Zôo 9:4 - Yálá laawoo hɛɓɛ (dc)

⁴ Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Yálá laawoo hɛɓɛ

⁴ Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Bible

⁴ Ɣâla táreɛi, ŋ́wala-wala. Núu da a pɔ̂ri tɔɔ̂i Ɣâla ma é Ɣâla yée mɛi ɣále? É folôŋ mà.

Zôo 9:4 Iomraidhean Croise

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Kɔlɔnikɔ Veerɛi 20:6

Ɉosafatə ə Yálá hvɛli ŋɛ̨i, yɛ mą: «Yai-Laa ku nąnni di wɔɔ Yálá! Kɛlɛi, Yɛ́ ɓə a Yálá yələkɔlɔn mɛ̨i yələkɔlɔn ɉu-e! Ɛlɛɛ, Yɛ́ tɔɔ lɔiɠaa kəlee ɲąąwooɓo-e! Huwalawala da heeɓolaa di kaa Ə́ yəi, hɛn da lɔpee hva pɛli tɔɔi Ə́ la.

Zôo 11:6

A pɛli kɛ mɛ̨nį kɔ́lɔn mun gwəi kili lɛi yɛ́; yii gbaɠala kaa laa walaai a nu kili. Nąąlɔwai, yá gbaɠala kaa, yɛ́ diɛ Yálá a kɛ lɛ̨ąi ə́ hɔn daɠaa diɛ.

Zôo 12:13

Kɛlaa, kili mɛ̨nį da mɛ̨nį kɔ́lɔn ŋąą di kaa a Yálá nwɔɔ. Liɛwoo da kili kɛ ɲəi di ɓo a nwɔɔ.

Zôo 15:13

Yɛ́ ə́ liiholi Yálá pɔ, woo kpɛa kpɛa diɛ kulɔ ə́ la?

Zôo 23:6

Ə li mɔ̨ɔ̨ pa tɔɔi ná a nwɔ huwalawala? Kɛlaa, kpaa! Nwɛi, a pɛli kpɛli kɛ nwəli tɔɔi nwóó ɓa.

Zôo 24:22

Yálá ɓə a huwalawala hukala a nwɔ hvaŋą. A muhəɠə, ə lɛɛ nuąi di wɔ yɛnɛ̨ɛ̨ hva kɛa lɛɛ a hɛn da.

Zôo 25:2

Yálá ɓə yeetɛɛmąą kaa ɲəi, da ɲɔw mąą laa. Ya ɓə a liilaa nwɔ yələkɔlɔn hu.

Zôo 28:23

Yálá ɓə ɉəɠəi pələ kɔ́lɔn, nwɛi, ɓɛi gaa laa, ə nąą kɔ́lɔn.

Zôo 36:5

Ə́ kiliŋąhiɛ Yálá nwɔ kɛnɛ̨ laa ɓa, nwɛi hva kɛ diɛ, gáá yɛlɛ kulɔi ɉu, a gɛnɛ̨ pələ lɛ gɛ mɛ̨nįɠaa kəlee hu.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 38:36

Gbɛɛ ɓə a ya hvɛɛ mɛ̨nį lɛɛ kwɛa la, yɛ gbaɠala lɛ nwɛ̨nį ɓa? Gbɛɛ ɓə yələ ɓɔi gɔlɔn gili tɛɛ tɛ́ɛ́hilɛ pɔ?

Zôo 38:37

Gbɛɛ ɓə a tulɔ kpinįn nono a kili kɛ ɲəi laa, yɛ gɛ, tulɔ yɛ pu pɔlɔ ɓa,

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Zôo 41:2

Ɓowo hvo nu ta ɓa yɛ pɛli naaikwɛlii. Gbɛɛ ɓə a pɛli tɔɔi ná?

Zôo 6:10

A kɛ ti, ŋį́ pɛli kɛ liilaa hɔlɔɓoi, ŋį́ kwəinɛ̨ɛ̨ hɔlɔɓo mɔ̨nɔ̨ kɛnɛ̨ɛ ti hu. Və́ pai lənəi Yálá mąą həɠɛɛ nwɔ tɔ́n ɓa.

Zôo 9:19

ŋį́ pɛli mɔ̨ɔ̨ huwalawala laa kulɔi la? Gaa a Huwalawala Nąmu. Ŋą́ tələnmolaa hu hvɛli, gbɛɛ ɓə a dɛɛ bɔ́?

Mąątɛ̨nɛ̨ 104:24

Yái-Laa! Ə́ kɛ kóloɠaa tamąą ɓə tai! Ə́ gəlee kɛ a kiliŋąlaa kɛnɛ̨, lɔi laahvɛɛi a ə́ wɔ pɛli hɛnŋąąi.

Mąątɛ̨nɛ̨ 136:5

Ə yələ kɔ́lɔn gɛ a kili kɛ ɲəi laa kɛ̨nɛ̨! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Lɛɛ gbɔwɔ ɓa 15:7

Ə́ hvaŋą kɛnɛ̨ pələ aa Ə́ kɔ́yɔwɔɠaa too, Ə́ wɔ liiholi aa gəlee kəlen yɛ dɛ̨ɛ̨ kpalaan.

Lɛɛ gbɔwɔ ɓa 9:7

Eziptə tɔɔmun ə nuą tɔɔ diɛ li Israɛlə lonnii pɔɔli kaai, nuą di pa diɛ mą, Israɛlə lonnii di wɛi ta hvo haa li. Bələi mąn ə kɛ la tii, ə gili walawala, hvo ɓo diɛ.

Hanwon 28:14

Nwun na nɛ̨ɛ̨mun maa, nui a ɲɔw mɛ̨nį ɲɔ̨n ma. Kɛlaa, nui a gili walawala mɛ̨nį ɲɔ̨n gɛɛ hu, ya ɓə kpalo a gaa.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 45:9

Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Ɉeremi 50:24

Ŋą́ hɛlɛn dɛ ə́ tɔwɔ Babilonə, ya ka yaa gɔ́ la ə́ tɛɠii, ə́ mąą kali aa ɓo, daa ə́ kaa, daa ə́ hon, mąąhɔlɔɓo, ə́ tɔɔ, yɛ́ kɔ́ pɛlɛ Yai-Laa ɓa.

Danîa 2:20

Daniɛlə ə mo kɛa, yɛ mą: «Mąąwiɛ kaa hɛn gəlee pɛli Yálá ɓa a yələ kəlee, ya ɓə kili, da huwalawala kaa ɲəi.

Nahumə 1:3

Tɛ̨ą li Yai-Laa liihvoli laa walaai, ɛlɛɛ, vaŋą kɛnɛ̨ɛ̨i, Kɛlaa, Yai-Laa hva mɛ̨nį ta lɛɛ laa hvo tɛɛ lɔ tii, a kɛ hiɛi tulɔ hvaŋą hu, yələi ə ɓo ɉuwu ɉuwu, gɔwɔ mu muluun gbala ka tii a tulɔ kpinįn.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Ifisiɛŋ 1:19

ɛlɛɛ, da nwɔ Hééɓolaa kɛnɛ̨i tii, ə ku mąą mɛ̨nį ɲɛ̨i kulɔ la, kuɔi ŋɛ̨i a laa na nuą, yɛ bələi lɔ ɉuwalawalaai la, da vaŋą kɛnɛ̨ pələ.

Ifisiɛŋ 1:8

Yálá ə gu pilɛ a ɲəi mɛ̨inɛ̨ɛ̨, a mɛ̨nį kɔlɔn gili, da kilikɛɲəi laa.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;