Zooɛ 1:4 - Yálá laawoo hɛɓɛ (dc)

⁴ Yii gbəligbiɛ̨ a nɛɛ laa, peelə a gəlee mį́i. Yii peelə a nɛɛ, hvili aa gala Yii hvili ə nɛɛ, ɉái aa mį́i.

Yálá laawoo hɛɓɛ

⁴ Yii gbəligbiɛ̨ a nɛɛ laa, peelə a gəlee mį́i. Yii peelə a nɛɛ, hvili aa gala Yii hvili ə nɛɛ, ɉái aa mį́i.

Bible

⁴ Gotó kpulu è pù kási-sãai dîa dí mìi. Zí-sãai nyii lɛ̀ɛ naai, gotó kpului veerɛi è mìi. Gwaa-kara gotó-ŋai dí pà dí gbéli míi.

Zooɛ 1:4 Iomraidhean Croise

Tɔɔɓɛlaa dɔlɔɔ 8:37

«Akɛ pulu a too nɔi, kwəi kulɔ ɲɔ̨n ə pɛlɛ nuą diɛ, akɛ kolo a lɔ ɉihɛnŋąą hu, Peeləɠaa da poninŋąą diɛ kɛɛ kala nɔi, ə mą kɛ di yowoɠaa daa di mąątinɛ̨n a kɔ́, ə mą kɛ a mɛ̨nį ɲąąnwąnąą huwui lɔpee gəlee, ə kɛ a ɲɔ̨n ɉuwui lɔpee gəlee.

Kɔlɔnikɔ Veerɛi 6:28

Pulu a pa tooi nɔi, ɲɔ̨n a pu nu kanŋaa mɛ̨i, díiɠaa da ɉihɛnŋąą da pa di yee lɛɛi, peeləɠaa, ponįnŋąą awala kɛ tii, ɉaiɠaa, awala kɛ tii, di yowoɠaa da di wɔɔ taaɠaa mąątinɛ̨n a kɔ́; ə kɛ a mɛ̨nį ɲąąnwąnąą huwui lɔpee, ə kɛ a ɲɔ̨n ɉuwu lɔpee,

Kɔlɔnikɔ Veerɛi 7:13

Akɛ ŋį́ yələ kɔ́lɔn naa kpulu, tulɔ awala kɛ pui, ŋį́ peeləɠaa tí diɛ nɔi hɛnŋąą hukala, ŋį́ nɔi wolo ɲɔ̨n bili nwɔ́ lɔi lonnii lɔwai,

Mąątɛ̨nɛ̨ 105:34

Ə mo peeləɠaa diɛ, di pa, a bonįn ɉuwui tii lonon və kɛ mąi.

Mąątɛ̨nɛ̨ 78:46

Ə di wɔ mɔ̨nun lɛɛ a peeləɠaai kɔ̨nɔ̨n, góloɠaa di gɛ, ə lɛɛ a ɉaiɠaa gɔ̨nɔ̨n.

Lɛɛ gbɔwɔ ɓa 10:4

Yá lənə nwɔ̨nɔ̨ mą, gáá tinąą pai ɓoi peeləɠaa diɛ, di pɛlɛ ə́ wɔ lɔi nąą kəlee.

Lɛɛ gbɔwɔ ɓa 10:5

Di kaa pai pɛlɛi nɔi mɛ̨i nąą kəlee, nu hva kpɛli nɔi ɓa kaa. Ɉihɛn yiiɠaai ɉanwon dulɔ ə nɛɛ, di kaa pai gəlee mįi, wulu ta laa hva lɛɛ mą, hɛn da hva lɛɛ ɲɛɛ kɔ́wɔɠaa hu.

Azaya 33:4

diɛ ka wɔ kɔ́ hon bu gee mɛ̨i, yɛ peeləɠaa, diɛ pu mɛ̨i yɛ ɉaiɠaa da kɛi pu hɛn mɛ̨i.

Ɉeremi 51:14

Yai-Laa Mɛ̨nį Kəlee ŋą Hééɓomun aa gwɛla a gbɔwɔ; yɛ diɛ: «Gáá ə́ laa hvɛɛi a nuą, di tamąą di tɛɛ peelə ɓa, diɛ kɔ́ húú pili ə́ mɛ̨i, yɛ mɔ̨nun dee nuą da kɛi tomą.»

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Zooɛ 2:25

Yai-Laa woo ka, yɛ diɛ: Gwəlanŋąa kpɔ, gbəligbiɛɠaa da peeləɠaa, ɉaiɠąa da hviliɠaa, diɛi a nwɔ́ kɔlaɠai diɛ ŋį́ ɲąątɔɔ kaa, diɛ kɛɛ kala la kaa; Ŋą́ gəlee pɔɔi kulɔ ɉu.

Amɔsə 4:9

Ną́mu Yai-Laa yɛ nwɔ̨nɔ̨ diɛ: Ŋą́ hvaa mą kolo ə lɔ ka wɔ hihɛnŋąąi hu, ka wɔ hihɛnŋąąi di kpala ɲeą, ka wɔ hihɛn ɲeaɠaai, ka wɔ viɲə yɛaɠaai, ka wɔ ɓolaa wuluɠaa da ka wɔ olivə wuluɠaai, peeləɠaa da gəlee laa mįi. Kɛlaa, pələi mąn ŋį́ gɛ la tii, ka hvo gɛ li ka hvo pa bɔ́. Yai-Laa woo li.

Amɔsə 7:1

Mɛ̨nįi Yai-Laa ə nɛ mą́ą́ hįį pələ, ya ka: Ɓɛlɔwai galaɠaa di kɛi tɛlin na, nąąlɔwai beele kpulu kɛ̨nɛ̨ ŋɛ̨i Yálá ə kɛi gɛ pələ pɛli, ə nɛ mą́ą́. Yili ə kɛ tii, tɔɔmun nwɔ hoo kalai ɉəɠələ tɛi lɔwai.

Malasi 3:11

Akɛ tii, vá kɛa hvaa mą, koon-goon ɉɛnŋąą di hvo ka wɔ hihɛnŋąąi má kala, ka wɔ viɲə yɛaɠaai da ɓá a nɛlɛɛ. Ɲą́ą́ ɓə yili laakwɛlanmoi káá.

Dutɛrɔnome 28:38

Ka tíi kɛnɛ̨ kɛ, ká dee tiikpə. Mąąhɔlɔɓo, peeləɠaa da gəlee mįi.

Dutɛrɔnome 28:42

Ka wɔ hihɛnŋąą kəlee da lɛɛ a poninŋąą kɔ̨nɔ̨n.