɛ̨nįɠaa kpɔ Moisə ə bɛ̨ɛ̨ dɔ́n ɉɛɓɛ́ hu, dɔ̨nɔ̨ kpɛli hvo lɛɛ pulu, yii Ɉosue hvo kɛ mo li Israɛlə nu huwu ɓa, nɛ̨ą da ɉinąą, lɛapɛlɛɛ da nwɛ̨ąą mąn, nu kəlee ə mɛ̨n.

Samuɛlə dɔlɔɔ 16:5

Ə di woo ŋąąpənə, yɛ diɛ: «Liilaa ə tɛɛ ka pɔ, nɛlɛɛ ɓə ŋą́ paa la. Ŋą́ pa haláá kulɔi Yai-Laa ɓa. 'Ka ká mąąhəɠə, ka pa gu ɉaláá kulɔ.» Samuɛlə ə Ɉɛse da nonnii di mąąhəɠə, ə di tə li ɉaláá kulɔi.