Zôo 9:2 - Yálá laawoo hɛɓɛ (dc)

² Gílí kaa ɉu gɛ́, bələ ɓə gaa la, Nu kan a pɛli tələnmoi ləi yɛ tɛɛ Yálá ɓa?

Yálá laawoo hɛɓɛ

² Gílí kaa ɉu gɛ́, bələ ɓə gaa la, Nu kan a pɛli tələnmoi ləi yɛ tɛɛ Yálá ɓa?

Zôo 9:2 Iomraidhean Croise

Tɔɔɓɛlaa dɔlɔɔ 8:46

«Ɲələi Israɛlə a nɛ̨ŋɛ̨n ɉəɠə la yɛ́, mąąhɔlɔɓo, nu ta hvo laa yii hva nɛ̨ŋɛ̨n ɉəɠə, yá ə́ liiholi di pɔ, ə́ di lɔ di yowoɠaa yee ŋą, ɛlɛɛ, nuą da di hon, di li a diɛ nwɛ̨ą lɔi hu, luwɔlaa hu, ə kɛ kwɛa la, ə kɛ kpuwɔ la,

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Zôo 25:5

Yálá ɲɛ̨i ɓa, ɲąnin voló hvo ɉu, pɛmɛ̨lɛ̨n gɔwɠaa mąą hvo həɠə li.

Zôo 32:2

Nąąlɔwai, Elihu yii gaa a Buzə mun Barakeɛlə lon, ə ɓo a Ramə huwuhu mun da, nii ə holi. Ə níiholi Ɉobə pɔ, mąąhɔlɔɓo, yili ə kɛi gbɔwɔ kɛ a tələnmomun, dɛɛ Yálá ɓa.

Zôo 33:9

«Hɔn və mą́ą́, nɛ̨ŋɛ̨n və mą́ą́, nwɔ́ mɛ̨nį haŋąąi, hɔn və mą́ą́.

Zôo 34:5

Ɉobə ə mo, yɛ kɛ diɛ: «Ɉɔ́n və mą́ą́, kɛlaa, Yálá yɛ nwɔ́ tɛ̨ą mɛ̨nį kpəlaan.

Zôo 4:17

Haa mun a pɛli mɔ̨ɔ̨ tələnmoi ə tɛɛ Yálá ɓa? Nu mąą a pɛli mɔ̨ɔ̨ həɠəi ə tɛɛ bɛli mun ma?

Zôo 9:1

Nąąlɔwai, Ɉobə ə nwoo ɲąąpənə, yɛ mą:

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.