Zooɛ 1:2 - Yálá laawoo hɛɓɛ (dc)

² Nu pɔlɔɠaa, 'ka nwóó ŋɛ̨i mɛ̨n, ka ka wəli tɔɔ kaai a nɔi hu nuą. Mɛ̨nįi ŋɛ̨i ta aa ta kɛ ka wɔ yɛnɛ̨ɛ̨ hu? A wala kɛ tii, ka nąnnii di wɔ yɛnɛ̨ɛ̨ hu?

Yálá laawoo hɛɓɛ

² Nu pɔlɔɠaa, 'ka nwóó ŋɛ̨i mɛ̨n, ka ka wəli tɔɔ kaai a nɔi hu nuą. Mɛ̨nįi ŋɛ̨i ta aa ta kɛ ka wɔ yɛnɛ̨ɛ̨ hu? A wala kɛ tii, ka nąnnii di wɔ yɛnɛ̨ɛ̨ hu?

Bible

² Káai a ǹúu pɔ̂lɔ-ŋai, ka nyíŋi mɛ́ni, káai kélee ǹɔii sui, ka káwoli tɔ́ɔ! M̀ɛnii ŋí da a tá wɔ́lɔ kɛ́ kákɛ̀ ɣéniɛi su, kpaa máŋ kánâŋ-ni dí kɛ̀ ɣéniɛi su?

Zooɛ 1:2 Iomraidhean Croise

Zôo 12:12

Kili mɛ̨nį kaa a nu kpɛa kpɛa di wɔɔ, mɛ̨nį kɔ́lɔn gili ə ɓo a di wɔɔ.

Zôo 15:10

Ɓɛ kaa, hulɔgolo mąą pɔlɔɔ kaa gu lɔwai, nu tɔ̨nɔ̨ kaa kwɛlan damą pələ, ə́ nąn nwɛi hvo kpɛli həli li bɔ.

Zôo 21:7

Nu ɲɔ̨nwɔ̨ɔ̨ɠaa da lɛɛ yɛnɛ̨ɛ̨ lə mɛ̨nį ɓa, di pɔlɔ mɛ̨nį yɛ kɛ a di wɔ yee wala wala laa hu kɛnɛ̨ mɛ̨nį?

Zôo 8:8

Nuąi wɔlɔ daa tɛɛ, di mąąnikɛ, Ə́ kili lɛɛ tɔwɔ tɔwɔ nuą di wɔ mɛ̨nį kɔ́lɔn bələ hu.

Mąątɛ̨nɛ̨ 49:1

Nwələ ɲɛ̨itɔwɔ mun. Kore lonnii di wɔ wələ woo.

Azaya 34:1

'Lɔiɠaa! 'Ka lɛɠɛ ɓɛ! 'Ka ka wəli tɔɔ! Yɛnɛ̨ɛ̨ nuą! 'Ka ka wəli tɔɔ kpɔ a nɛlɛɛ! Lɔi da ɉu hɛnŋąą kəlee di di wəli tɔɔ; yɛnɛ̨ɛ̨ pilɛɛ gee mɛ̨i da ɉu lonnii kəlee.

Azaya 7:17

Kɛlaa, yɛ́ ka ə́ nąn nonnii, da ká ə́ wɔ lɔi hu nuą ka wɛi, Yai-Laa kaa pai hvólóɠaa hɔɔi ka mɛ̨i, yii ɉuwu ta hvo ta muhəɠə li tii, ə həɠə ɲələi Ɛfraimə lɔi da Ɉuda lɔi di di ɓɛlaɓo la. Asiri tɔɔmun.»

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 5:21

«'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Amɔsə 5:1

Israɛlə nɔi nuą, mɛ̨nį gɛ́ ŋį́ mo, 'ka ka wəli tɔɔ mą. Ya ɓaa: woolaa yii gáá gɛi ka mąą mɛ̨nį ɓa.

Mise 1:2

Yɛ diɛ: Hį́i kəlee, 'ka ka wəli tɔɔ! Lɔi, ə pɛlɛ ɉu hɛnŋąą diɛ, aa həli kaa! Nąmu Yálá kaa bɔ ə ka hɔn mo! Yai-Laa, yaa tii nwɔ pɛlɛ́ mąąhəɠɛɛ mui.

Mise 3:1

Ya ɓə ŋą́ kɛ kaa: 'Ka ka wəli tɔɔ! Ɉakɔbə nwɔ pɛ́lɛ́i ɲąąwooɓo nuą; Israɛlə nwɔ pɛ́lɛ́i mɛ̨i kaa nuą. Kaamun və kɛ mąąnɛ̨ɛ̨ ka tɛ̨ą kɔ́lɔn?

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.

Maafîu 13:9

Jesus ə kpɛɛ lɔ a yili ɓoɔ yɛ diɛ: «Nui wəli kaa mą, ə mɛ̨n.»

Maafîu 24:21

Mąąhɔlɔɓo, mɛ̨nį nwąnąą kpɛa-kpɛaɠaa da kɛ a volói tii, yii ɲɔ̨nwɔ̨man hvo ta kɛ li ə həɠə yɛnɛ̨ɛ̨ kɔ́wɔ tɔɔi lɔwai ɓa, ə həli la ma yələi tii ɓa. Ɛlɛɛ da hvo nwɔ̨nɔ̨ pai kɛi kɛa yili pulu.

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»